வங்கக்கடலின் தென்கிழக்குப் பகுதியில் புதிய காற்றழுத்தத் தாழ்வுப் பகுதி உருவாகும் வாய்ப்பு அதிகரித்துள்ளது. தாய்லாந்து வளைகுடா மற்றும் அதை ஒட்டிய மியான்மர் பகுதிகளில் நிலவும் வளிமண்டல மேலடுக்குச் சுழற்சி வடக்கு அந்தமான் கடலுக்குள் நகரும் நிலையில், அதன் தாக்கத்தால் அக்டோபர் 23ஆம் தேதி தென்கிழக்கு மற்றும் அதை ஒட்டிய கிழக்கு மத்திய வங்கக்கடல் பகுதியில் குறைந்த காற்றழுத்தத் தாழ்வுப் பகுதி உருவாகக்கூடும் என சென்னை வானிலை ஆய்வு மையம் கணித்துள்ளது.

இந்தத் தாழ்வுப் பகுதி உருவான பிறகு வடமேற்கு திசையில் நகர்ந்து மேலும் வலுப்பெற வாய்ப்புள்ளதாக தெரிவிக்கப்பட்டுள்ளது. சில வானிலை மாதிரிகள் இது காற்றழுத்தத் தாழ்வு மண்டலமாகவோ அல்லது புயலாகவோ வளரக்கூடிய சாத்தியக்கூறுகளை சுட்டிக்காட்டுகின்றன.

அதன் தீவிரம் மற்றும் திசை குறித்து அடுத்தடுத்த நாட்களில் தெளிவான தகவல்கள் வெளியாகும்.தற்போது தென்மேற்கு வங்கக்கடலில் தமிழ்நாடு கடற்கரையை ஒட்டி ஏற்கனவே ஒரு காற்றழுத்தத் தாழ்வுப் பகுதி செயல்பாட்டில் உள்ளது.

இதையும் படிங்க: மழை வெளுக்கப்போகுது..! 3 மாவட்டங்களுக்கு ஆரஞ்சு அலர்ட்..! வானிலை மையம் வார்னிங்..!!

இதனால் தமிழ்நாடு, புதுச்சேரி, காரைக்கால் உள்ளிட்ட பகுதிகளில் கனமழை தொடர்ந்து பெய்து வருகிறது. சென்னை உள்ளிட்ட வட கடலோர மாவட்டங்களிலும் டெல்டா பகுதிகளிலும் பலத்த மழை பதிவாகியுள்ளது. இதனால் சில இடங்களில் நீர் தேக்கம் மற்றும் போக்குவரத்து இடையூறுகள் ஏற்பட்டுள்ளன.புதிய தாழ்வுப் பகுதி உருவானால் வடகிழக்கு பருவமழை மேலும் தீவிரமடையும் வாய்ப்பு உள்ளது. 

இதையும் படிங்க: இனிமே தான் இருக்குது.! அக்டோபர் 23-ல் வங்கக்கடலில் காற்றழுத்தம்..! இந்திய வானிலை மையம் தகவல்.!!