எதிர்க்கட்சித் தலைவர் உதயநிதி ஸ்டாலின், ஜப்பானில் நடைபெற்று வரும் ஐந்தாவது ஆசிய பாரா விளையாட்டுப் போட்டிகளில் பேட்மிண்டன் கலப்பு இரட்டையர் பிரிவில் வெண்கலப் பதக்கம் வென்ற இந்திய அணிக்கும், அதில் இடம்பெற்ற தமிழ்நாட்டு வீராங்கனை மனிஷா ராமதாசுக்கும் தனது பாராட்டுகளைத் தெரிவித்துள்ளார்.அவர் வெளியிட்ட வாழ்த்துச் செய்தியில், “ஜப்பானில் நடைபெற்று வரும் ஐந்தாவது ஆசிய பாரா கேம்ஸ் போட்டியில் பேட்மிண்டன் விளையாட்டில் கலப்பு இரட்டையர் எஸ்.எல்.3-எஸ்.யூ.5 பிரிவில் வெண்கலப் பதக்கம் வென்ற இந்திய அணிக்கும், அதில் இடம்பெற்ற தமிழ்நாட்டு வீராங்கனை தங்கை மனிஷா ராமதாசுக்கும் என் பாராட்டுகளைத் தெரிவித்துக் கொள்கிறேன்” என்று குறிப்பிட்டார்.

தமிழ்நாட்டு பாரா விளையாட்டு வீரர்கள் சர்வதேச அளவிலான போட்டிகளில் வெற்றி பெற வேண்டும் என்ற நோக்கில் திராவிட மாடல் ஆட்சியில் பல்வேறு திட்டங்கள் செயல்படுத்தப்பட்டதாக அவர் கூறினார். அந்தத் திட்டங்களின் விளைவாகவும், வீரர்களின் விடாமுயற்சி மற்றும் திறமையாலும் தமிழக மாற்றுத்திறன் வீரர்கள் பல பதக்கங்களை வென்றுள்ளதாக அவர் குறிப்பிட்டார்.

இந்தியாவுக்காக ஆசிய பாரா கேம்ஸில் பதக்கங்களைக் குவித்து வரும் தமிழக வீரர்களாக மனிஷா ராமதாஸ், சிவராஜன் சோலைமலை, கஸ்தூரி ராஜாமணி, ஜெயான் டொரப் மதன், சஹானா ரவி ஆகியோரின் பெயர்களை அவர் குறிப்பிட்டுப் பாராட்டினார். இவர்களின் சாதனைகள் மற்ற மாற்றுத்திறனாளிகளுக்கு தன்னம்பிக்கை அளிக்கும் வகையில் அமைந்துள்ளதாகவும், அவர்களின் வெற்றி தொடர வேண்டும் என்றும் வாழ்த்து தெரிவித்தார்.

இதையும் படிங்க: நாதக கார்த்திகா கைதால் வெடிக்கும் பிரச்சனை..! சர்க்கஸ் அரசாங்கம்.! கண்டித்த உதயநிதி..!!

மாற்றுத்திறனாளி விளையாட்டு வீரர்களின் முயற்சிகளையும், அவர்கள் சர்வதேச அரங்கில் இந்தியாவுக்கு பெருமை சேர்க்கும் விதத்தில் செயல்பட்டு வருவதையும் உதயநிதி ஸ்டாலின் பாராட்டியுள்ளார். அவர்களின் வெற்றிகள் தொடர்ந்து வரவேண்டும் என்றும் அன்புடன் வாழ்த்துகளைத் தெரிவித்துள்ளார்.

இதையும் படிங்க: கட்சியா.? போதைப்பொருள் கூடாரமா.? செய்தியாளர்களுக்கு மிரட்டல்..! உதயநிதி கண்டனம்.!!