தமிழக சட்டமன்றத் தேர்தல் 2026 நெருங்கி வரும் நிலையில், ஆளும் திராவிட முன்னேற்றக் கழகம் (திமுக) கூட்டணி வலுப்படுத்தும் நடவடிக்கைகளை தீவிரப்படுத்தியுள்ளது. வருகிற மார்ச் 8-ஆம் தேதிக்குள் கூட்டணி கட்சிகளுடன் தொகுதி பங்கீடு பேச்சுவார்த்தைகளை முடிக்க திமுக தலைமை திட்டமிட்டுள்ளது என்று தகவல்கள் வெளியாகியுள்ளன.
முதலமைச்சர் மு.க.ஸ்டாலின் தலைமையில், கூட்டணி கட்சிகளுடன் பேச்சுவார்த்தை பிப்ரவரி 22-ஆம் தேதி முதல் தொடங்கும் என்று ஏற்கனவே அறிவிக்கப்பட்டது. இப்போது, அந்த பேச்சுவார்த்தையை 15 நாட்களுக்குள் (மார்ச் 8-க்குள்) முடிக்க முதலமைச்சர் அறிவுறுத்தியுள்ளார். இதன் மூலம், கூட்டணி உறுதியாகவும், தேர்தல் தயாரிப்புகள் வேகமாகவும் நடைபெறும் என எதிர்பார்க்கப்படுகிறது.
மார்ச் 8-ஆம் தேதி திருச்சியில் நடைபெற உள்ள பெரிய மாநாட்டில் கூட்டணி கட்சி தலைவர்களை மேடையேற்ற திமுக முடிவு செய்துள்ளது. இதில் முதலமைச்சர் மு.க.ஸ்டாலினுடன் காங்கிரஸ் தலைவர் ராகுல் காந்தி ஒரே மேடையில் உரையாற்றும் வகையில் ஏற்பாடுகள் செய்யப்பட்டு வருகின்றன. இது கூட்டணியின் வலிமையை உலகுக்கு காட்டும் முக்கிய நிகழ்வாக அமையும்.
இதையும் படிங்க: 5 தொகுதி தர்றோம்!! ஆனால் உதயசூரியன்ல தான் நிக்கணும்! கமலஹாசனுக்கு திமுக நெருக்கடி! சிக்கலில் மநீம!
கூட்டணியில் புதிதாக சில சிறிய கட்சிகளை இணைக்கவும் திமுக தீவிரமாக முயற்சி செய்து வருகிறது. இதன் காரணமாகவே தொகுதி பங்கீடு பேச்சுவார்த்தைகளை விரைவுபடுத்தியுள்ளது. காங்கிரஸ் உள்ளிட்ட கூட்டணி கட்சிகள் அதிக தொகுதிகள் கோரி வரும் நிலையில், திமுக வலுவான பேச்சுவார்த்தை நடத்தி அனைவரையும் திருப்திப்படுத்தும் என தகவல்கள் தெரிவிக்கின்றன.
2021 தேர்தலில் திமுக தலைமையிலான கூட்டணி பெருவெற்றி பெற்றது. இப்போது திராவிட மாடல் 2.0 என்ற முழக்கத்துடன் மீண்டும் ஆட்சியை தக்க வைக்க திமுக தயாராகி வருகிறது. கூட்டணி உறுதியுடன், புதிய கட்சிகளை இணைத்து, வலுவான போட்டியை எதிர்கொள்ள திட்டமிடப்பட்டுள்ளது.
திருச்சி மாநாடு கூட்டணியின் ஒற்றுமையை வெளிப்படுத்தும் மைல்கல்லாக அமையும். மக்கள் நலனுக்கான திட்டங்கள், வளர்ச்சி, சமூக நீதி ஆகியவற்றை முன்வைத்து பிரசாரம் செய்து திமுக கூட்டணி வெற்றி பெற உழைக்கும் என்ற நம்பிக்கை அதிகரித்துள்ளது. தேர்தல் களம் சூடுபிடிக்கும் நிலையில், இந்த விரைவான நடவடிக்கைகள் திமுகவின் தொலைநோக்கு திட்டத்தை காட்டுகின்றன!
இதையும் படிங்க: இதுக்கு மேல கேக்காதீங்க?! அவ்வளவு தான்! கூடுதல் தொகுதி கேட்கும் கூட்டணி கட்சிகள்! திமுக கறார்!