தமிழக அரசியல் களம் தொடர்ந்து பரபரப்பான மாற்றங்களைச் சந்தித்து வரும் நிலையில், விடுதலைச் சிறுத்தைகள் கட்சியின் தலைவர் திருமாவளவன் அண்மையில் ஒரு முக்கியமான விளக்கத்தை அளித்துள்ளார். தவெக தலைமையிலான அமைச்சரவையில் தங்கள் கட்சி இடம் பெற்ற பின்னரும், திமுக கூட்டணியுடனான உறவு தொடர்வதாக அவர் தெளிவுபடுத்தியது, அரசியல் வட்டாரத்தில் பெரும் கவனத்தை ஈர்த்துள்ளது.சமீபத்திய சட்டமன்றத் தேர்தலுக்குப் பிறகு தமிழகத்தில் யாருக்கும் பெரும்பான்மை கிடைக்காத சூழல் உருவானது.

இந்த நிலையில் தவெகவுக்கு ஆதரவு அளித்து அரசு அமைக்க உதவிய கட்சிகளில் விசிக முக்கியப் பங்கு வகித்தது. இதன் விளைவாக விசிகவுக்கு அமைச்சரவையில் இடம் கிடைத்தது. இந்த முடிவு திமுக தரப்பில் இருந்து கடும் விமர்சனத்துக்கு உள்ளானது. நீண்டகால கூட்டணியில் இருந்த விசிக, அதிகார ஆசையால் துரோகம் செய்துவிட்டதாக திமுக தரப்பில் இருந்து குற்றச்சாட்டுகள் எழுந்தன.இத்தகைய விமர்சனங்களுக்கு மத்தியில் திருமாவளவன் வெளிப்படையாகப் பேசினார். அமைச்சரவையில் இடம்பெற்றதாலேயே திமுக கூட்டணியை விட்டு வெளியேறிவிட்டோம் என்று அர்த்தம் இல்லை என்பதை அவர் வலியுறுத்தினார்.

“தவெக அமைச்சரவையில் இருந்தபோதும் நாங்கள் திமுக கூட்டணியில் தான் இருக்கிறோம்” என்ற அவரது கருத்து, அரசியல் நட்பு மற்றும் கூட்டணி என்ற கருத்துகளுக்கு இடையேயான வித்தியாசத்தை எடுத்துக்காட்டியது.திருமாவளவன் தனது பேச்சில், திமுக தலைவர் மு.க. ஸ்டாலினுடன் ஆலோசித்த பின்னரே இந்த முடிவு எடுக்கப்பட்டதாகவும் குறிப்பிட்டார். தமிழகத்தில் ஜனாதிபதி ஆட்சி அமையாமல் தடுக்கவும், அரசியல் ஸ்திரத்தன்மையை உறுதி செய்யவும் இந்த நடவடிக்கை எடுக்கப்பட்டதாக அவர் விளக்கினார். மேலும், தவெகவுடன் இன்னும் முழுமையான கூட்டணி உருவாகவில்லை என்பதையும் அவர் தெளிவுபடுத்தினார். 

இதையும் படிங்க: "மலை முழுங்கி மகாதேவன் ஆச்சே..." - செந்தில் பாலாஜியை சிங்கிள் பாயிண்டில் டேமேஜ் செய்த வைகோ...!

விடுதலை சிறுத்தைகள் கட்சியை தலைவர் திருமாவளவனின் பேச்சை மதிமுக பொதுச்செயலாளர் வைகோ கிண்டல் அடித்து பேசினார். திருமாவளவனின் பேச்சுக்கு நோபல் பரிசு கொடுக்கலாம் என வைகோ கிண்டலடித்துள்ளார். தமிழக அமைச்சரவையில் இடம்பெற்ற பின்னரும் திமுக கூட்டணியில் இருப்பதாக திமுக கூட்டணியில் இருந்ததாக திருமாவளவன் பேசியிருந்த நிலையில் திருமாவளவனின் இந்த பேச்சை வைகோ கிண்டல் அடித்தார். இந்த நிலையில் திருமாவளவன் மீதான விமர்சனத்தை திரும்பப் பெறுவதாக வைகோ அறிவித்துள்ளார். நோபல் பரிசு கொடுக்கலாம் என்று கிண்டல் அடித்த நிலையில், அரசியல் கட்சியினர் மத்தியில் அதிருப்தியை ஏற்படுத்தியிருந்தது குறிப்பிடத்தக்கது. 

இதையும் படிங்க: அமைச்சரவை ஒரு பக்கம்... கூட்டணி இன்னொரு பக்கமா.? நோபல் பரிசு குடுங்க... திருமா. பேச்சை கிண்டலடித்த வைகோ..!!