ஐபிஎல் 2026 கிரிக்கெட் தொடரின் இன்றைய ஆட்டத்தில், டெல்லி கேப்பிடல்ஸ் அணியை 8 விக்கெட் வித்தியாசத்தில் வீழ்த்தி கொல்கத்தா நைட் ரைடர்ஸ் (KKR) அணி அபார வெற்றி பெற்றது. டெல்லியின் அருண் ஜெட்லி மைதானத்தில் நடைபெற்ற இந்த ஆட்டத்தில், கே.கே.ஆர் தொடக்க வீரர் பின் ஆலனின் அசுரவேக சதம் அந்த அணியின் வெற்றியை எளிதாக்கியது.

143 ரன்கள் எடுத்தால் வெற்றி என்ற இலக்குடன் களம் இறங்கிய கொல்கத்தா அணிக்கு, பின் ஆலன் மின்னல் வேகத் தொடக்கத்தைத் தந்தார். டெல்லி பந்துவீச்சை நாலாபுறமும் சிதறடித்த அவர், வெறும் 47 பந்துகளில் சதம் விளாசி ஆட்டமிழக்காமல் களத்தில் இருந்தார். அவரது இந்த அதிரடி இன்னிங்ஸில் 5 பவுண்டரிகள் மற்றும் 10 இமாலய சிக்ஸர்கள் அடங்கும். இதன் மூலம் கொல்கத்தா அணி 14.2 ஓவர்களிலேயே இலக்கை எட்டி, நடப்புத் தொடரில் தனது 4-வது தொடர் வெற்றியைப் பதிவு செய்தது.

முன்னதாக, டாஸ் வென்ற கொல்கத்தா அணி முதலில் பந்துவீச்சைத் தேர்வு செய்தது. டெல்லி அணியின் தொடக்க வீரர்களாகக் களம் இறங்கிய கே.எல். ராகுல் மற்றும் பதும் நிசங்கா ஜோடி 49 ரன்கள் சேர்த்துச் சிறப்பான தொடக்கத்தை அளித்தனர். ராகுல் 23 ரன்களில் ஆட்டமிழந்தாலும், நிசங்கா அதிரடியாக விளையாடி அரைசதம் (29 பந்துகளில் 50 ரன்கள்) கடந்தார்.

இதையும் படிங்க: பெங்களூருவின் கோட்டையை தகர்த்த டெல்லி! சின்னசாமி மைதானத்தில் ஆர்சிபி முதல் தோல்வி!

நிசங்கா ஆட்டமிழந்த பிறகு டெல்லி அணி அடுத்தடுத்து விக்கெட்டுகளை இழந்து தடுமாறியது. இறுதியில் அசுதோஷ் சர்மாவின் அதிரடி கேமியோ (28 பந்துகளில் 39 ரன்கள்) டெல்லி அணி 20 ஓவர்கள் முடிவில் 8 விக்கெட் இழப்பிற்கு 142 ரன்கள் எடுக்க உதவியது. இருப்பினும், பின் ஆலனின் அதிரடிக்கு முன்னால் இந்த இலக்கு மிகவும் சிறியதாகப் போனது.

இதையும் படிங்க: #BREAKING: ஐபிஎல் 2026: சதம் அடித்து அசத்திய சஞ்சு சாம்சன்..!! டெல்லியை வீழ்த்தி சென்னை சூப்பர் கிங்ஸ் முதல் வெற்றி..!!