கரூர் வழக்கு 2025 ஆம் ஆண்டு செப்டம்பர் 27-ஆம் தேதி தமிழக வெற்றிக் கழகம் தலைவர் நடிகர் விஜய் பங்கேற்ற பொதுக்கூட்டத்தில் ஏற்பட்ட கூட்ட நெரிசல் சம்பவத்தை குறிக்கிறது. இந்த துயர சம்பவத்தில் 41 பேர் உயிரிழந்தனர். இது தமிழக அரசியல் வட்டாரத்திலும், நீதித்துறையிலும் பெரும் அதிர்வலைகளை ஏற்படுத்தியது.

சம்பவம் நடந்த உடனேயே, சென்னை உயர் நீதிமன்றம் தானாக முன்வந்து விசாரணை மேற்கொண்டது. அக்டோபர் 3, 2025 அன்று வடக்கு மண்டல ஐஜி அஸ்ரா கார்க் தலைமையில் சிறப்பு புலனாய்வுக் குழு அமைக்க உத்தரவிட்டது. மேலும், ஒருநபர் விசாரணை ஆணையமாக அருணா ஜெகதீசன் தலைமையில் குழு அமைக்கப்பட்டது. ஆனால், இந்த உத்தரவுகளை எதிர்த்து உச்ச நீதிமன்றத்தில் மனுக்கள் தாக்கல் செய்யப்பட்டன.

உச்ச நீதிமன்றத்தில் நீதிபதிகள் ஜே.கே. மகேஸ்வரி மற்றும் என்.வி. அஞ்சாரியா அடங்கிய அமர்வு இந்த மனுக்களை விசாரித்தது. அக்டோபர் 10, 2025 அன்று நடந்த விசாரணையில், சென்னை உயர் நீதிமன்றத்தின் உத்தரவுகள் குறித்து கடுமையான கேள்விகளை எழுப்பியது. குறிப்பாக, மதுரை கிளை மற்றும் சென்னை அமர்வுகளின் உத்தரவுகள் ஒன்றுக்கொன்று முரண்படுவது, அதிகார வரம்பு மீறல் போன்றவை குறித்து சுட்டிக்காட்டியது. ஏதோ தவறு நடக்கிறது என்று உயர் நீதிமன்ற நடைமுறைகள் குறித்தும் கருத்து தெரிவித்தது.

இதையும் படிங்க: TOP எஞ்சின் TVK தான்..! விசில் வெல்வது உறுதி..! முதல்வரை விளாசிய விஜய்...!

அக்டோபர் 13, 2025 அன்று முக்கிய தீர்ப்பு வழங்கியது. கரூர் கூட்ட நெரிசல் சம்பவம் தேசிய மக்களின் மனசாட்சியை உலுக்கியுள்ளது எனக் குறிப்பிட்டு, நியாயமான, பக்கபலமற்ற விசாரணைக்கு உரிமை உண்டு என்று வலியுறுத்தியது. எனவே, வழக்கை மத்திய புலனாய்வுத் துறை (CBI)க்கு மாற்ற உத்தரவிட்டது. மேலும், விசாரணையை கண்காணிக்க ஓய்வுபெற்ற உச்ச நீதிமன்ற நீதிபதி அஜய் ரஸ்தோகி தலைமையில் மூன்று உறுப்பினர்கள் கொண்ட மேற்பார்வைக் குழு அமைத்தது. இக்குழுவில் தமிழக கேடரைச் சேர்ந்த ஆனால் தமிழ்நாட்டு பூர்வீகமற்ற இரண்டு மூத்த ஐபிஎஸ் அதிகாரிகள் இடம்பெறுவர்.

இக்குழு சிபிஐக்கு வழிகாட்டுதல் வழங்கும் அதிகாரம் பெற்றுள்ளது. சிபிஐ மாதாந்திர முன்னேற்ற அறிக்கைகளை இக்குழுவிடம் சமர்ப்பிக்க வேண்டும். உயர் நீதிமன்றம் அமைத்த SIT மற்றும் அருணா ஜெகதீசன் ஆணையத்திற்கு இடைக்கால தடை விதிக்கப்பட்டது.

தமிழக அரசு இந்த உத்தரவை எதிர்த்து, டிசம்பர் 2025-இல் உச்ச நீதிமன்றத்தில் மனு தாக்கல் செய்தது. மாநில அதிகாரத்தை பாதிக்கும் முன்னுதாரணம் என்று வாதிட்டது. ஆனால், டிசம்பர் 12, 2025 அன்று உச்ச நீதிமன்றம் தமிழக அரசின் கோரிக்கையை நிராகரித்தது.

2026-இல் விசாரணை தொடர்ந்தது. சிபிஐ விஜயை சாட்சியாக விசாரித்தது. இந்த வழக்கு தற்போது சிபிஐ விசாரணையிலும், உச்ச நீதிமன்ற மேற்பார்வையிலும் தொடர்கிறது. இந்த நிலையில் நாளை கரூர் சம்பவம் தொடர்பான வழக்கு நாளை விசாரணைக்கு வருகிறது. விஜயிடம் நடத்திய விசாரணை அறிக்கைகளை சிபிஐ அதிகாரிகள் சமர்ப்பப்பார்கள் என எதிர்ப்புபார்க்காப்படுகிறது. விஜய் பெயர் குற்றப் பத்திரிகையில் சேர்க்கப்படுமா   என்பதும் தெரிய வரும். 

இதையும் படிங்க: 3ஆம் ஆண்டில் கால்பதிக்கும் TVK... கட்சிக் கொடி ஏற்றி வைத்த விஜய்...!