தமிழ்நாடு சட்டமன்றத் தேர்தல் 2026-இல் சிவகங்கை மாவட்டத்தின் காரைக்குடி தொகுதி பெரும் கவனத்தை ஈர்த்த ஒரு நட்சத்திர தொகுதியாக உருவெடுத்தது. நாம் தமிழர் கட்சியின் தலைமை ஒருங்கிணைப்பாளர் சீமான் இங்கு போட்டியிட்ட நிலையில், இன்று மே 4 ஆம் தேதியான இன்று நடைபெற்று வரும் வாக்கு எண்ணிக்கையில் அவர் பின்னடைவைச் சந்தித்துள்ளார். அதேவே தமிழக வெற்றி கழகம் சார்பில் போட்டியிட்ட மருத்துவர் டி.கே. பிரபு முன்னிலை பெற்றுள்ளார் என்பது இந்தத் தொகுதியின் தேர்தல் முடிவுகளுக்கு புதிய திருப்பத்தை ஏற்படுத்தியுள்ளது. 

காரைக்குடி தொகுதி பாரம்பரியமாக காங்கிரஸ் கட்சியின் செல்வாக்கு மிக்க இடமாக இருந்து வந்தது. 2021 தேர்தலில் காங்கிரஸ் வேட்பாளர் எஸ். மாங்குடி வெற்றி பெற்றிருந்த நிலையில், இம்முறை நான்கு முனைப் போட்டி உருவானது. சீமானின் வருகை இந்தத் தொகுதியை மேலும் சுவாரசியமாக்கியது. அவரது தீவிர தமிழ்த் தேசிய அரசியல் பேச்சுகள் மற்றும் உள்ளூர் மக்களுடனான தொடர்பு பெரும் எதிர்பார்ப்பை ஏற்படுத்தியிருந்தது.

இன்று காலை தொடங்கிய வாக்கு எண்ணிக்கையின் ஆரம்ப சுற்றுகளிலேயே தவெக வேட்பாளர் டி.கே. பிரபு தெளிவான முன்னிலையைப் பெற்றார். பல் மருத்துவரான பிரபு, உள்ளூர் மக்களிடையே நல்ல பெயரைப் பெற்றவர். அவரது சொத்து மதிப்பு மற்றும் தொழில்முறை பின்னணி ஆகியவை இளம் வாக்காளர்கள் மற்றும் நடுத்தர வர்க்கத்தினரிடையே ஆதரவைப் பெற்றிருக்கலாம் எனக் கருதப்படுகிறது.

இதையும் படிங்க: விஜய் தோத்துடுவாரு..! பயத்தில் கழுத்தை அறுத்துக் கொண்ட இளைஞர்..!! அதிர்ச்சி சம்பவம்..!

சீமான் தரப்பில் எதிர்பார்த்த அளவுக்கு வாக்குகள் குவியாதது அவரது ஆதரவாளர்களுக்கு ஏமாற்றத்தை ஏற்படுத்தியுள்ளது. சீமான் இந்த முறை வெற்றி பெறுவார் என்ற நம்பிக்கையோடு காத்திருந்த தொண்டர்களுக்கு பெரும் மனக்கவலையை ஏற்படுத்தியுள்ளது. அதே நேரத்தில் மாற்றத்தை எதிர்பார்த்து காத்திருக்கும் மக்களுக்கு தமிழக வெற்றி கழக வேட்பாளர் பிரபுவின் முன்னிலை நிலவரம் மிகுந்த மகிழ்ச்சியை ஏற்படுத்தி உள்ளது.

இதையும் படிங்க: பரபரக்கும் வாக்கு எண்ணிக்கை..! இது ஆரம்பம்தான்..! பெரம்பூர் தொகுதியில் விஜய் முன்னிலை..!