ஆபாசம் என்றாலே தமிழ்நாட்டின் முதலமைச்சர் தான்.இடைத்தேர்தலில் இரண்டு தொகுதிகளிலும் திமுக நிச்சயம் வெற்றி பெறும். நாகர்கோவிலில் விளாத்திகுளம் சட்டமன்ற உறுப்பினர் மார்க்கண்டேயன் பேட்டி.
கன்னியாகுமரி கிழக்கு மாவட்ட திமுக செயற்குழு கூட்டம் ஒழுகினசேரியில் உள்ள கட்சி அலுவலகத்தில் நடைபெற்றது. கூட்டத்தில் குமரி மாவட்ட பொறுப்பாளரான விளாத்திகுளம் எம்எல்ஏ மார்க்கண்டேயன் வருகை தந்து நிர்வாகிகளுக்கு ஆலோசனை அளித்த பின்பு தொடர்ந்து செய்தியாளர்களை சந்தித்தார் அப்போது பேசிய அவர்
இடைத்தேர்தலில் இரண்டு தொகுதிகளிலும் திமுக நிச்சயம் வெற்றி பெறும்.சட்டமன்றத்தில் முதல்வரின் பதிலுரை அவமானமாக இருக்கிறது என்று கம்யூனிஸ்ட் கட்சிகள் சொல்லி இருக்கிறது.இது தான் எங்களின் நிலைப்பாடு.
இதையும் படிங்க: பட்டினப்பாக்கத்தில் புதிய தலைமை செயலகம் அமைக்கும் முடிவை கைவிடுக டிடிவி தினகரன் வலியுறுத்தல்!
பட்ஜெட் கூட்டத் தொடரில் அதிகமாக பேசியது திமுக உறுப்பினர்கள் ஆனால் அவமானமாக பேசியது தவெக உறுப்பினர்கள்.அமைச்சர்கள் நிர்மல் குமார், ஆதவ் அர்ஜுனா, முதலமைச்சர் என்ன பேசினார்கள் என்பது எல்லோருக்கும் தெரியும்.
யாருக்கும் எந்த பதிலும் சொல்ல தெரியவில்லை தவறான தகவல்களை சொல்கிறார்கள். படித்துக் கொண்டு வராமல் சட்டமன்றத்திற்கு வருகிறார்கள்.தற்போது பாமரர்கள் கூடாரமாக சட்டமன்றம் இருக்கிறது என்ற அவமானம் தமிழகத்தில் இருக்கிறது.
முதலமைச்சர் பேசும்போது தமிழ்நாட்டில் ஆபாச நதி, வன்ம நதி சமீப காலமாக ஓடுகிறது என கூறிய நிலையில் ஆபாசமே தமிழ்நாட்டிற்கு முதலமைச்சர் தான் என தெரிவித்தார். தொடர்ந்து பேசிய அவர்
அமைச்சர் பொன்முடி பெண்கள் குறித்து பேசியதற்கு நடவடிக்கை எடுத்தோம்.பெண் பாலியல் புகார் கொடுத்தும் ஸ்ரீவைகுண்டம் சட்டமன்ற உறுப்பினர் மீது என்ன நடவடிக்கை எடுக்கப்பட்டுள்ளது. தமிழக வெற்றி கழகம் ஒரு அவமரியாதையான கட்சி என தெரிவித்தார்.
இதையும் படிங்க: முதல்வர் விஜயின் உடல் மொழி சர்ச்சை... கண்ணியமான அணுகுமுறை இல்லை... திருமா. காட்டம்..!!