நெடுஞ்சாலைத் துறை முறைகேடு வழக்கில் முன்னாள் அமைச்சர் எ.வ. வேலுவுக்கு எதிரான நடவடிக்கைகள் குறித்து சென்னை உயர்நீதிமன்றம் முக்கிய உத்தரவு ஒன்றை பிறப்பித்துள்ளது. இந்த வழக்கில் அவருக்கு எதிராக கடும் நடவடிக்கை எடுக்கக்கூடாது என்றும், ஏற்கனவே பிறப்பிக்கப்பட்ட இடைக்கால உத்தரவை ஆகஸ்ட் 21ஆம் தேதி வரை நீட்டித்து உத்தரவிட்டுள்ளது. இது தொடர்பான முழு விவரங்களும் பின்னணியும் அரசியல் வட்டாரங்களிலும் சட்ட வட்டாரங்களிலும் பெரும் பரபரப்பை ஏற்படுத்தியுள்ளன.

இந்த வழக்கு 2022ஆம் ஆண்டு நெடுஞ்சாலைத் துறையில் நடைபெற்றதாகக் கூறப்படும் ஒப்பந்த முறைகேடுகள் தொடர்பானது. அப்போது நெடுஞ்சாலை மற்றும் சிறு துறைமுகங்கள் துறை அமைச்சராக இருந்த எ.வ. வேலு உள்ளிட்டோர் மீது குற்றச்சாட்டுகள் எழுப்பப்பட்டன. சாலைப் பணிகள் முழுமையாக மேற்கொள்ளப்படாத நிலையில் ஒப்பந்ததாரர்களுக்கு பெருமளவு தொகை முன்கூட்டியே வழங்கப்பட்டதாகவும், இதனால் அரசுக்கு கோடிக்கணக்கான இழப்பு ஏற்பட்டதாகவும் குற்றச்சாட்டுகள் முன்வைக்கப்பட்டன.

குறிப்பாக கரூர் மாவட்டத்தில் சில சாலை மேம்பாட்டுப் பணிகளுக்காக ஒதுக்கப்பட்ட தொகையில் பெரும்பகுதி பணிகள் தொடங்கப்படும் முன்பே செலுத்தப்பட்டதாகக் கூறப்பட்டது. இந்தப் புகார் அடிப்படையில் லஞ்ச ஒழிப்பு மற்றும் ஊழல் தடுப்புத் துறை வழக்கு பதிவு செய்தது. பின்னர் புதிய அரசு பொறுப்பேற்ற பிறகு இந்த வழக்கு மீண்டும் தீவிரமடைந்தது. பல்வேறு இடங்களில் சோதனைகள் நடத்தப்பட்டன. அப்போது எ.வ. வேலு உடல்நலக் குறைவு காரணமாக சிங்கப்பூர் சென்று மருத்துவ சிகிச்சை பெற்று வந்தார்.

இதையும் படிங்க: "ரீல்ஸ் முதல்வரே.. கர்நாடகாவுக்கு துணை போகும் டப்பிங் முதல்வரே"..! வெட்கமா இல்லையா.? அப்பாவு காட்டம்.!!

இதையடுத்து அவருக்கு எதிராக லுக் அவுட் நோட்டீஸ் பிறப்பிக்கப்பட்டது.இந்த நோட்டீஸை எதிர்த்தும், வழக்கை ரத்து செய்யக் கோரியும் எ.வ. வேலு சென்னை உயர்நீதிமன்றத்தில் மனுக்கள் தாக்கல் செய்தார். நீதிபதி ஜி.கே. இளந்திரையன் முன்பு இந்த மனுக்கள் விசாரணைக்கு வந்தன. ஆரம்பத்தில் நீதிமன்றம் லுக் அவுட் நோட்டீஸுக்கு இடைக்காலத் தடை விதித்தது. அதே நேரத்தில் வேலுவை விசாரணைக்கு ஆஜராக உத்தரவிட்டது. அவர் இந்தியா திரும்பிய பிறகு விசாரணைக்கு ஆஜரானார் மற்றும் ஒத்துழைப்பு அளித்ததாக நீதிமன்றத்தில் தெரிவிக்கப்பட்டது. இதையடுத்து லுக் அவுட் நோட்டீஸ் ரத்து செய்யப்பட்டது. ஆனால் வெளிநாடு செல்ல வேண்டும் என்றால் கீழமை நீதிமன்றத்தின் முன் அனுமதி பெற வேண்டும் என்ற நிபந்தனை விதிக்கப்பட்டது. அதேபோல் அவருக்கு எதிராக கடும் நடவடிக்கை எடுக்கக்கூடாது என்ற இடைக்கால உத்தரவு தொடர்ந்து நீட்டிக்கப்பட்டது.

இதையும் படிங்க: கஞ்சா அடித்து விட்டு விசிலுக்கு ஓட்டு போட்டாங்க..! நல்ல சாவே வராது.! சாபம் விட்ட ஆர்.எஸ். பாரதி..!