நடிகை ஸ்ருதிஹாசன் என்றாலே அவர் உலக நாயகன் கமல்ஹாசனின் மகள் என்று அனைவருக்கும் தெரியும். ஆனால் அவருடைய அடையாளத்தில் ஒருபோதும் முன்னேற நினைக்காத இவர், தனது சொந்த முயற்சியால், இன்று முன்னணி நடிகையாகவும் பாடகியாகவும் உலகம் முழுவதும் வளம் வந்து கொண்டிருக்கிறார்.

இப்படிப்பட்ட நடிகை, கமல்ஹாசன் நடிப்பில் தமிழில் உருவான "உன்னைப் போல் ஒருவன்" திரைபடத்தில் முதன்முறையாக தனது பாடலை பாடினார். இதனால் தமிழ் திரையுலகில் பாடகியாக அறிமுகமான இவர், அடுத்த கட்டமாக ஏ.ஆர்.முருகதாஸ் இயக்கத்தில் சூர்யா நடிப்பில் உருவான "ஏழாம் அறிவு" திரைப்படத்தில் கதாநாயகியாக அறிமுகமானார். இவர் முதன் முதலில் பாடிய பாடலும், முதன் முதலில் நடித்த படமும் ரசிகர்கள் மத்தியில் இவருக்கு என மிகப்பெரிய புகழை தேடி தந்தது.

இதையும் படிங்க: என்னடா இது ரஜினிபடத்துக்கு வந்த சோதனை..! "கூலி" படத்தின் டைட்டிலை மாற்றிய படக்குழு..!

இந்த நிலையில், பல படங்களில் நடிப்பதுடன் மட்டும் நிறுத்தி கொள்ளாமல், தனியாக ஆல்பம் பாடலையும் உருவாக்குவதிலும் இவர் வல்லவராக இருப்பதால், இவர் தனது குரலில் பாடிய காதலிக்க நேரமில்லை பிரேக்கப் பாடல் ரசிகர்களிடம் மிகப்பெரிய வரவேற்பை தந்தது. அதன் பிறகு இயக்குனர் லோகேஷ் கனகராஜ் உடன் இணைந்து இவர் குரலில் இயக்கிய பாடல், மட்டுமல்லாது அதில் வரும் ரொமான்ஸ் காட்சிகள் ரசிகர்கள் மத்தியில் பல பேச்சுக்களை வாங்கித் தந்தது. 

இதனைத் தொடர்ந்து, நடிகை ஸ்ருதிஹாசன்  தனுஷ் உடன் "3" படத்தையும், விஜயின் வேதாளம், புலி படத்திலும், விஷாலின் பூஜை படத்திலும், சமீபத்தில் வெளியான "சலார்" திரைப்படத்திலும் நடித்து தமிழகம்  மட்டுமல்லாது  இந்தியா முழுவதும் பிரபலமானார். இவர் அடுத்ததாக, லோகேஷ் கனகராஜ் இயக்கத்தில் நடிகர் ரஜினிகாந்த்,  நாகார்ஜுனா, சத்யராஜ் உள்ளிட்டவர்களுடன் "கூலி" திரைப்படத்தில் நடித்து வருகிறார். இந்தப் படம் எப்பொழுது வெளியாகும் என ரசிகர்கள் மத்தியில் பெரும் எதிர்பார்ப்பு காத்துக் கொண்டிருக்கிறது. ஏனெனில் கமல்ஹாசனை வைத்து  விக்ரம் படத்தில் மேஜிக் செய்திருக்கும் லோகேஷ், இந்த படத்தில் ரஜினியை வைத்து மிகப்பெரிய மேஜிக் செய்திருப்பார் என அனைவரும் கூறி வருகின்றனர்.

இந்த சூழலில் நடிகை ஸ்ருதி ஹாசன் தனது இன்ஸ்ட்டா பக்கத்தில் இரண்டு ஸ்டோரிகளை பதிவு செய்துள்ளார். ஒன்று தனது எக்ஸ் தளப்பக்கம் ஹேக் செய்யப்பட்டுள்ளது என்றும் மற்றொன்று இன்று மாலை 6 மணிக்கு கூலி படத்தின் பாடல் வெளியாகிறது என்று. முதல் ஸ்டோரியில் அவர், ''என்னுடைய எக்ஸ் பக்கம் ஹேக் செய்யப்பட்டுள்ளதை உங்களுக்கு தெரிவிக்க விரும்புகிறேன். எனது எக்ஸ் பக்கத்தில் தற்போது போஸ்ட் செய்யப்பட்டு வரும் பதிவுகளைநான் பதிவிடவில்லை. என் எக்ஸ் கணக்கை மீண்டும் பெறும் வரை அந்த பக்கங்களில் இருந்து வரும் மெசேஜ் மற்றும் இதர விஷயங்களுக்கு பதிலளிக்காதீர்கள்'' என தெரிவித்து இருக்கிறார். 

இரண்டாவதாக தான் கூலி படத்தின் முதல் பாடல் குறித்து பதிவிட்டு இருக்கிறார் ஸ்ருதி ஹாசன்.

இதையும் படிங்க: என் மகளும் தேவயானி மகளும் ஒன்னா? தெரிஞ்சா பேசு... வனிதா விஜயகுமார் பரபரப்பு பேச்சு..!