தமிழக சட்டசபை தேர்தல் 2026க்கு தயாராகி வரும் நிலையில், தமிழக வெற்றிக் கழகம் (த.வெ.க.) அதிரடி திட்டத்தை அறிவித்துள்ளது. கட்சி சார்பில் போட்டியிடும் வேட்பாளர்களுக்கு தேர்தல் பணிகளில் உதவ, முன்னாள் அரசு அதிகாரிகள் மற்றும் ஊழியர்களை தன்னார்வலர்களாக நியமிக்க தலைமை முடிவு செய்துள்ளது. இது கட்சியின் தேர்தல் உத்தியில் புதிய திருப்பமாக பார்க்கப்படுகிறது.

த.வெ.க. தலைமை அலுவலகத்தில் விருப்ப மனு பெறும் பணி நேற்றுடன் முடிந்தது. தபால் மற்றும் நேரடியாக பெறப்பட்ட மனுக்களை சமர்ப்பித்த பிறகு, விரைவில் வேட்பாளர் தேர்வுக்கான நேர்காணல் நடைபெற உள்ளது. இந்நிலையில், வேட்பாளர்களுக்கு தேர்தல் செயல்பாடுகளில் உதவுவதற்காக முன்னாள் அதிகாரிகளை தன்னார்வலர்களாக பயன்படுத்த திட்டமிடப்பட்டுள்ளது.

த.வெ.க. வட்டாரங்கள் தெரிவித்ததாவது: "வேட்பு மனு தாக்கல் தொடங்கி, தேர்தல் பிரசாரம், வாக்காளர் பட்டியல் சரிபார்ப்பு, வாக்குச்சாவடி மேலாண்மை உள்ளிட்ட அனைத்து பணிகளிலும் வேட்பாளர்களுக்கு ஆதரவு அளிக்க, முன்னாள் ஐஏஎஸ்., ஐபிஎஸ்., வருவாய் அதிகாரிகள், தேர்தல் அதிகாரிகள் போன்றோரை தன்னார்வலர்களாக நியமிக்க தலைமை முடிவு செய்துள்ளது. 

இதையும் படிங்க: எனக்குனே வருவீங்களா?... தவெகவுக்கு செங்கோட்டையானால் வந்த சிக்கல்... பள்ளி மாணவர்களால் பஞ்சராகும் விஜய் இமேஜ்...!

வேட்பு மனுக்களில் தவறுகள் ஏற்படாமல் தடுப்பது, தேர்தல் ஆணைய விதிகளை முழுமையாக கடைப்பிடிப்பது, அதிகாரிகளின் அனுபவத்தை பயன்படுத்தி தேர்தல் பணிகளை திறம்பட நடத்துவது ஆகியவை இதன் நோக்கம்."

த.வெ.க. தலைவர் விஜய் தலைமையில் கட்சி வலுவான அமைப்பாக வளர்ந்து வருகிறது. ஏற்கனவே பூத் அளவில் கமிட்டிகள் அமைத்து, 70,000க்கும் மேற்பட்ட பூத் செயலர்களை நியமித்துள்ளது. இப்போது முன்னாள் அதிகாரிகளை தன்னார்வலர்களாக களமிறக்குவது, கட்சியின் தொழில்முறை அணுகுமுறையை வெளிப்படுத்துகிறது. இது வேட்பாளர்களுக்கு நம்பிக்கை அளிப்பதோடு, தேர்தல் நடைமுறைகளில் தவறுகளை குறைக்கும் என எதிர்பார்க்கப்படுகிறது.

தமிழகத்தில் திமுக, அதிமுக ஆகிய கட்சிகளுக்கு இடையே போட்டி நிலவும் நிலையில், த.வெ.க. புதிய முகமாக உருவெடுத்து வருகிறது. விஜய் ரசிகர்களை அரசியல் அணியாக மாற்றி, அடித்தள அமைப்பை வலுப்படுத்தி வருகிறார். 

முன்னாள் அதிகாரிகளின் அனுபவம் கட்சிக்கு பெரும் பலமாக அமையும் என கட்சியினர் நம்புகின்றனர். தேர்தல் அறிவிப்பு விரைவில் வெளியாகும் என எதிர்பார்க்கப்படும் சூழலில், இந்த திட்டம் கட்சியின் தயாரிப்பை மேலும் வலுப்படுத்தியுள்ளது.

இதையும் படிங்க: அஜித் குமார் போன்று புனிதன் கொலை..? விசாரிங்க சிஎம் சார்..! Tvk அருண்ராஜ் வலியுறுத்தல்..!