அமமுக பொதுச்செயலாளர் டிடிவி தினகரன் காங்கிரஸ் கட்சியை "டுபாக்கூர் காங்கிரஸ்" என விமர்சித்திருப்பது கடுமையாக கண்டிக்கத்தக்கது என தமிழ்நாடு மாணவர் காங்கிரஸ் கூறியுள்ளது. கடந்த காலங்களில் பாஜகவை "விஷ கிருமி" என தீவிரமாக விமர்சித்து வந்த டிடிவி தினகரன், இன்று அரசியல் லாபத்திற்காக தனது நிலைப்பாடுகளை மாற்றிக் கொண்டு பேசுவது தமிழக மக்களுக்கு நன்றாகவே தெரியும் என்று தெரிவிக்கப்பட்டுள்ளது.

அதிமுகவிற்கும், சசிகலாவுக்கும் மிகப்பெரிய அரசியல் துரோகத்தை ஏற்படுத்தியவர் டிடிவி தினகரன் என்பதையும் மக்கள் மறந்துவிடவில்லை என்று கூறப்பட்டுள்ளது. எடப்பாடி பழனிசாமியை "பச்சை துரோகி" என கூறி தென் மாவட்டங்களில் குறிப்பிட்ட சமூக வாக்குகளை அரசியல் ஆதாயத்திற்காக பயன்படுத்த முயன்ற அரசியல் நாடகங்களையும் தமிழகம் பார்த்துள்ளது என்றும் தெரிவிக்கப்பட்டிருக்கிறது. 

இந்திய ஜனநாயகத்தையும் தமிழகத்தின் மதச்சார்பற்ற அரசியல் மரபையும் பாதுகாக்க வேண்டும் என்ற நோக்கில், "பாஜக தமிழ்நாட்டில் வேரூன்றக்கூடாது" என்ற மக்கள் உணர்வை மதித்து, தவெக காங்கிரஸ் கூட்டணி உருவாகியுள்ளது எனவும் குறிப்பிடப்பட்டுள்ளது.

இதையும் படிங்க: "விஜய் ஃபோர்ஜரி"..! அது FAKE வீடியோ..! போர்க்கொடி தூக்கிய டிடிவி தினகரன்..!!

இது மக்களின் விருப்பத்தையும் ஜனநாயகத்தின் மதிப்பையும் பிரதிபலிக்கும் கூட்டணி என்று தெரிவித்துள்ள தமிழ்நாடு மாணவர் காங்கிரஸ், அமமுக மன்னார்குடி சட்டமன்ற உறுப்பினர் காமராஜ் நேற்று தவெக கட்சிக்கு ஆதரவு தெரிவித்து எழுத்து மூலம் கடிதம் அளித்திருந்த நிலையில், பின்னர் அவரை மிரட்டி, அது போலி கடிதம் என கூறி அரசியல் நாடகம் நடத்தப்படுவதாக தகவல்கள் வெளியாகியுள்ளது. இந்த செயல்கள் ஜனநாயக மரபுகளுக்கு எதிரானவை என்று கூறியுள்ளது. டிடிவி தினகரனுக்கு இந்திய தேசிய காங்கிரஸ் கட்சியை விமர்சிக்கும் எந்த அரசியல் அருகதையும் இல்லை என்று தெரிவிக்கப்பட்டுள்ளது.

இதையும் படிங்க: நள்ளிரவில் திடீர் திருப்பம்... தவெக வெளியிட்ட வீடியோவால் பரபரப்பு... பனால் ஆன டிடிவி தினகரன் ஸ்கேட்ச்...!