சமூக ஊடகங்கள் மற்றும் யூடியூப் வழியாக பெரும் ரசிகர் ஆதரவைப் பெற்றிருக்கும் டிடிஎப் வாசன், தற்போது சினிமா உலகில் ஒரு பெரிய அடியை எடுத்து வைக்கிறார். பைக் ஸ்டண்ட் வீடியோக்களாலும், இளைய தலைமுறையினரிடையே ஏற்பட்ட பிரபலத்தாலும் அனைவருக்கும் தெரிந்த வாசன், இப்போது ஹீரோவாக திரையுலகில் அறிமுகமாகிறார். அவரின் அறிமுகப்படமாக உருவாகி வரும் “ஐபிஎல் (IPL)” திரைப்படத்தின் பர்ஸ்ட் லுக் போஸ்டர் வெளியிடப்பட்டுள்ளதுடன், அது தற்போது இணையத்தில் வைரலாகி வருகிறது. டிடிஎப் வாசன் என்பது யூடியூப் உலகில் ஒரு பிரபலமான பெயர்.

இதையும் படிங்க: ஓடிடியில் 8.9 ரேட்டிங் பெற்ற உண்மை கிரைம் திரில்லர் படம்..! அடுத்ததடுத்து திக்திக்-கில் உறையவைப்பதால் ஹிட்..!

 “பைக் ரைட் வ்லாக்ஸ்”, “டிடிஎப் டையரிஸ்” போன்ற வீடியோக்களால் பிரபலமான இவர், தமிழ் நாட்டு இளம் பைக் ரசிகர்களிடையே மிகப்பெரும் வரவேற்பை பெற்றவர். அவரின் பைக் ஸ்டண்ட் வீடியோக்கள் கோடிக்கணக்கான பார்வைகளைப் பெற்றுள்ளன. அந்த பிரபலத்தை சினிமா வாய்ப்பாக மாற்றியிருக்கிறார் வாசன். இப்போது அவர் ஹீரோவாக நடிக்கும் முதல் திரைப்படம் “ஐபிஎல்” என்ற தலைப்பில் உருவாகி வருகிறது. இந்த “ஐபிஎல்” திரைப்படத்தை கருணாநிதி எழுதி இயக்குகிறார். இந்தப் படம் ராதா பிலிம்ஸ் இண்டர்நேஷனல் நிறுவனத்தின் தயாரிப்பில் உருவாகி வருகிறது. இப்படத்தின் இசையமைப்பை விநாயகமூர்த்தி மேற்கொள்கிறார். படம் ஒரு பான் இந்தியன் லெவல் திரைப்படமாக உருவாக்கப்படுவது குறிப்பிடத்தக்கது.

அதாவது, இது தமிழ் மட்டும் அல்லாமல் தெலுங்கு, கன்னடம், மலையாளம், இந்தி மொழிகளிலும் ஒரே நேரத்தில் வெளியிடப்படும். சமீபத்தில் வெளியிடப்பட்ட “ஐபிஎல்” படத்தின் பர்ஸ்ட் லுக் போஸ்டர், சமூக வலைதளங்களில் பெரும் வரவேற்பை பெற்றுள்ளது. போஸ்டரில் வாசன் ஒரு ஸ்போர்ட்ஸ் பைக்கில் அமர்ந்து, கடுமையான பார்வையுடன் முன்னோக்கி நோக்கும் தோற்றத்தில் காட்சியளிக்கிறார். பின்னணியில் வெடிக்கும் சத்தங்களும், தீப்பொறிகளும் காட்சியளிக்கும் அந்த போஸ்டர், ரசிகர்களிடையே “அட்ரினலின் ரஷ்” ஏற்படுத்தியுள்ளது. படத்தின் முழுக் கதை அதிகாரப்பூர்வமாக வெளிவரவில்லை என்றாலும், சினிமா வட்டாரங்களில் இருந்து வந்த தகவல்படி, “ஐபிஎல்” ஒரு ஆக்‌ஷன்-டிராமா வகை படமாக இருக்கும் என்று கூறப்படுகிறது.

ஒரு இளம் பைக் ரைடரின் வாழ்க்கையில் நிகழும் திருப்பங்களையும், சமூக சவால்களையும் மையமாகக் கொண்டு இப்படம் உருவாகி வருகிறது. “பைக்” என்பது டிடிஎப் வாசனின் அடையாளம் என்பதால், இப்படத்திலும் பைக் ஸ்டண்ட் காட்சிகள் மிகுந்த முக்கியத்துவம் பெறும் என எதிர்பார்க்கப்படுகிறது. படத்தின் இசையமைப்பை விநாயகமூர்த்தி மேற்கொள்கிறார். அவரது இசை குறித்து இயக்குநர் கருணாநிதி கூறுகையில்,  “வாசனின் ஆற்றலுக்கும், கதையின் வேகத்திற்கும் பொருந்தும் விதத்தில் இசை அமைக்கப்பட்டுள்ளது. குறிப்பாக பைக் ரேஸ் காட்சிகளில் இசை ரசிகர்களை உற்சாகப்படுத்தும்” என்றார். இப்படத்தின் பாடல்களில் ராப் மற்றும் ஹிப்-ஹாப் பாணி கலந்துள்ளதால், இளைஞர்களிடையே பாடல்கள் விரைவில் ஹிட்டாகும் என நம்பப்படுகிறது. “ஐபிஎல்” படத்தில் டிடிஎப் வாசனுடன் கிஷோர் மற்றும் அபிராமி முக்கிய கதாபாத்திரங்களில் நடிக்கிறார்கள்.

கிஷோர், தனது தீவிரமான நடிப்பால் “விசாரணை”, “தீரன் அடிகாரம் ஒன்று” போன்ற படங்களில் ரசிகர்களின் மனதில் இடம் பிடித்தவர். அவரின் பங்கு இப்படத்தில் எதிர்மறையான கேரக்டராக இருக்கலாம் என சினிமா வட்டாரங்கள் தெரிவிக்கின்றன. அபிராமி, கதையின் உணர்ச்சி பக்கம் வலுப்படுத்தும் முக்கிய பாத்திரத்தில் நடிக்கிறார். மேலும் சில புதிய முகங்களும் இப்படத்தில் அறிமுகமாகவுள்ளனர். இதனை குறித்து இயக்குநர் கருணாநிதி பத்திரிகையாளர்களிடம் பேசியபோது, “வாசன் ஒரு இயல்பான கலைஞர். அவர் பைக்கில் செய்யும் ஸ்டண்ட்கள் இயல்பாகவே சினிமாவுக்கு ஏற்றது. ‘ஐபிஎல்’ படத்தின் கதையும் அதே ரிதியில்தான் செல்லும். இது வெறும் ரேஸிங் படம் அல்ல.. ஒரு இளைஞன் கனவுகளை அடைய போராடும் கதை. படத்தைப் பான் இந்தியன் லெவலில் எடுக்க முடிவு செய்தோம். ஏனெனில் வாசனின் ரசிகர்கள் இந்தியாவின் பல மாநிலங்களிலும் உள்ளனர். அவர்களின் எதிர்பார்ப்பை நிறைவேற்றும் வகையில் பெரிய அளவில் தயாரித்து வருகிறோம்” என்றார்.

போஸ்டர் வெளியீட்டுக்குப் பின் வாசனின் ரசிகர்கள் சமூக வலைதளங்களில் பெரும் உற்சாகத்துடன் பதிவுகள் வெளியிட்டனர். இந்த படத்தை பான் இந்தியன் அளவில் உருவாக்குவதால், சினிமா ரசிகர்கள் மட்டுமின்றி, வாசனின் யூடியூப் ரசிகர்களும் இந்த முயற்சியை பெரிதும் வரவேற்று வருகின்றனர். தயாரிப்பு நிறுவனத்தின் தகவலின்படி, படத்தின் ப்ரமோஷன் தேசிய அளவில் நடத்தப்படும். இதற்காக ஹைதராபாத், பெங்களூரு, மும்பை, கோச்சி ஆகிய நகரங்களில் நிகழ்ச்சிகள் ஏற்பாடு செய்யப்பட உள்ளன. “ஐபிஎல்” திரைப்படத்தின் படப்பிடிப்பு தற்போது இறுதி கட்டத்தில் நடைபெற்று வருகிறது. படம் அடுத்த ஆண்டு தொடக்கத்தில் ஜனவரி மாதம் வெளியிடப்பட வாய்ப்பு உள்ளது.

படத்தின் டீசர் மற்றும் பாடல்கள் வரும் வாரங்களில் வெளியிடப்படும் என்று தயாரிப்பு நிறுவனம் உறுதிப்படுத்தியுள்ளது. யூடியூப் உலகில் தன்னுடைய அடையாளத்தை உருவாக்கிய டிடிஎப் வாசன், இப்போது பிக் ஸ்கிரீனில் கால் பதிக்கிறார். அவரது இயல்பான ஆற்றல், ரசிகர்களின் ஆதரவு, மற்றும் பைக் கலாச்சாரத்தை அடிப்படையாகக் கொண்ட கதை என இவை அனைத்தும் “ஐபிஎல்” படத்துக்கு ஒரு தனித்துவமான அடையாளத்தை அளிக்கின்றன.

இதையும் படிங்க: பொதுவெளியில் நடிகை ஸ்ரீலீலா-வை குறித்து நடிகர் ரன்வீர் சிங் பேசியதால் பரபரப்பு..!