ஜம்மு-காஷ்மீரோட பஹல்காம்ல, பைசரன் பள்ளத்தாக்குல கடந்த ஏப்ரல் 22ல சுற்றுலாப் பயணிகள் மேல ஒரு கொடூர தாக்குதல் நடந்துச்சு. 26 பேர், பெரும்பாலும் இந்து சுற்றுலாப் பயணிகள், M4 கார்பைன், AK-47 ஆயுதங்களோட பயங்கரவாதிகளால சுட்டுக் கொல்லப்பட்டாங்க. இதுல ஒரு கிறிஸ்தவர், ஒரு உள்ளூர் முஸ்லிமும் இறந்தாங்க. 20-க்கு மேற்பட்டவங்க காயமடைஞ்சாங்க. இந்தியாவுக்கு 2008 மும்பை தாக்குதலுக்கு பிறகு இது மிக மோசமான பயங்கரவாத சம்பவம்.

இந்த தாக்குதலுக்கு “தி ரெசிஸ்டன்ஸ் ஃப்ரண்ட்” (TRF)னு ஒரு பயங்கரவாத குழு பொறுப்பேத்துக்கிச்சு. இவங்க “காஷ்மீரில் வெளியூர் மக்கள் குடியேறுவதை” எதிர்க்கறதா சொல்லி இந்த தாக்குதலை நியாயப்படுத்தினாங்க. ஆனா, இவங்க உண்மையில பாகிஸ்தானை தளமா வச்சு இயங்குறவங்க, இதுக்கு முழு ஆதரவு பாகிஸ்தானோட உளவுத்துறை (ISI) தந்திருக்கு.

TRF-உம் லஷ்கர்-இ-தொய்பாவும் (LeT) ஒண்ணு சேர்ந்து இயங்குறாங்க. LeT, 2008 மும்பை தாக்குதல், 2016 உரி, 2019 புல்வாமா தாக்குதல்களுக்கு காரணமான பயங்கரவாத குழு. TRF, 2019-ல காஷ்மீர் சிறப்பு அந்தஸ்து ரத்து ஆன பிறகு LeT-யோட துணை அமைப்பா உருவாக்கப்பட்டு, பாகிஸ்தானோட ஆதரவோட இயங்குது. இவங்க ஆயுதங்கள், பயிற்சி எல்லாமே LeT-யோடு ஒத்துப்போகுது.

இதையும் படிங்க: இந்தியா - பாக்., போரில் 5 ஜெட் காலி.. நான் தான் போரை நிறுத்தினேன்..! குட்டையை குழப்பும் ட்ரம்ப்..!

இந்த தாக்குதலுக்கு பதிலடியா, இந்தியா “ஆபரேஷன் சிந்தூர்”னு ஒரு பெரிய ராணுவ நடவடிக்கை எடுத்துச்சு. பாகிஸ்தானில் 9 இடங்களில் பயங்கரவாத முகாம்களை இலக்கு வச்சு ஏவுகணைத் தாக்குதல் நடத்துச்சு. இந்தியாவோட இந்த நடவடிக்கை பயங்கரவாதத்துக்கு எதிரான பெரிய அடியா இருந்துச்சு.

இந்தியா, TRF-ஐ ஐ.நா. பயங்கரவாத பட்டியலில் சேர்க்கணும்னு மே 2025-ல கோரிக்கை வைச்சு, ஆதாரங்களை அளிச்சு. மேலும், பாகிஸ்தானை FATF-ஓட “கிரே லிஸ்ட்”ல மறுபடியும் சேர்க்கணும்னு கேட்டுச்சு, ஏன்னா பாகிஸ்தான் இன்னும் பயங்கரவாத குழுக்களுக்கு ஆதரவு கொடுக்குதுன்னு இந்தியா சொல்லுது.

அமெரிக்கா, TRF-ஐ சர்வதேச பயங்கரவாத அமைப்பு (FTO)னு அறிவிச்சு, LeT-யோட தொடர்பையும் உறுதி செஞ்சு. இதனால TRF-ஓட நிதி ஆதாரங்கள் முடக்கப்படும், இவங்களுக்கு உதவுறவங்களுக்கு கிரிமினல் குற்றம் சுமத்தப்படும். இது பாகிஸ்தானுக்கு பெரிய அடி, ஏன்னா இதனால பொருளாதார உதவி, கடன்கள் கிடைக்கறது கஷ்டமாகும். FATF கிரே லிஸ்ட்டுக்கு திரும்பினா, பாகிஸ்தானோட $23 பில்லியன் கடன் திருப்பி செலுத்துறது இன்னும் மோசமாகும்.

இப்போ பாகிஸ்தான் வெளியுறவு அமைச்சகம் ஒரு அறிக்கை விட்டு, “TRF ஒழிஞ்சு போச்சு, அதோட தலைவரை கைது பண்ணியாச்சு. குழுவில் இருந்தவர்களை பயங்கரவாதத்திலிருந்து மீட்டாச்சு”னு கெஞ்சுது. அடேங்கப்பா, இது என்ன புது காமெடி? LeT-யோட தொடர்பு, ISI ஆதரவு எல்லாம் உலகத்துக்கு தெரியுது, ஆனா இவங்க “நாங்க பயங்கரவாதத்தை வெறுக்குறோம்”னு பாட்டு பாடுறாங்க.

இது 2008 மும்பை தாக்குதலுக்கு பிறகு “எங்களுக்கு தொடர்பு இல்லை”னு சொன்ன அதே பழைய கதை. உலக நாடுகள், “அட, இந்த பொய்யை யாரு நம்புவா?”னு சிரிக்குது. FATF-உம் “இது உண்மையில்லை”னு கிரே லிஸ்ட் பேச்சை ஆரம்பிச்சிருக்கு. பாகிஸ்தானோட இந்த “நாங்க புனிதர்கள்” டயலாக், இப்போதைய பெரிய காமெடியா பார்க்கப்படுது..

இதையும் படிங்க: கெடுபிடி காட்டும் அமெரிக்காவுக்கு கல்தா! ஐரோப்பா பக்கம் திரும்பும் இந்திய மாணவர்கள்!