தமிழ் சினிமா உலகில் தனக்கென ஒரு முத்திரை பதித்துள்ள நடிகர் சிவகார்த்திகேயன், தனது 23-வது திரைப்படமாக பிரபல இயக்குனர் ஏ.ஆர். முருகதாஸ் இயக்கத்தில் உருவாகியுள்ள ‘மதராஸி’ திரைப்படத்தின் படப்பிடிப்பை முற்றிலும் முடித்து, தற்போது வெளியீட்டுக்கான இறுதிகட்ட பணிகளில் ஈடுபட்டு வருகிறார். இந்தப் படம் பற்றிய எதிர்பார்ப்பு, அறிவிக்கப்பட்ட நாள் முதலே ரசிகர்கள் மத்தியில் ஒரு தனிப்பட்ட பரபரப்பை ஏற்படுத்தியுள்ளது. ஏனெனில், இது முருகதாஸ் மற்றும் சிவகார்த்திகேயன் இருவருக்கும் முதல் கூட்டணியாக அமைந்திருக்கிறது.

அதேசமயம், அனிருத் இசை, ஸ்டைலான கதாபாத்திரங்கள் மற்றும் மாஸ் சப்ஜெக்ட் என எதிர்பார்ப்பை தூண்டக்கூடிய பல காரணங்கள் இப்படத்தில் உள்ளன. இந்த ‘மதராஸி’ திரைப்படம் ஒரு அரசியல் கலந்த ஆக்ஷன் ட்ராமா எனத் தகவல்கள் வெளியாகியுள்ளது. இப்படத்தில் சிவகார்த்திகேயன், சென்னையில் பிறந்து வளர்ந்த ஒரு சாதாரண இளைஞனாக நடித்திருப்பதாக கூறப்படுகிறது. ஆனால் சமூகத்தில் எதிர்கொள்ளும் சவால்கள், அதற்காக மேற்கொள்ளும் போராட்டம், அவரது மாற்றத்தைச் சுற்றி கதையமைப்பு எடுத்து செல்கிறது எனக் கூறப்படுகிறது. இந்தப் படத்தில் நாயகியாக ருக்மினி வசந்த் நடிக்கிறார். கன்னடத் திரையுலகில் பிரபலமான இவர், இது அவரது முதல் தமிழ் திரைப்படம் என்பது குறிப்பிடத்தக்கது. அவருடன் சேர்ந்து விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கியமான கதாபாத்திரங்களில் நடித்துள்ளனர். இப்படி இருக்க ‘மதராஸி’ படத்திற்கான இசையமைப்பாளராக, சிவகார்த்திகேயனின் நெருங்கிய நண்பரும், இந்தியாவின் முன்னணி இசையமைப்பாளருமான அனிருத் ரவிச்சந்தர் பணியாற்றி வருகிறார். இதுவரை படத்தில் இடம்பெற்ற பாடல்கள் வெளிவராத போதிலும், மினி-கிளிம்ப்ஸ் வீடியோவில் பின்புல இசை கேட்டதோடு, ரசிகர்கள் சீக்கிரம் பாட்டை ரிலீஸ் பண்ணுங்க என சமூக வலைதளங்களில் டிரெண்ட் செய்து எதிர்பார்ப்பை கூறி வருகின்றனர்.

அனிருத் மற்றும் முருகதாஸ் கூட்டணியிலும், அனிருத் மற்றும் சிவகார்த்திகேயன் கூட்டணியிலும் பல ஹிட் பாடல்கள் உள்ளதால், இந்தப் படத்தின் இசை வெளியீடும் ஒரு பெரிய நிகழ்வாகவே இருக்கும் என எதிர்பார்க்கப்படுகிறது. ‘மதராஸி’ திரைப்படத்தின் சிறப்பு கிளிம்ப்ஸ் வீடியோவை, சமீபத்தில் வெளியான 'கூலி' படத்தின் இடைவேளையின் போது திரையரங்குகளில் காட்டப்பட்டது. இந்த முயற்சி மூலம், படம் வெளியாகும் நாளை முன்னிட்டு மெகா புரமோஷன் பாணியில் ரசிகர்களுக்கு படம் குறித்த ஆர்வத்தை அதிகரித்தது. இந்நிலையில், படம் வெளியாக இன்னும் சில வாரங்களே உள்ள நிலையில், இந்த வாரத்திலேயே படத்தின் டிரெய்லர் அல்லது இசை வெளியீட்டு விழா குறித்த அறிவிப்பு வெளியாகும் என தயாரிப்பு நிறுவனம் ஸ்ரீ லட்சுமி மூவிஸ் உறுதிப்படுத்தியுள்ளது. இது வரை டீசர் கூட வெளியாகாத நிலையில், நேரடியாக மாஸ் டிரெய்லர் மற்றும் பட இசை வெளியீட்டுடன் முழுமையான வெளியாக உள்ளது 'மதராஸி'. மேலும் படத்தின் டைட்டில், சென்னை மாநகரத்தையே பிரதிநிதிக்கின்ற வகையில் 'மதராஸி' என வைக்கப்பட்டிருப்பது, இப்படம் சென்னை மையமாக அமையும் ஒரு புறநகர் சமூக அரசியல் சூழ்நிலையை பிரதிபலிக்கக் கூடும் என எதிர்பார்க்கப்படுகிறது.

இதையும் படிங்க: அட 'மதராஸி' பட கதை இதுதானா..! நடிகர் சிவகார்த்திகேயனின் மாஸ் ஹிட் மூவியாக இருக்கும் போலயே..!

அதே நேரத்தில், ஏ.ஆர். முருகதாஸ், முன்பாக ரமணா, துப்பாக்கி, கத்தி, சர்கார் போன்ற சமூக விழிப்புணர்வுடன் கூடிய மாஸ் படங்களை இயக்கியவர் என்பதால், இந்த படம் அவரது Trademark Signature-ஐ கொண்டிருக்கும் என நம்பப்படுகிறது. அதோடு விக்ராந்த், எப்போதும் உணர்வுப்பூர்வமான காட்சிகளில் கலக்கும் நடிகர்.
வித்யூத் ஜம்வால், பாலிவுட்டில் Action Hero எனும் அடையாளம் பெற்றவர், இவர் இப்படத்தில் முக்கிய எதிரி கதாபாத்திரமாக நடிக்கிறார். பிஜு மேனன், மலையாளத்தின் நடிப்பு மேதை, இவரது சம்பந்தப்பட்ட சீன்கள் எதிர்பார்ப்பை தூண்டுகின்றன. டான்சிங் ரோஸ் சபீர் – உண்மை சம்பவங்கள் அடிப்படையிலான கதாபாத்திரமாக நடித்திருக்கலாம் எனக் கூறப்படுகிறது. இப்படம் வருகின்ற செப்டம்பர் 5-ம் தேதி உலகமெங்கும் வெளியிடப்படும் என அறிவிக்கப்பட்டுள்ளது. முன்பதிவுகள் தொடங்கும்வரை, படத்தின் டிரெய்லர், பாடல்கள், மேடைக்காட்சிகள், மற்றும் அனிருத் கான்சர்ட் அன்சர்ஸ் என ஒவ்வொரு அப்டேட்டும் ரசிகர்களை தீவிரக் காத்திருப்பில் வைத்திருக்கிறது.

ஆகவே சிவகார்த்திகேயனின் 'மதராஸி' – தமிழ்சினிமா ரசிகர்களுக்குப் பெரும் எதிர்பார்ப்பை ஏற்படுத்தியுள்ள ஒரு திரைப்படமாக உள்ள நிலையில், படம் தொடர்பான டிரெய்லர் மற்றும் இசை வெளியீடு குறித்த அப்டேட்டும், அதனுடன் வரும் சினி ஃபீவர் மிக விரைவில் பரவ விருக்கிறது. முருகதாஸ் இயக்கும் உணர்வும், அனிருத் இசைக்கும், சிவகார்த்திகேயனின் நகைச்சுவை-மாஸ் கலவைக்கும் ரசிகர்கள் இன்று காத்திருக்கும் நிலை இதுவே.. எனவே ‘மதராஸி’செப்டம்பர் 5-ம் தேதி திரையரங்குகளில் ஒரு நகரத்தின் கதையை பேச தயாராகி இருக்கிறது.

இதையும் படிங்க: வெளிநாட்டில் ராஷ்மிக்கா மற்றும் விஜய் தேவர்கொண்டா..! என்ன செய்திருக்கிறார்கள் பாருங்க..!