நீட் தேர்வு விலக்கு, தீர்மானம் மட்டும் போதுமா என்றும் தமிழ்நாட்டின் மாநில உரிமையை நிலைநாட்டுவதில் தமிழக அரசுக்கு என்ன தயக்கம் எனவும் தமிழக வாழ்வுரிமை கட்சி தலைவர் வேல்முருகன் தெரிவித்துள்ளார். நீட் தேர்வுக்கு எதிராகவும், கல்வி மீதான மாநிலங்களின் உரிமையை மீட்டெடுக்க வலியுறுத்தியும் தொடர்ந்து குரல் எழுப்பப்பட்டு வரும் நிலையில், நீட் தேர்வை இரத்து செய்ய வேண்டும் என்ற கோரிக்கையை வலியுறுத்தி தமிழ்நாடு சட்டப்பேரவையில் இன்று ஏகமனதாகத் தீர்மானம் நிறைவேற்றப்பட்டிருப்பதைத் தமிழக வாழ்வுரிமைக் கட்சி வரவேற்கிறது என்றார்.

குறிப்பாக, இந்தக் கோரிக்கைகளை முன்னிறுத்தி கடந்த 11 நாட்களாக உண்ணாநிலைப் போராட்டத்தில் ஈடுபட்டு வரும் 4 பேரின் உறுதியையும், அர்ப்பணிப்பையும் இத்தருணத்தில் நினைவுகூர வேண்டியது அவசியம் என்றார். களத்தில் எழுப்பப்பட்ட கோரிக்கை இன்று சட்டப்பேரவையின் ஒருமித்தத் தீர்மானமாக உருப்பெற்றிருப்பது வரவேற்கத்தக்கது என்றும் மக்கள் போராட்டத்தில் எழுந்த கோரிக்கை, சட்டப்பேரவையின் அரசியல் முடிவாக மாறியிருப்பது ஜனநாயகப் போராட்டத்தின் வலிமையை வெளிப்படுத்துகிறது என்றும் கூறினார்.

ஆனால், இந்த தீர்மானங்கள் சட்டப்பேரவையில் ஏற்கனவே நிறைவேற்றப்பட்டுள்ளது. 2021ஆம் ஆண்டு தமிழ்நாடு சட்டப்பேரவையில் நீட் விலக்கு கோரும் தீர்மானம் நிறைவேற்றப்பட்டது. அந்தத் தீர்மானம் 2022 பிப்ரவரி 1 அன்று அப்போதைய ஆளுநரால் சட்டப்பேரவைக்கு திருப்பி அனுப்பப்பட்டது. பின்னர், 2022 பிப்ரவரி 8 அன்று சட்டப்பேரவை அந்த தீர்மானத்தை மீண்டும் ஒருமனதாக நிறைவேற்றியது. அது குடியரசுத் தலைவரின் ஒப்புதலுக்காக அனுப்பப்பட்டது. அதன்பிறகும் விவகாரம் முடிவுக்கு வரவில்லை என்று குறிப்பிட்டுள்ளார்.

இதையும் படிங்க: மேகதாது அணைக்கு எதிராக ஆர்ப்பாட்டம்! கிருஷ்ணசாமி, வேல்முருகன், தனியரசு கூட்டாக அறிவிப்பு!

தமிழ்நாடு அரசு, நீட் தேர்விலிருந்து தமிழ்நாட்டிற்கு நிரந்தர விலக்கு பெறுவதற்கான சட்டரீதியான நடவடிக்கைகளைத் தீவிரப்படுத்த வேண்டும் என்றும்  கல்வியை மீண்டும் மாநிலப் பட்டியலுக்குக் கொண்டுவர மத்திய அரசிடம் வலுவான அரசியல் அழுத்தத்தை உருவாக்க வேண்டும் என்றும் கூறினார்.

இதையும் படிங்க: மாற்றமா.? கடனுக்கு வழியா..? கேள்விக்குறியான பட்ஜெட்..! வேல்முருகன் சரமாரி கேள்வி.!!