அதிமுக பொதுச்செயலாளரும், தமிழ்நாடு சட்டமன்ற எதிர்க்கட்சித் தலைவருமான எடப்பாடி பழனிசாமி, ‘மக்களை காப்போம், தமிழகத்தை மீட்போம்’ என்ற முழக்கத்துடன் தமிழகம் முழுவதும் சூறாவளி சுற்றுப்பயணம் மேற்கொண்டு வருகிறார். இப்பயணம், 2026 சட்டமன்றத் தேர்தலை மனதில் கொண்டு, மக்களிடையே அதிமுகவின் செல்வாக்கை வலுப்படுத்தவும், திமுக அரசின் குறைபாடுகளை விமர்சிக்கவும் நடத்தப்படுகிறது. 

இந்த ‘புரட்சித் தமிழரின் எழுச்சிப் பயணம்’ முதல் கட்டமாக கடந்த ஜூன் 7ம் தேதி அன்று மேட்டுப்பாளையத்தில் தொடங்கியது. இச்சுற்றுப்பயணத்தில், பழனிசாமி தமிழகத்தின் பல்வேறு மாவட்டங்களுக்குச் சென்று மக்களைச் சந்தித்து, அவர்களின் குறைகளைக் கேட்டறிந்து வருகிறார். 

இதையும் படிங்க: நாளை முதல் ஆட்டம் ஆரம்பம்! எடப்பாடியின் அடுத்த கட்ட நகர்வு…குஷியில் தொண்டர்கள்

தென்காசி, திருப்பத்தூர், ராணிப்பேட்டை உள்ளிட்ட மாவட்டங்களில் நடைபெற்ற பயணங்களில், ஆயிரக்கணக்கான தொண்டர்கள் மற்றும் பொதுமக்கள் பங்கேற்று உற்சாக வரவேற்பு அளித்தனர். இதில், திமுக அரசின் ஆட்சி முறைகேடுகள், கள்ளச்சாராய விவகாரம், மருத்துவ வசதிகள் பற்றாக்குறை ஆகியவற்றை பழனிசாமி கடுமையாக விமர்சித்தார். மேலும், தனது ஆட்சியில் தமிழகத்தில் 17 மருத்துவக் கல்லூரிகள் உருவாக்கப்பட்டதாகவும், மக்களுக்கு சிறந்த சிகிச்சை வழங்கப்பட்டதாகவும் குறிப்பிட்டார்.

இப்பயணத்தின் மூலம், அதிமுகவின் ஒற்றுமையை வெளிப்படுத்தவும், கட்சிக்கு புதிய உற்சாகத்தை ஏற்படுத்தவும் பழனிசாமி முயற்சிக்கிறார். மக்களவைத் தேர்தலில் பாஜகவுடனான கூட்டணி முறிவுக்குப் பின், இச்சுற்றுப்பயணம் அதிமுகவின் தனித்துவத்தை உறுதிப்படுத்துவதாக அமைந்துள்ளது. மேலும் இப்பயணம், 2026 தேர்தலில் அதிமுகவை ஆட்சிக்கு கொண்டு வருவதற்கு முக்கிய பங்காற்றும் என கட்சி நிர்வாகிகள் நம்பிக்கை தெரிவிக்கின்றனர்.

இந்நிலையில், எடப்பாடி பழனிசாமியின் 23ம் தேதி சுற்றுப்பயணம் ஒத்திவைக்கப்பட்டுள்ளது. புரட்சித் தமிழரின் எழுச்சிப் பயண மூன்றாம் கட்ட சுற்றுப் பயணத் திட்டத்தில், 23.8.2025 - சனிக்கிழமை அன்று சோழிங்கநல்லூர், திருப்போரூர் ஆகிய சட்டமன்றத் தொகுதிகளில் மேற்கொள்ள இருந்த சுற்றுப்பயணத் திட்டம் ஒத்திவைக்கப்படுவதாக அதிமுக தலைமை கழகம் அறிவித்துள்ளது. 

இந்தப் பயணத்தின் மூலம், மக்களை நேரடியாகச் சந்தித்து, திமுக அரசின் மீதான விமர்சனங்களையும், அதிமுகவின் மக்கள் நலத் திட்டங்களையும் எடப்பாடி விளக்கவிருந்தார். மேலும், 2026 சட்டமன்றத் தேர்தலுக்குத் தயாராகும் வகையில் கட்சியின் அடிமட்டத் தொண்டர்களை உற்சாகப்படுத்துவதும் இதன் நோக்கமாக இருந்தது. ஒத்திவைப்புக்கான காரணம் குறித்து அதிமுக தலைமை விரிவான தகவல் வெளியிடவில்லை.

இருப்பினும், கட்சியின் உட்புற அமைப்பு மற்றும் முக்கிய முடிவுகளை மறுபரிசீலனை செய்யும் நோக்கில் இந்த முடிவு எடுக்கப்பட்டிருக்கலாம் என அரசியல் வட்டாரங்கள் தெரிவிக்கின்றன. முன்னதாக, ஜூலை 26இல் திட்டமிடப்பட்டிருந்த சுற்றுப்பயணமும் ஜூலை 29ஆம் தேதிக்கு மாற்றப்பட்டிருந்தது குறிப்பிடத்தக்கது.

இதையும் படிங்க: மக்களை பாதுகாக்கும் காவல்துறைக்கே பாதுகாப்பு இல்ல.. திமுக அரசை கிழித்து தொங்கவிட்ட இபிஎஸ்..!!