திரைப்பட ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள படம் தான் சூர்யாவின் "கருப்பு". இந்த படம், புகழ்பெற்ற ஆர்.ஜே. பாலாஜியின் இயக்கத்தில் உருவாகி வருகிறது. அவருடைய இயக்கத்தில் மட்டுமல்லாமல், வில்லனாகவும் அவர் இப்படத்தில் கலக்க இருப்பது குறிப்பிடத்தக்கது. இதில் முக்கிய கதாபாத்திரத்தில் நடிகர் சூர்யா நடித்திருக்கிறார் என்பது ரசிகர்களிடையே பெரும் பரபரப்பை ஏற்படுத்தியுள்ளது.

சூர்யா தான் கதாநாயகனாக நடிக்க, அவருக்கு ஜோடியாக த்ரிஷா நடித்திருக்கிறார். மேலும் முக்கியமான வேடங்களில் சுவாசிகா, நட்டி நட்ராஜ், இந்திரன்ஸ், அனகா மாயா ரவி, ஷிவதா ஆகியோர் நடித்துள்ளனர். இவ்வாறு பல முன்னணி மற்றும் திறமையான நடிப்பாளர்களின் ஒத்துழைப்பில் இப்படம் உருவாகியுள்ளது. இப்படி இருக்க "கருப்பு" திரைப்படத்தின் முதல் டீசர் சில மாதங்களுக்கு முன் வெளியானது. அந்த டீசர் சமூக வலைதளங்களில் மிகப் பெரிய வரவேற்பை பெற்றது. சூர்யாவின் அதிரடியான கதாபாத்திரம், அவரது மாறுபட்ட தோற்றம், பாலாஜியின் வில்லனாக தோன்றும் காட்சிகள் என இவை அனைத்தும் ரசிகர்களிடம் பெரும் எதிர்பார்ப்பை உருவாக்கின. இந்த சூழலில் ஆர்.ஜே. பாலாஜி, "கருப்பு" திரைப்படம் குறித்து அண்மையில் சில முக்கிய தகவல்களை பகிர்ந்துள்ளார். அதில், "நான் ஒரு வேலை செய்யும்போது வெளியே வரமாட்டேன், அதிகமாக பேச மாட்டேன். தற்போது நான் செய்துகொண்டிருந்த வேலை கிட்டதட்ட முடிவுக்கு வந்துவிட்டது. நான் படத்தை பார்த்துவிட்டேன். எனக்கு படம் மிகவும் பிடித்திருந்தது." என அவர் கூறியிருப்பது, படம் மீது அவருக்கே ஏற்பட்டுள்ள நம்பிக்கையை வெளிப்படுத்துகிறது.

மேலும் இந்த படத்தின் தயாரிப்பாளர்கள் குறித்து அவர் பேசுகையில், "என் தயாரிப்பாளர்கள் புளூ சட்டை மாறனை விட அதிகமாக படத்தை கவனிப்பார்கள். அவர்களே படம் நன்றாக இருப்பதாக நிம்மதி அடைந்துள்ளனர்" என்று தெரிவித்தார். இது, படத்திற்கான தயாரிப்பு தரம் மிகவும் உயரமாக உள்ளதைக் காட்டுகிறது. இப்படி இருக்க 2026 ஏப்ரல் மாதம் "கருப்பு" படம் திரையரங்குகளில் வெளியாகும் என எதிர்பார்க்கப்படுகிறது. தற்போது போஸ்ட்-பிரொடக்‌ஷன் பணிகள் முடிவடைந்து வருவதால், அப்போது படம் வெளியாவது உறுதி என கூறலாம். இந்த "கருப்பு" என்ற தலைப்பு, ஒரு சக்தி, இருள், மர்மம் என பல்வேறு கூறுகளை உள்ளடக்கியது. சூர்யா முதலான நடிப்பாளர்களின் தோற்றங்களும், டீசர் வெளிவந்தபின் சமூக வலைதளங்களில் பரவிய ஒலி-ஒளி என எல்லாவற்றிலும் அந்த "கருப்பு" ஆனது ஒரு சின்னம் போன்று வெளிப்பட்டது.

இதையும் படிங்க: ஹீரோயின் கேரக்டரில் ஊனமுற்றவரை நடிக்க வைக்கமுடியுமா.. சொல்லுங்க..! மாரி செல்வராஜ் பேச்சால் சர்ச்சை..!

பொதுவாக நகைச்சுவை மற்றும் குடும்ப நாயகனாக அறியப்படும் பாலாஜி, இப்படத்தில் வில்லனாக நடிப்பது ரசிகர்களுக்கு ஒரு சவால் நிறைந்த வித்தியாச அனுபவமாக அமையப்போகிறது. இது அவரது வேடத்தில் ஒரு பெரிய மாற்றமாகவே பார்க்கப்படுகிறது. மிகவும் சிக்கலான, இருண்ட, சமூகப் பிரச்சனைகளை விரிவாக பேசும் ஒரு திரைக்கதை என இதன் தகவல்கள் வெளியாகியுள்ளன. மிஸ்டரி, த்ரில்லர், சமூக விமர்சனம் ஆகியன கலந்து இந்த படம் உருவாகி இருக்கலாம் என்பதே ரசிகர்களின் கணிப்பு. ஆகவே சமூக பாதிப்புகள், தனிமனித உணர்வுகள் மற்றும் அதிகாரங்களை சவாலாக எதிர்க்கும் ஒரு தனித்துவமான கதை என "கருப்பு" படத்தின் விபரங்கள் சொல்கின்றன. சூர்யா – பாலாஜி கூட்டணியில் உருவாகும் இந்த திரைப்படம், தமிழ் சினிமாவில் வேறு அணுகுமுறையில் படைக்கப்பட்ட முக்கியமான படமாக இருக்கலாம்.

எனவே வெளியீட்டுக்கான நாள்கள் குறைவதால், இன்னும் பல அப்டேட்டுகள் விரைவில் வரும் என எதிர்பார்க்கலாம். "கருப்பு" ஒரு சாதாரண திரைப்படமல்ல, இது ஒரு சமூக உரையாடல் என்பதை படத்தின் உருவாக்கமே சொல்லிக்கொடுக்கிறது.

இதையும் படிங்க: இப்படியெல்லாம் ஒரு பப்ளிசிட்டி தேவையா..! பிரபலங்களை பயமுறுத்தும் ஏர்போர்ட் புகைப்படங்கள் - ஷோபா டே காட்டம்..!