இந்திய தேர்தல் ஆணையம் சமீபத்தில் அறிமுகப்படுத்தியுள்ள புதிய வசதியான ஆன்லைன் மூலம் வேட்புமனு தாக்கல் செய்யும் முறை, தேர்தல் செயல்முறையை மேலும் நவீனமயமாக்கி, வேட்பாளர்களுக்கு பெரும் வசதியை ஏற்படுத்தும் முக்கிய மாற்றமாக அமைந்துள்ளது.

இதுவரை வேட்பாளர்கள் தங்கள் வேட்புமனுக்களை நேரடியாக திரும்புதல் அதிகாரி அலுவலகத்தில் சென்று தாக்கல் செய்ய வேண்டியிருந்த நிலையில், இப்போது டிஜிட்டல் தொழில்நுட்பத்தின் மூலம் வீட்டிலிருந்தபடியே அல்லது எங்கிருந்தாலும் இந்த செயல்முறையை முடிக்க முடியும் என்பது குறிப்பிடத்தக்கது. தேர்தல் ஆணையம் உருவாக்கிய இந்த சிறப்பு செயலி, வேட்பாளர்களுக்கு வேட்புமனு தாக்கல், தேவையான ஆவணங்களை பதிவேற்றம் செய்தல், உறுதிமொழி சமர்ப்பித்தல் போன்றவற்றை எளிதாக்குகிறது.

மேலும், பொதுக்கூட்டங்கள், ஊர்வலங்கள், தற்காலிக கட்சி அலுவலகங்கள் அமைப்பதற்கான அனுமதிகளையும் இதே செயலி மூலம் ஆன்லைனில் பெறலாம். இதனால் நேரில் செல்ல வேண்டிய சிரமங்கள், பயணச் செலவுகள், நேர விரயம் ஆகியவை கணிசமாக குறையும். இந்த அறிமுகம் குறிப்பாக எதிர்வரும் தமிழ்நாடு சட்டமன்றத் தேர்தல் உள்ளிட்ட பல மாநில தேர்தல்களை முன்னிட்டு செய்யப்பட்டுள்ளது.

இதையும் படிங்க: மேற்கு வங்க தலைமை செயலாளர், உள்துறை செயலாளர் மாற்றம்..!! அதிரடி காட்டிய தேர்தல் ஆணையம்..!!

தமிழகத்தில் முதல் முறையாக இந்த முழுமையான ஆன்லைன் வேட்புமனு தாக்கல் வசதி விரிவாக அமல்படுத்தப்பட உள்ளதாக தகவல்கள் தெரிவிக்கின்றன. மேலும், இந்த முறை தேர்தல் செயல்முறையில் வெளிப்படைத்தன்மையை அதிகரிக்கும் என்று எதிர்பார்க்கப்படுகிறது. ஆன்லைன் மூலம் சமர்ப்பிக்கப்படும் வேட்புமனுக்கள் உடனடியாக சரிபார்க்கப்பட்டு, நிலை கண்காணிக்கப்படும் வசதியும் உள்ளது. தேர்தல் ஆணையத்தின் ENCORE அமைப்புடன் இணைக்கப்பட்டுள்ள இந்த தொழில்நுட்பம், வேட்பாளர்கள் மற்றும் பொதுமக்கள் இருவருக்கும் தகவல்களை எளிதில் அணுக உதவுகிறது.

இதையும் படிங்க: காபந்து அரசு..! இனிமே NO..! அதிரடியாக அமலான விதிகள்..!!