இந்த ஆகஸ்ட் மாதம் ஹிந்தி சினிமா ரசிகர்களுக்கென பெரிய திரையரங்குக் கொண்டாட்டங்கள் காத்திருக்கின்றன. அதன்படி, பல முன்னணி நடிகர்களின் பெரும் எதிர்பார்ப்புக்கிடையே வெளியாக உள்ள படங்களில், ஹிருத்திக் ரோஷனின் 'வார் 2' படம் தனிப்பட்ட இடத்தை பிடித்திருக்கிறது. ஏற்கனவே இந்த படம், ரிலீஸுக்கு முன்பே பல சாதனைகளை உருவாக்கியுள்ளதுடன், பிரமாண்ட வரவேற்பும் ஏற்படுவதற்கான சாத்தியங்கள் அதிகமாக இருக்கின்றன. குறிப்பாக 2019-ம் ஆண்டு வெளிவந்து மாபெரும் ஹிட்டாகிய ‘வார்’ திரைப்படம், யாஷ் ராஜ் பிலிம்ஸின் ஸ்பை யுனிவெர்ஸ் எனப்படும் இரகசிய முகவர் திரைப்படங்களின் தொடரில் முக்கியமான படமாக விளங்கியது.

ஹிருத்திக் ரோஷனும், டைகர் ஷ்ராப்பும் நடித்த அந்த படம் ரூ.170 கோடி பட்ஜெட்டில் உருவாகி, உலகளவில் ரூ.475 கோடி வசூல் செய்து சாதனை படைத்தது. அந்த வெற்றியின் தொடர்ச்சியாகவே இப்போது உருவாகி உள்ள ‘வார் 2’, பல காரணங்களால் கவனம் ஈர்த்து வருகிறது. மேலும் இந்த 'வார் 2' படத்தில் ஹிருத்திக் ரோஷனுடன், தெலுங்கு திரையுலகின் மாஸ் ஹீரோவான ஜூனியர் என்.டி.ஆரும் முக்கிய வேடத்தில் இணைந்துள்ளனர். இதுவே இந்த திரைப்படத்தின் மீது ரசிகர்களுக்கு அதிக எதிர்பார்ப்பை உருவாக்கியிருக்கிறது. மேலும், பிரபல நடிகை கியாரா அத்வானி கதாநாயகியாக நடிக்க, படத்தின் ரொமான்ஸ் மற்றும் சாகசத்தையும் சேர்த்து ஒரு முழுமையான பிளாக்பஸ்டர் அனுபவம் வழங்கும் விதத்தில் உருவாகியுள்ளது. இப்படம் ஆகஸ்ட் 14-ஆம் தேதி உலகம் முழுவதும் திரையரங்குகளில் வெளியாக இருக்கிறது. இந்தியாவின் சுதந்திர தினத்தையொட்டி வெளியாகும் இப்படம், வரலாறு காணாத வசூலை பெறும் வாய்ப்பு உள்ளதாக சினிமா வட்டாரங்கள் கூறுகின்றன.

இந்த நிலையில், 'வார் 2' படம் ரிலீஸுக்கு முன்பே சாதனை படைத்துள்ளது. இந்த ஸ்பை யுனிவெர்ஸில் இதற்கு முந்தைய படங்களான சல்மான் கானின் ‘டைகர் 3’, ரூ.350 கோடி பட்ஜெட்டில் உருவானது மற்றும் ஷாருக்கானின் ‘பதான்’ திரைப்படம் ரூ.240 கோடி (பட்ஜெட்டில் உருவானது.. இப்படி இருக்க இந்த இரண்டு படங்களையும் மிஞ்சி, 'வார் 2' திரைப்படம் ரூ.400 கோடி பட்ஜெட்டில் உருவாகியுள்ளது. இது இந்த யுனிவெர்ஸின் அதிக செலவில் தயாரிக்கப்பட்ட படம் என்பது தெரிகிறது. இத்தகைய உயர்ந்த பட்ஜெட்டுடன் உருவாகி இருக்கும் இந்தப் படம், விஸ்வரூபமாக உள்ள Action Sequence-கள், Visual Effects, International Locations, மற்றும் Stylish Cinematography என்பவற்றால் ரசிகர்களிடம் மிகுந்த எதிர்பார்ப்பை உருவாக்கியுள்ளது. ஹிருத்திக் ரோஷனின் கதாபாத்திரமான ‘கபீர்’ இப்படத்தில் ஒரு ரகசிய முகவர் . எனவே இந்தப் படத்தின் முக்கிய பாகமாக மீண்டும் அவர் இருப்பதால், அவரது ரசிகர்கள் உற்சாகத்துடன் படத்தின் வெளியீட்டுக்காக காத்திருக்கின்றனர்.

இதையும் படிங்க: சாப்பாட்டில் விஷம் வைத்து கொல்ல பாத்தாங்க..! பரபரப்பை ஏற்படுத்திய நடிகை தனுஸ்ரீ தத்தா..!

அதேபோல், ஜூனியர் என்.டி.ஆரின் இந்த ஹிந்தி சினிமா முயற்சி, தெலுங்கு மற்றும் வடஇந்திய திரையரங்குகளில் பான்-இந்தியா ரசிகர்களை ஒருங்கிணைக்கும் புதிய முயற்சியாக பார்க்கப்படுகிறது. அவரது தீவிர நடிப்பு மற்றும் அதிரடி சாகசங்கள், ஹிருத்திக்குடன் இணைந்து ஒரு புதிய திரை வரலாற்று தாக்கத்தை ஏற்படுத்தும் என எதிர்பார்க்கப்படுகிறது. மேலும் இப்படத்தின் இயக்குனராக ‘ஆயன் முகர்ஜி’ பணி புரிந்து வருகிறார். இவர் இதற்கு முன்பு இயக்கிய 'பிரஹ்மாஸ்திரா' போன்ற பாகங்கள் கொண்ட படங்களில் அனுபவமுள்ளவர் என்பதால், 'வார் 2' காட்சிகளிலும் புதிய தொழில்நுட்பங்களை பயன்படுத்தி, உலக தரத்திற்கு ஒப்பான அனுபவத்தை வழங்கி இருப்பதாக செய்திகள் தெரிவிக்கின்றன. மேலும், யாஷ் ராஜ் பிலிம்ஸ் நிறுவனம் தனது ஸ்பை யுனிவெர்ஸை Marvel Cinematic Universe போன்று தனி பிரபஞ்சமாக விரிவுபடுத்தும் முயற்சியில் தீவிரமாக உள்ளது. ஆகவே 'வார் 2' படத்தில், சல்மான் கான் மற்றும் ஷாருக்கான் கேமியோக்கள் இருக்கலாம் என்ற தகவல்களும் சமூக வலைதளங்களில் பரவி வருகின்றன. இது உறுதியாகும் பட்சத்தில், இந்தப் படம் மூன்று பிரபல ஸ்பை ஹீரோக்களையும் ஒரே காட்சியில் கொண்டுவரும் அபூர்வ வாய்ப்பை தருவதாக இருக்கும்.

ஆகவே இப்படத்தின் பட்ஜெட், நடிப்பு, தொழில்நுட்பம், இசை மற்றும் ஒரு சர்வதேச தரமான ஸ்பை திரைக்கதையின் பின்னணியில் உருவாகும் 'வார் 2' திரைப்படம், ஹிருத்திக் ரோஷனின் வெற்றிப்பயணத்தில் இன்னொரு மைல்கல்லாக அமையும் என்று எதிர்பார்க்கப்படுகிறது. ரூ.400 கோடி செலவில் உருவான இப்படம், ரிலீஸுக்குமுன்பே சல்மான் கான் மற்றும் ஷாருக்கானின் சாதனைகளை முறியடித்து, யாஷ் ராஜ் பிலிம்ஸின் மிகச்சிறந்த ஸ்பை திரைப்படமாக உருவெடுக்கக் கூடிய வாய்ப்பு பெற்றிருக்கிறது. இப்படி இருக்க, ஆகஸ்ட் 14 அன்று திரையரங்குகளில் வெளியாகவுள்ள இந்தப் படம், இந்திய சினிமா வரலாற்றில் ஒரு புதிய அத்தியாயத்தை துவக்கும் எனக் கூறப்படுகின்றது.

இதையும் படிங்க: மேடையில் அவிழ்ந்த ஆடை.. திகைத்து போன ரசிகர்கள்.. சாமர்த்தியமாக செயல்பட்ட நடிகை..!