இந்திய சினிமாவில் தனது தனித்துவமான நடிப்பு மற்றும் ஸ்டைலிஷ் தோற்றத்தால் ரசிகர்களின் கவனத்தை ஈர்த்து வரும் நடிகைகளில் குறிப்பிடத்தக்கவர் சோபிதா துலிபாலா.

பாலிவுட், தெலுங்கு உள்ளிட்ட பல மொழி திரைப்படங்களில் தனது திறமையை நிரூபித்துள்ள அவர், சமீப காலங்களில் தென்னிந்திய ரசிகர்களிடமும் அதிக வரவேற்பைப் பெற்று வருகிறார்.

இதையும் படிங்க: மரத்தின் உச்சியில் ‘ட்ரீ கஃபே’..! இயற்கையுடன் இணைந்த கனவை நனவாக்கிய ஹரீஷ் உத்தமன்..!

தமிழ் திரையுலகில் பொன்னியின் செல்வன் படத்தின் மூலம் அறிமுகமான சோபிதா துலிபாலா, அந்த படத்தில் தனது நுட்பமான நடிப்பால் ரசிகர்களின் கவனத்தை ஈர்த்தார்.

குறைந்த அளவு திரைக்காலம் இருந்தபோதிலும், அவர் நடித்த கதாபாத்திரம் பேசுபொருளாக மாறியது.

இதனைத் தொடர்ந்து, தற்போது பா. ரஞ்சித் இயக்கத்தில் உருவாகி வரும் வேட்டுவம் திரைப்படத்தில் முக்கிய கதாபாத்திரத்தில் நடித்துவருகிறார்.

இந்த படம் சமூக மற்றும் வரலாற்று பின்னணியுடன் உருவாகி வருவதாக கூறப்படுவதால், ரசிகர்களிடையே எதிர்பார்ப்பு அதிகமாக உள்ளது.

திரைப்பட வாழ்க்கையுடன் சேர்த்து, சோபிதா துலிபாலா தனிப்பட்ட வாழ்க்கையும் கடந்த ஆண்டு அதிகம் பேசப்பட்டது. அவர் தெலுங்கு நடிகர் நாக சைதன்யாவை காதலித்து திருமணம் செய்துகொண்டார். 

இதையும் படிங்க: திருமண வதந்திகள் பொறுத்துகிட்டேன்.. ஆனா இது No..! கடுங்கோபத்தில் வார்த்தையை விட்ட நடிகை அனுஷ்கா..!