கென் கருணாஸின் முதல் இயக்குநர் முயற்சியான 'யூத்' திரைப்படத்தின் பிரீ-ரிலீஸ் நிகழ்ச்சி தமிழ் சினிமாவில் மிகுந்த உணர்ச்சி மிகுந்த தருணங்களில் ஒன்றாக அமைந்தது. கருணாஸின் மகனான கென் கருணாஸ் இயக்கி, தானே முன்னணி கதாபாத்திரத்தில் நடித்திருக்கும் இந்தப் படம், பள்ளி கால இளமை, காதல், நட்பு ஆகியவற்றை மையமாகக் கொண்ட ஒரு காமெடி-டிராமா ஆகும்.

ஜி.வி. பிரகாஷ் குமார் இசையமைத்திருக்கும் இந்தப் படம் மார்ச் 19 அன்று திரையரங்குகளில் வெளியாகவுள்ளது. இந்தப் படத்தின் பிரீ-ரிலீஸ் நிகழ்ச்சி சமீபத்தில் நடைபெற்றபோது, மேடையில் நடிகர் தனுஷ் கலந்து கொண்டிருந்தார். தனுஷ், கென் கருணாஸுக்கு மிக முக்கியமான ஆதரவாளர்களில் ஒருவர் என்பது அனைவரும் அறிந்ததே. 'அசுரன்' படத்தில் கென் கருணாஸ் தனுஷின் மகனாக நடித்திருந்தார்.

அதன் பிறகு 'வாத்தி', 'விடுதலை 2' போன்ற படங்களிலும் அவர் தனுஷுடன் இணைந்து பணியாற்றியிருக்கிறார். இதனால், கென்னின் முதல் இயக்குநர் படத்தின் நிகழ்ச்சியில் தனுஷ் கலந்து கொண்டது குடும்பத்தினருக்கு மிகப்பெரிய மகிழ்ச்சியை அளித்தது.நிகழ்ச்சியின் போது, கென்னின் தாயாரும் பாடகியுமான கிரேஸ் கருணாஸ் மேடைக்கு அழைக்கப்பட்டார். அவர் பேசத் தொடங்கியபோது, உணர்ச்சி பொங்கி வந்தது.

இதையும் படிங்க: ஒருபக்கம் படத்தில் பிஸி.. மறுபக்கம் ரசிகர்கள் குஷி..! குழந்தைகளை துள்ளிக்குதிக்க வைத்த நடிகர் தனுஷ்..!

தனுஷ் முன்பு நின்றபடி, தன் மகன் இத்தனை பெரிய மைல்கல்லை எட்டியதில் ஏற்பட்ட மகிழ்ச்சி, பெருமை, சற்று கவலையும் கலந்த உணர்வுகளால் கிரேஸ் கருணாஸ் கண்ணீர் விட்டு அழுதார். அவரது குரல் தழுதழுத்தது. "தனுஷ் சார் இங்கு வந்திருப்பது எங்களுக்கு மிகப்பெரிய ஆதரவு. கென் இவ்வளவு தூரம் வந்திருப்பது கனவு போல இருக்கிறது" என்று உணர்ச்சி மிகுந்து பேசினார். தன் மகனை நினைத்தால் மகிழ்ச்சியாக இருக்கிறது என்றும் அதே நேரம் படம் எப்படி இருக்கும் என்ற பயம் இருப்பதாகவும் தெரிவித்தார்.  அப்போது கிரேஸ் கருணாசுக்கு நடிகர் தனுஷ் நம்பிக்கை தெரிவித்தார். எதற்கும் பயப்பட வேண்டாம் என்றும் படம் நன்றாக வரும் எனவும் கூறிச் சென்றார். 

இதையும் படிங்க: சென்னை ஏர்போர்ட்டில் திரிஷா..!! விஜய் பற்றி எழுந்த கேள்வி..!! சட்டென வந்த ரியாக்ஷன்..!! வைரல் வீடியோ..!!