தமிழக காவல்துறையில் நீண்ட காலமாக பணியிடை நீக்கத்தில் இருந்து வரும் காவலர்களை மீண்டும் பணியில் சேர்க்கும் முடிவு எடுக்கப்பட்டுள்ளது. இது தொடர்பான உத்தரவு வெளியிடப்பட்டுள்ளது. பல ஆண்டுகளாக விசாரணை அல்லது ஒழுங்கு நடவடிக்கை காரணமாக பணியிடை நீக்கம் செய்யப்பட்டு, வீட்டில் காத்திருந்த பல காவலர்களுக்கு இது மிகுந்த நம்பிக்கையை அளித்துள்ளது.

பணியிடை நீக்கம் என்பது தற்காலிக நடவடிக்கைதான். பெரும்பாலான சமயங்களில் குற்றச்சாட்டுகள், விசாரணை அல்லது நீதிமன்ற வழக்குகள் நிலுவையில் இருக்கும்போது இந்த நடவடிக்கை எடுக்கப்படும். ஆனால் விசாரணை நீண்டு செல்லும்போது, அது காவலர்களின் வாழ்க்கையை பெரிதும் பாதிக்கிறது. சம்பளம் குறைவாகக் கிடைப்பது, குடும்பச் சுமை அதிகரிப்பது, மன உளைச்சல் போன்றவை ஏற்படுகின்றன.

சிலர் பல ஆண்டுகளாக இந்த நிலையில் தவித்து வந்தனர். இந்நிலையில், தமிழக காவல்துறை தலைமை இந்தப் பிரச்சினையை கவனத்தில் கொண்டு, நீண்ட காலமாக நிலுவையில் உள்ள வழக்குகளை ஆய்வு செய்து, தகுதியானவர்களை மீண்டும் பணியில் சேர்க்க முடிவு செய்துள்ளது. இந்த உத்தரவு காவல்துறையின் நிர்வாக ரீதியான மாற்றங்களின் ஒரு பகுதியாகக் கருதப்படுகிறது.

இதையும் படிங்க: உயரிய கௌரவம்..! தமிழக காவல்துறையினருக்கு ஜனாதிபதி விருது அறிவிப்பு..!

ஏற்கெனவே பல சந்தர்ப்பங்களில் உயர் நீதிமன்றமோ அல்லது துறை ரீதியான ஆய்வுகளாலோ பணியிடை நீக்கம் ரத்து செய்யப்பட்டு, காவலர்கள் மீண்டும் பணியில் சேர்க்கப்பட்டுள்ளனர். ஆனால் இப்போது பொதுவான அளவில், நீண்ட கால நிலுவை உள்ள பணியிடை நீக்கங்களை தீர்க்கும் வகையில் உத்தரவு பிறப்பிக்கப்பட்டுள்ளது. இதனால் பல காவலர்கள் தங்கள் சீருடையை மீண்டும் அணியும் வாய்ப்பு கிடைக்கும்.

இந்த நிலையில் நீண்ட கால பணியிடை நீக்கத்தில் உள்ள காவலர்களை மீண்டும் பணியில் சேர்க்க தமிழக காவல்துறை உத்தரவு பிறப்பித்துள்ளது. நீண்ட காலம் மற்றும் வடக்கு பாதிக்காத வண்ணம் இருக்கும் பட்சத்தில் பணிவிடை நீக்கத்தை ரத்து செய்ய பரிந்துரைக்கப்பட்டுள்ளது. தமிழகத்தில் இதுவரை 439 காவலர்கள் பணியிடை நீக்கத்தில் உள்ளனர். 202 காவலர்கள் நீண்ட காலமாக பணியிடை நீக்கத்தில் இருக்கின்றனர். இந்த நிலையில் பணியில் இல்லாமல் சம்பளம் கொடுக்கக்கூடிய சூழல் உள்ளிட்டவற்றை கருதி இந்த நடவடிக்கை மேற்கொள்ளப்படுவதாக தெரிவிக்கப்பட்டுள்ளது.

இதையும் படிங்க: பாகிஸ்தான் மூக்கறுப்பு! ட்ரம்ப் செய்த தரமான சம்பவம்!! இந்தியாவுடன் கைகுலுக்கியதும் அதிரடி காட்டிய அமெரிக்கா!