மெட்ராஸ் டாக்கீஸ், ராஜ்கமல் பிலிம்ஸ் இன்டர்நேஷனல் மற்றும் ரெட் ஜெயன்ட் மூவிஸ் நிறுவனம் இணைந்து தயாரிப்பில் இயக்குனர் மணிரத்னம் இயக்கத்தில் ஏ.ஆர்.ரகுமான் இசையில் வெளியாக தயாராக இருக்கும் தக்லைஃப் படத்தில் நடித்து இருக்கிறார் நடிகர் கமல்ஹாசன். இந்த படத்தில் முக்கிய கதாபாத்திரத்தில் நடிகர் சிம்பு நடித்துள்ளார். இப்படி இருக்க இத்திரைப்படம் இன்று வெளியாகி உள்ளது. 

பலரும் ஆவலுடன் எதிர்பார்த்துக் காத்திருந்த நடிகர் கமல் ஹாசனின் தக் லைஃப் திரைப்படம் வெளியானதை அடுத்து, பல ரசிகர்களும் படத்தை கொண்டாடி வருகின்றனர். மேலும் அதிகாலை வேளையிலேயே வெளிநாடுகளில் படங்கள் வெளியானதால் அங்கு படம் பார்த்த ரசிகர்களும் தங்களது மகிழ்ச்சிகளை தெரிவித்து வருகின்றனர். அந்த வகையில் படத்தை பார்த்த சிலர், " உண்மையிலேயே இது கமலஹாசன் திரைப்படமா? அல்லது சிம்புவின் திரைப்படமா? என ரசிகர்களை கொழும்பும் அளவிற்கு படம் படுமாஸாக உள்ளது என அனைவரும் தங்களது கருத்துக்களை தெரிவித்து வருகின்றனர்.

இதையும் படிங்க: விவாதத்தை கிளப்பிய எக்ஸ் தள பதிவு... கமலஹாசனுக்கு தொடரும் சிக்கல்!!

மேலும் சிலர், இந்த படம் பார்க்க நன்றாக இருக்கிறது. அது மட்டுமல்லாமல் கமல்ஹாசன் மற்றும் மணிரத்தினத்தின் காம்போவானது பழைய படங்களுக்கு நம்மை கொண்டு செல்கிறது. இத்திரைப்படத்தில் நடிகர் கமலஹாசனுக்கு ஈடு கொடுக்கும் வகையில் சிம்பு போட்டி போட்டு நடித்திருப்பது அப்பட்டமாக தெரிகிறது என தெரிவித்து இருக்கிறார். மேலும் திரைப்படத்தை குறித்து பார்க்கும் பொழுது, அப்பா மகனுக்கு இடையே நடக்கும் அதிகார மோதல்களை குறித்த படமாக இப்படம் பார்க்கப்படுகிறது. அது மட்டுமல்லாமல் எப்படி செக்கச்சிவந்த வானத்தில் பிரகாஷ்ராஜ் இறப்புக்குப் பின்பு மூன்று மகன்களும் அந்த சீட்டைப் பிடிக்க அடித்துக் கொள்கிறார்களோ அதே போலத்தான் இப்படத்திலும்  நடக்கிறது. 

ஒரு பக்கம் கமலஹாசனை பாராட்டுவதா? அல்லது சிம்பு வைப்பா பாராட்டுவதாக? என ரசிகர்கள் குலம்பும் அளவிற்கு இந்த படத்தின் ஸ்கிரீன் ப்ளே இருக்கிறது. இப்படி ஒரு சிம்புவை இதுவரை யாரும் பார்த்ததே இல்லை என்று சொல்லக்கூடிய அளவிற்கு சிம்பு இந்த படத்தில் நடிக்காமல் வாழ்ந்திருக்கிறார் என்றே கூறலாம். எப்படி பொன்னியின் செல்வனில் மணிரத்தினம் மக்களை புல்லரிக்க செய்தாரோ அதையே இத்திரைப்படத்திலும் செய்திருக்கிறார் என்றால் மிகை ஆகாது.

நடிகர் விஜய்க்கு பின்பாக சிவகார்த்திகேயனா, சசிக்குமாரா, கவினா என பல கேள்விகள் இருந்து வந்த நிலையில் மீண்டும் லிட்டில் சூப்பர் ஸ்டாரான சிம்பு விஜய் இடத்தை பிடிக்க கடுமையாக உழைத்து இருக்கிறார் என்று மக்கள் அவரைப் போற்றிப் பாடி வருகின்றனர். 

இப்படிப்பட்ட தான இந்த வேளையில் ரசிகர்களை குஷிப்படுத்தும் வகையில் தக்கலைப் படத்தின் மேக்கிங் வீடியோவை படக்குழுவினர் வெளியிட்டுள்ளனர் தற்பொழுது அந்த வீடியோ இணையத்தில் வைரல் ஆகி வருகின்றது.

இதையும் படிங்க: நீதிமன்றத்திற்கு போனாலும் விட மாட்டோம்... கமலுக்கு எதிராக போர் கொடி தூக்கிய கர்நாடக திரைப்பட வர்த்தக சபை!!