வங்கதேசத்தில் ஆட்சி கவிழ்ப்புக்குப் பிறகு, இந்தியாவுக்கு எதிரான நடவடிக்கைகளை அந்த நாடு அதிகரித்து வருகிறது. ஒரு காலத்தில் வங்கதேசத்தில் இனப்படுகொலை நடத்திய பாகிஸ்தான் இன்று அதன் நெருங்கிய நண்பனாக மாறியிருக்கிறது. இந்தியாவுக்கு எதிராக இரு நாடுகளும் கூட்டுச் சதி செய்ய ஆரம்பித்து விட்டதோ என்ற சந்தேகம் எழுந்துள்ளது. சமீபத்தில் நடந்த ஒரு சம்பவம் இந்த அச்சத்தை அதிகப்படுத்தியுள்ளது. பாகிஸ்தானில் இருந்து தலைநகர் டாக்காவிற்கு புறப்பட்ட கப்பல் மூலம் வங்கதேசத்திற்கு ஏராளமான ஆர்டிஎக்ஸ்- ஏகே 47 ஆயுதங்கள் வழங்கப்பட்டது தெரிய வந்துள்ளது.

கராச்சி துறைமுகத்தில் இருந்து தொடங்கி, பாகிஸ்தானின் சரக்குக் கப்பல் எம்வி அல் பகேரா (இதில் சுமார் 250 கிலோ ஆர்டிஎக்ஸ் - 100க்கும் மேற்பட்ட ஏகே47 மற்றும் வெடிமருந்துகள் மறைத்து வைக்கப்பட்டிருந்தன) சந்த்பூர் சிட்டகாங் துறைமுகத்திற்கு கொண்டு செல்லப்படுகிறது. எதிர்பாராத திருப்பத்தில், டாக்கா கப்பல்துறைக்கு திட்டமிட்டபடி வருவதற்குப் பதிலாக, கப்பல் சந்த்பூர் துறைமுகத்திற்குச் சென்றது. இந்திய உளவுத்துறைக்கு கிடைத்த தகவலின்படி, கப்பலில் 720 டன் கால்நடை உணவு, காய்கறி பொருட்கள் வைக்கப்பட்டிருந்ததாகக் கூறப்பட்டுள்ளது. ஆனால் சிட்டகாங் துறைமுகத்தின் பாதுகாப்பான வீட்டில் ஏற்கனவே ஏராளமான ஆர்டிஎக்ஸ், ஆயுத வெடிபொருட்கள் இறக்கப்பட்டன.

இதற்கிடையில், பங்களாதேஷின் சந்த்பூரின் ஹம்சார் உபாசிலாவில் உள்ள இஷான்பாலா கால்வாயில் நிறுத்தப்பட்டிருந்த எம்வி அல்-பகேரா என்ற அதே உரக் கப்பலில் 7 பேர் கொல்லப்பட்ட வழக்கில் சந்தேக நபர் ஆகாஷ் மண்டல் என்ற இர்பான் கைது செய்யப்பட்டார். சந்த்பூர் நீதிமன்றம் அவரை வியாழக்கிழமை முதல் 7 நாட்கள் காவலில் வைக்க உத்தரவிட்டது.

இதையும் படிங்க: ஷேக் ஹசீனாவை நாடு கடத்த அழுத்தம்... இந்தியாவிடம் பூச்சாண்டி காட்டும் வங்கதேசம்... ஒப்பந்தம் அறியாத மக்கா இந்த ‘மாஸ்டர் மைண்ட்’..?

குற்றம் சாட்டப்பட்ட இர்பானை 10 நாட்கள் காவலில் வைக்க நதி காவல் ஆய்வாளர் முகமது கலாம் கான் கோரியிருந்தார், ஆனால் ஜூடிசியல் மாஜிஸ்திரேட் முகமது ஃபர்ஹான் சாதிக் 7 நாட்கள் மட்டுமே காவலில் வைக்க ஒப்புதல் அளித்தார். நீதிமன்றத்தில் நடந்த வழக்கு விசாரணையின் போது, 3 வழக்கறிஞர்கள் ஆஜராகினர். ஆனால், குற்றம் சாட்டப்பட்டவர்கள் சார்பில் ஒரு வழக்கறிஞர் கூட நீதிமன்றத்தில் ஆஜராகவில்லை.

காயமடைந்தவர்களில் 2 பேர் சிகிச்சை பலனின்றி உயிரிழந்தனர்.
கடந்த செவ்வாய்க்கிழமை இரவு பாகர்ஹாட்டின் சித்தல்மாரி பகுதியில் ரப்-11 ஆல் இர்ஃபான் கைது செய்யப்பட்டார். தனக்கு சம்பளம் கிடைக்காததால் கடும் கோபமடைந்த இர்ஃபான், கப்பலின் உரிமையாளர் கோலம் கிபிராவின் தவறான நடத்தையால் ஆத்திரமடைந்து 7 பேரை கொன்றதாக தெரிவித்துள்ளார். கடலோர காவல்படை, ஆற்றங்கரை போலீசார் திங்கள்கிழமை கப்பலில் இருந்து 5 உடல்களையும், காயமடைந்த 3 பேரையும் மீட்டனர். எனினும், காயமடைந்த இருவர் மருத்துவமனையில் சிகிச்சை பலனின்றி உயிரிழந்தனர்.

பரபரப்பான இந்தக் கொலைகளுக்குப் பிறகு, கப்பலின் உரிமையாளர் மெஹ்பூப் முர்ஷித் செவ்வாய்க்கிழமை இரவு ஹம்சார் காவல் நிலையத்தில் இது தொடர்பாக வழக்குப் பதிவு செய்தார். இது தொடர்பாக தொழில்துறை அமைச்சகம், மாவட்ட நிர்வாகம், காவல்துறையினரும் தனித்தனியாக விசாரணையை தொடங்கினர். இந்த கொலைகள் முன்கூட்டியே திட்டமிடப்பட்டவை என பாதிக்கப்பட்டவர்களின் குடும்பத்தினர் குற்றம்சாட்டி நீதி கேட்டு வருகின்றனர்.

கொலை குற்றவாளி இர்பான் கூறும்போது, ​​“கடந்த 6 மாதங்களாக எனக்கு சம்பளம் கிடைக்கவில்லை. என்னைப்போன்றே அனைவருக்கும் சம்பளம் கிடைக்கவில்லை, ஆனால் யாரும் அதற்கு எதிர்ப்பு தெரிவிக்கவில்லை. அதனால் நான் அவர்கள் அனைவரையும் கொன்றேன். மருந்து கடையில் தூக்க மாத்திரை வாங்கினேன். பாபர் என்கிற ஒரு சமையல்காரர் இருந்தார். அவனுக்கு தெரியாமல் உணவில் தூக்க மாத்திரைகளை கலந்தேன். அவர்கள் தூங்கும்போது நான் அனைவரையும் கொன்றேன். நான் மிகவும் கோபமாக இருந்தேன்’’ எனத் தெரிவித்துள்ளான்.

செய்தி தொடர்பாளர் தாரெக் கொலையை உறுதிப்படுத்தினார். கொலைக்குப் பிறகு இர்பான் தலைமறைவாகிவிட்டதாக அவர் கூறினார். கப்பலில் இருந்து மீட்கப்பட்ட ரத்தக்கறை படிந்த சீன கோடரியின் கைரேகைகளுடன் கிடைத்த அனைத்து தகவல்களின் அடிப்படையிலும் அவர் கைது செய்யப்பட்டார். அவர் கப்பலில் இருந்த ஒன்பதாவது நபர்.

செய்தி தொடர்பாளர் கூறுகையில், “நாங்கள் இர்பானை பாகர்ஹாட்டின் சித்தல்மரி பகுதியில் இருந்து கைது செய்தோம். குற்றம் சாட்டப்பட்டவர் Comilla RAB-11 அலுவலகத்திற்குச் சென்றார். இதற்கிடையில், செவ்வாய்க்கிழமை இரவு சரக்குக் கப்பலில் இருந்த 7 பேர் கொல்லப்பட்டது தொடர்பாக அடையாளம் தெரியாத 10 பேர் மீது ஹம்சார் காவல் நிலையத்தில் வழக்குப் பதிவு செய்யப்பட்டுள்ளதாக சந்த்பூர் கடற்படைக் காவல் கண்காணிப்பாளர் சையத் முஷ்பிகுர் ரஹ்மான் தெரிவித்தார் .

இதையும் படிங்க: தண்ணியில கண்டம்... பிரம்மபுத்ரா நதியில் சீனா கட்டும் வல்லரசு அணை... இந்தியாவை அழிக்க இப்படியொரு சதியா..?