நடிகரும் தமிழக வெற்றிக் கழக தலைவருமான விஜய்யின் திருமண வாழ்க்கை தொடர்பான விவாகரத்து வழக்கு சமீபத்தில் பெரும் பரபரப்பை ஏற்படுத்தியுள்ளது. விஜய்யின் மனைவி சங்கீதா, 27 ஆண்டுகால திருமணத்தை முடித்துக்கொள்ள விரும்பி செங்கல்பட்டு குடும்ப நீதிமன்றத்தில் விவாகரத்து மனு தாக்கல் செய்துள்ளார். இந்த மனு டிசம்பர் மாதமே தாக்கல் செய்யப்பட்டிருந்தாலும், தற்போது இது வெளியில் தெரியவந்தது.

இதனால் அரசியல் மற்றும் சினிமா வட்டாரங்களில் பல்வேறு விவாதங்கள் எழுந்தன. இந்நிலையில், அதிமுகவின் மூத்த தலைவரும் முன்னாள் அமைச்சருமான திண்டுக்கல் சீனிவாசன் அவர்களிடம் செய்தியாளர்கள் இந்த விவாகரத்து விவகாரம் குறித்து கேள்வி எழுப்பியுள்ளனர். அப்போது அவர் கொடுத்த பதில் மிகவும் கவனத்தை ஈர்த்தது.

திண்டுக்கல் சீனிவாசன், செய்தியாளர்களின் கேள்விக்கு பதிலளிக்கும் போது, "இத மாதிரி கேள்வியை தயவு செஞ்சு கேட்காதீங்க, அது அவங்களோட தனிப்பட்ட வாழ்க்கை" என்று திட்டவட்டமாக கூறினார். விஜய்யின் தனிப்பட்ட வாழ்க்கை சம்பந்தப்பட்ட விஷயத்தில் தலையிட விரும்பவில்லை என்பதை தெளிவாக வெளிப்படுத்தினார்.

இதையும் படிங்க: சில சனியன் சகடையால் விஜய் வாழ்க்கையில் பிரச்சனை..!! பி.டி.செல்வகுமார் பரபரப்பு பேட்டி..!

அவரது இந்த பதில் மூலம், அரசியல் தலைவர்கள் கூட தனிநபர் விவகாரங்களை மதிக்க வேண்டும் என்ற கருத்தை வலியுறுத்தியதாக பார்க்கப்படுகிறது. சிலர் திண்டுக்கல் சீனிவாசனின் பதிலை பாராட்டினாலும், விஜய் மீதான அரசியல் விமர்சனங்களை தொடர்ந்து வைத்து வரும் அவரது அணுகுமுறையை சுட்டிக்காட்டி விவாதங்கள் நடந்தன. இருப்பினும், விவாகரத்து கேள்விக்கு அவர் நேரடியாக எந்த கருத்தும் தெரிவிக்காமல், தனிப்பட்ட வாழ்க்கையை மதிக்கும் நிலைப்பாட்டை எடுத்தது குறிப்பிடத்தக்கது.

இதையும் படிங்க: ஆளுங்கட்சி நிர்வாகியின் மிருகத்தனம்... தமிழ்நாட்டுக்கே தலைகுனிவு..! Tvk கண்டனம்..!!