சென்னையில் நிலவும் மேகக் கூட்டங்கள், மழைப்பொழிவு மற்றும் புயல் நகர்வுகளைத் துல்லியமாகக் கண்காணிக்கும் வானிலை ரேடார் தற்போது தொழில்நுட்பக் கோளாறு காரணமாகச் செயல்படவில்லை எனச் சென்னை வானிலை ஆய்வு மையம் அதிகாரப்பூர்வமாகத் தெரிவித்துள்ளது.

வடகிழக்குப் பருவமழை தீவிரமடைந்து வரும் இக்காலக்கட்டத்தில், சென்னை மற்றும் புறநகர்ப் பகுதிகளில் நிலவும் வளிமண்டல மாற்றங்களைக் கண்டறிவதில் இந்த ரேடார் மிக முக்கியப் பங்காற்றி வந்தது. இந்நிலையில், ஏற்பட்ட எதிர்பாராத தொழில்நுட்பக் கோளாறு காரணமாக ரேடார் தற்காலிகமாக அணைத்து வைக்கப்பட்டுள்ளதாகச் சென்னை வானிலை ஆய்வு மையத்தின் இணையதளப் பக்கத்தில் குறிப்பிடப்பட்டுள்ளது.

இதையும் படிங்க: வெள்ளத்தில் மிதக்கும் சென்னை.! சதுப்பு நில ஆக்கிரமிப்பா.? மழைநீர் வடிகால் முறைகேடா.? வேல்முருகன் சரமாரி கேள்வி..!!

வங்கக்கடலில் புதிய வானிலை மாற்றங்களும் கனமழை எச்சரிக்கைகளும் நிலவி வரும் சூழலில், வானிலையை உடனுக்குடன் துல்லியமாகக் கணிக்கும் ரேடார் சேவை முடங்கியிருப்பது பொதுமக்கள் மற்றும் சமூக ஆர்வலர்கள் மத்தியில் பெரும் அதிர்ச்சியை ஏற்படுத்தியுள்ளது. இந்தக் கோளாறை விரைந்து சரிசெய்து ரேடாரை மீண்டும் பயன்பாட்டிற்குக் கொண்டுவரப் பொறியாளர்கள் தீவிரமாக ஈடுபட்டு வருகின்றனர்.

இதையும் படிங்க: சென்னை நந்தனத்தில் புதிய தலைமை செயலகம்?! 80 ஏக்கர் கோல்ப் மைதானம் குறித்து நிபுணர்கள் குழு பரிந்துரை!