விஜய், தமிழக வெற்றிக் கழகத்தை 2024 பிப்ரவரி மாதம் தொடங்கிய பிறகு, தமிழ்நாட்டின் பல்வேறு பகுதிகளில் கட்சியை வலுப்படுத்தும் முயற்சிகளில் ஈடுபட்டு வருகிறார். அவரது கட்சி, 2026 சட்டமன்றத் தேர்தலை முன்னிட்டு மக்களிடையே தனது கொள்கைகளையும், தொலைநோக்கு திட்டங்களையும் எடுத்துச் செல்வதற்காக பல்வேறு மாநாடுகளையும், சுற்றுப்பயணங்களையும் மேற்கொண்டு வருகிறது. இதற்கு முன்னர், விக்கிரவாண்டியில் நடைபெற்ற தவெகவின் முதல் மாநில மாநாடு மற்றும் மதுரை பாரபத்தியில் நடைபெற்ற இரண்டாவது மாநில மாநாடு ஆகியவை கட்சியின் தொண்டர்கள் மற்றும் ஆதரவாளர்களிடையே பெரும் உற்சாகத்தை ஏற்படுத்தியிருந்தன.

இந்த மாநாடுகளில், விஜய் சமூக நீதி, பெண்களுக்கான பாதுகாப்பு, மற்றும் மக்களின் அடிப்படை பிரச்சினைகள் குறித்து பேசியிருந்தார், இது அவரது அரசியல் பயணத்திற்கு வலுவான அடித்தளத்தை அமைத்தது. திருச்சி சத்திரம் பேருந்து நிலையம் அருகே நடைபெறவிருக்கும் இந்த பிரச்சாரக் கூட்டம், விஜய்யின் மூன்று கட்டமாக திட்டமிடப்பட்ட 10 வார சுற்றுப்பயணத்தின் முதல் கட்டமாகக் கருதப்படுகிறது. 

வரும் 13 ஆம் தேதி முதல் விஜயின் சுற்றுப் பயணம் தொடங்கும் நிலையில், திருச்சி சத்திரம் பேருந்து நிலையம் அருகே விஜய் பிரச்சாரக் கூட்டம் நடத்த அனுமதி மறுக்கப்பட்டது. அதற்கு பதிலாக உழவர் சந்தை பகுதியில் நடத்த அனுமதி வழங்கப்பட்டதாகவும் கூறப்பட்டது. திருச்சி சத்திரம் பேருந்து நிலையம் உள்ள நான்கு இடங்களில் விஜய் உரைக்கு காவல் ஆணையர் அனுமதி மறுத்த நிலையில், போலீசார் அறிவுரை வழங்கினர். தொண்டர்களிடையே உரையாற்ற உள்ள நிகழ்வை மரக்கடை பகுதியில் நடந்த அனுமதி கோரப்பட்ட நிலையில், அதற்கும் போலீசார் அனுமதி மறுத்துள்ளனர். இதனை அடுத்து காந்தி மார்க்கெட் பகுதியில் விஜயின் பிரச்சார கூட்டம் நடத்துவது தொடர்பாக தமிழக வெற்றி கழகத்தின் நிர்வாகிகள் ஆலோசனை நடத்தினர்.

இதையும் படிங்க: ஏர்போர்ட் மூர்த்தி மீது கொலை வெறித்தாக்குதல்! போலீஸ் இதை விரும்புதா? சீமான் ஆவேசம்

இந்த நிலையில், சென்னையில் உள்ள டிஜிபி அலுவலகத்தில் தமிழக வெற்றிக் கழகத்தின் சார்பில் மனு கொடுக்கப்பட்டுள்ளது. கட்சியின் பொதுச்செயலாளர் ஆனந்த் தலைமையிலான தமிழக வெற்றி கழக நிர்வாகிகள் மனு கொடுத்தனர். விஜயின் பிரச்சார பயணத்திற்கு அனுமதி வழங்க கோரி மனு கொடுக்கப்பட்டுள்ளது.

இதையும் படிங்க: தவெகவை பார்த்தாலே திமுகவுக்கு அல்லு விடுது! விஜய் கடும் தாக்கு..!