முதலமைச்சர் விஜய் அவர்கள் இன்று விரிவாக்கம் செய்யப்பட்ட வெற்றி பயணத் திட்டத்தை அறிமுகம் செய்ய இருக்கிறார். குறிப்பாக, மாநகர, நகரப் பகுதிகளில் இயங்கக்கூடிய எக்ஸ்பிரஸ், எல்.எஸ்.எஸ்., டீலக்ஸ் அரசு பேருந்துகள், புறநகர் சாதாரண பேருந்துகள் மற்றும் 40 கிலோமீட்டருக்கு மேற்பட்ட மலைப்பகுதி சாதாரண பேருந்துகள் ஆகியவற்றில் இந்தத் திட்டம் விரிவுபடுத்தப்பட இருக்கிறது.

மொத்தமாக 12,692 பேருந்துகளில் இலவசமாக மகளிர் பயணம் மேற்கொள்ளக்கூடிய வகையில் இந்தத் திட்டம் செயல்படுத்தப்பட உள்ளது. இப்படிப்பட்ட நிலையில், ஏழு அரசு போக்குவரத்துக் கழகங்கள் இயக்கக்கூடிய மொத்தம் 18,413 திட்டமிடப்பட்ட பேருந்துகளில், மொத்தமாக 1,94,649 நடைகளில் இந்தப் பேருந்து திட்டம் நடைமுறைப்படுத்தப்பட இருக்கிறது.

இதன் மூலமாக தினமும் 84.32 லட்சம் பெண் பயணிகள் பயனடைவார்கள் என எதிர்பார்க்கப்படுகிறது. மாநிலம் முழுவதும் தமிழகத்தில் இருக்கக்கூடிய மகளிருக்கான எளிதில் அணுகக்கூடிய பொதுப்போக்குவரத்து வசதியை வழங்கக்கூடிய வகையில் இந்தத் திட்டம் கொண்டுவரப்பட்டுள்ளது.

இதையும் படிங்க: சிறு, குறு தொழில் நிறுவனங்களுக்கு பேரிடி... மின்வாரியம் வெளியிட்ட ‘பகீர்’ அறிவிப்பு...!

இப்படிப்பட்ட நிலையில்தான் மதுராந்தகம், தாராபுரம் ஆகிய இரண்டு சட்டமன்றத் தொகுதிகளுக்கு இடைத்தேர்தல் நடைபெற இருப்பதால், அந்தத் தேர்தல் நடத்தை விதிகள் அமலில் இருப்பதன் காரணமாக செங்கல்பட்டு மற்றும் திருப்பூர் மாவட்டங்களில் மட்டும் இந்த வெற்றி பயணத் திட்டம் செயல்படுத்தப்படுவது தற்காலிகமாக நிறுத்தி வைக்கப்பட்டிருப்பதாக அறிய முடிகிறது.

குறிப்பாகச் சொல்ல வேண்டும் என்றால், இந்த இரண்டு மாவட்டங்களிலும் ஏற்கனவே நடைமுறையில் இருக்கக்கூடிய நகரப் பேருந்துகளுக்கான கட்டணம் இல்லாத பயண சேவை மட்டுமே தற்போது தொடரும் எனவும், விரிவுபடுத்தப்படக்கூடிய வெற்றி பயணத் திட்டம் தேர்தல் நடத்தை விதிகள் திரும்பப் பெறப்பட்ட பிறகுதான் இந்த இரு மாவட்டங்களிலும் அமல்படுத்தப்பட இருப்பதாகவும் போக்குவரத்துத் துறை அதிகாரிகள் தகவல் வெளியிட்டுள்ளனர்.

உதாரணமாக, செங்கல்பட்டு, கல்பாக்கம், மதுராந்தகம், திருப்பூர், பல்லடம், உடுமலைப்பேட்டை, தாராபுரம் உள்ளிட்ட பகுதிகளில் உள்ள இரண்டு மாவட்டங்களின் பணிமனைகளில் இருந்து இயக்கப்படக்கூடிய பேருந்துகளில் இந்தத் திட்டம் நடைமுறைப்படுத்தப்பட மாட்டாது என்பது அறிய முடிகிறது.

இதையும் படிங்க: விசிக நிர்வாகி கொலை வழக்கில் திருப்பம்... இரவோடு, இரவாக காவல்துறை எடுத்த அதிரடி முடிவு...!