மழைக்காலத்திலும் பேரிடர் நேரங்களிலும் தன்னார்வலர்களின் பங்கு என்பது ஒரு சமூகத்தின் முதுகெலும்பாக விளங்குகிறது. இயற்கைப் பேரிடர்களான புயல், வெள்ளம், நிலநடுக்கம், அல்லது மனிதனால் உருவாக்கப்பட்ட பேரழிவுகள் ஏற்படும் போது, அரசு இயந்திரங்களும் மீட்புக் குழுக்களும் தங்கள் பணிகளை மேற்கொண்டாலும், தன்னார்வலர்களின் பங்களிப்பு இவற்றுக்கு இணையாக முக்கியத்துவம் வாய்ந்ததாக இருக்கிறது. அவர்களின் அர்ப்பணிப்பு, தன்னலமற்ற சேவை மற்றும் உள்ளூர் அறிவு ஆகியவை பேரிடர் நேரங்களில் உயிர்களைக் காப்பாற்றுவதற்கும், பாதிக்கப்பட்டவர்களுக்கு ஆறுதல் அளிப்பதற்கும் முக்கியப் பங்கு வகிக்கின்றன.

மழைக்காலத்தில், குறிப்பாக தமிழ்நாடு போன்ற பருவமழை தீவிரமாக இருக்கும் பகுதிகளில், வெள்ளம், நிலச்சரிவு மற்றும் சாலை மறிப்பு போன்றவை பொதுமக்களின் இயல்பு வாழ்க்கையை முடக்கிவிடுகின்றன. தன்னார்வலர்கள், அரசு மற்றும் தனியார் மீட்பு அமைப்புகளுடன் இணைந்து, பாதிக்கப்பட்ட பகுதிகளுக்கு உதவி சென்று சேர உதவுகின்றனர். உதாரணமாக, 2015 சென்னை வெள்ளத்தின் போது, ஆயிரக்கணக்கான தன்னார்வலர்கள் படகுகளை இயக்கி, உணவு மற்றும் தண்ணீர் விநியோகித்து, மக்களை பாதுகாப்பான இடங்களுக்கு மாற்றுவதற்கு உதவினர்.

இதுபோன்ற சேவைகள், அரசு மற்றும் தனியார் அமைப்புகளால் மட்டுமே மேற்கொள்ளப்பட்டிருந்தால், அவை போதுமானதாக இருந்திருக்காது. தன்னார்வலர்களின் முக்கிய பங்களிப்பு பேருதவியாக இருந்தது. தற்போது வடகிழக்கு பருவமழை துவங்கி உள்ள நிலையில், தன்னார்வலராக இணைய விருப்பமா என்ற கேள்வியை எழுப்பி, மழை காலத்திலும் பேரிடர் நேரத்திலும் பொதுமக்களுக்கு உதவிடும் வகையில் whatsapp குழு ஒன்றை சென்னை பெருநகர போக்குவரத்து காவல்துறை உருவாக்கியுள்ளது. 

இதையும் படிங்க: இளசுகளின் அட்டகாசம்! அனல் பறக்க பைக் ரேஸ்... துரத்தி துரத்தி வெளுத்த போலீஸ்...!

போக்குவரத்து நெரிசலை சீர் செய்வதற்கும், மழை வெள்ளங்களில் மக்கள் வாகனங்களில் சிக்கிக் கொண்டால் உதவி செய்யவும் தன்னார்வலர்கள் பயன்படுத்தப்படுவார்கள் என விளக்கம் அளிக்கப்பட்டுள்ளது.

இதையும் படிங்க: ப்ளீஸ்... தயவு செஞ்சு பூசணிக்காய் உடைக்காதீங்க... சென்னை போலீஸ் வேண்டுகோள்..!