ஈரோடு மாவட்டம் சத்தியமங்கலத்தில் மூன்று மடங்காக உயர்த்தி கணக்கீடு செய்த மின் கட்டணத்தால் பொதுமக்கள் அதிர்ச்சி ... மின்வாரிய அலுவலகத்தை முற்றுகையிட்டு வாக்குவாதம்

ஈரோடு மாவட்டம்  சத்தியமங்கலம் நகராட்சிக்கு உட்பட்ட வடக்குப்பேட்டை, பிரிட்டோ காலனி, பாரதி நகர், தண்டுமாரியம்மன் கோவில் உள்ளிட்ட பகுதியில் இந்த மாதத்திற்கான மின்பயன்பாட்டு கணக்கெடுப்பு நடத்தப்பட்டது. 

அதில் 247 பேருக்கு குறைந்த பட்சமாக ரூ.2000 முதல் 6100 வரை கட்டண உயர்வு அதிகரிக்கப்பட்டுள்ளது. கடந்த முறை 841 ரூபாய் செலுத்திய மின்கட்டணம் இந்த மாதம் 8100 ரூபாய் மின் கட்டணம் வந்திருப்பதை பார்த்து அதிர்ச்சி அடைந்தனர். 

இதையும் படிங்க: கரண்ட் பில் தாறுமாறா வந்திருக்கா?... உங்களுக்கு ஒரு குட்நியூஸ்... மின்வாரிய தலைவர் அதிரடி உத்தரவு...!

தனிமையில் வசிக்கும் மூதாட்டியின் வீட்டுக்கு 2000 மின்கட்டணம் வந்ததை கண்டு மின்வாரிய அலுவலகத்தில் முறையிட்டார்.  ஏசி மற்றும் பிரிட்ஜ் வசதியில்லாத வீடுகளில் கூட 6 ஆயிரம் ரூபாய் வரை மின்கட்டணம் உயர்ந்திருப்பதால் வடக்குப்பேட்டையை சேர்ந்த 10 பெண்கள் உட்பட்ட 50க்கும் மேற்பட்டோர் வடக்குப்பேட்டை மின்வாரிய அலுவலகத்தை முற்றுகையிட்டனர். 

அந்த வந்த மின்வாரிய உதவி செயற்பொறியாளர் பொதுமக்களை சமாதானப்படுத்தினார். தற்போது தனிப்படை அமைக்கப்பட்டு வீடு வீடாக மீண்டும் கணக்கெடுப்பு பணி நடந்து வருகிறது. அதில் குறைபாடு இருப்பின், குறைபாடு களைந்து, மின்பயன்பாட்டிற்கான கட்டணம் மட்டுமே வசூலிக்கப்படும் என உறுதியளித்தையடுத்து அவர்கள் கலைந்து சென்றனர்.

200 யூனிட் வரை இலவச மின்சாரம் வழங்கப்படும் என தமிழக அரசு அறிவித்த நிலையில், அதற்கு மாறாக மூன்று மடங்கு மின்கட்டணம் உயர்த்திருப்பது, எங்களை வேதனைக்கு உள்ளாக்கி உள்ளது. 

200 யூனிட் இலவசம் மின்சாரமே எங்களுக்கு தேவையில்லை எனவும், பயன்படுத்திய மின் பயன்பாட்டிற்கு உண்டான கட்டணத்தை நாங்கள் செலுத்தி விடுகிறோம் என்றும், தயவு செய்து இலவசம் என்ற பெயரில் எங்களை ஏமாற்ற வேண்டாம் என பொதுமக்கள் குமுறுகின்றனர்.
 

இதையும் படிங்க: கரண்ட் பில் தாறுமாறா வந்திருக்கா?... உங்களுக்கு ஒரு குட்நியூஸ்... மின்வாரிய தலைவர் அதிரடி உத்தரவு...!