இந்தியாவின் பொருளாதார வளர்ச்சி, ராணுவ திறன் – குறிப்பாக ஓப்ரேஷன் சிந்தூர் வெற்றி – காரணமாக ஆசியாவின் சக்திவாய்ந்த நாடுகளின் பட்டியலில் (Asia Power Index 2025) இந்தியா 3-வது இடத்தைப் பிடித்துள்ளது. ஆஸ்திரேலியாவின் Lowy Institute நிறுவனம் வெளியிட்ட இந்த அறிக்கை, இந்தியாவை 'மெஜர் பவர்' (Major Power) என்று அங்கீகரித்துள்ளது. 

கடந்த ஆண்டு 38.5 புள்ளிகளுடன் 'மிடில் பவர்' (Middle Power) இருந்த இந்தியா, இப்போது 40 புள்ளிகளுடன் அமெரிக்காவுக்கு (80.4) அடுத்து சீனாவை (73.5) தாண்டி 3-வது இடம் பெற்றுள்ளது. ஜப்பான் 4-வது, ரஷ்யா 5-வது, ஆஸ்திரேலியா 6-வது இடத்தில் உள்ளன.

Lowy Institute அறிக்கையின்படி, இந்தியாவின் பொருளாதாரம் தொடர்ந்து வலுவடைந்து வருகிறது. ராணுவ திறன், புவிசார் அரசியல் செல்வாக்கு (இன்டர்னேஷனல் லெவரேஜ், கனெக்டிவிட்டி, டெக்னாலஜி) ஆகியவற்றில் கணிசமான முன்னேற்றம்.

இதையும் படிங்க: பாகிஸ்தானை பொளந்துகட்டிய பிரமோஸ்!! இந்தோனேசியாவுடன் ராஜ்நாத் சிங் டீலீங்! கூடுது மவுசு!

 "இந்தியாவின் ராணுவ திறன் மேம்பட்டுள்ளது. ஓப்ரேஷன் சிந்தூர் (மே 2025) போன்ற சமீபத்திய போர்க்கள அனுபவங்கள் இதில் பங்கு வகித்துள்ளன" என்று அறிக்கை கூறுகிறது. இந்தியா பொருளாதார திறன், எதிர்கால வளங்கள் என்ற இரு அளவீடுகளிலும் 3-வது இடத்தைப் பெற்றுள்ளது. ஜப்பானை (38.8) தாண்டி பொருளாதார திறனில் 3-வது இடம்.

ஆப்ரேஷன் சிந்தூர்: ஏப்ரல் 2025-ல் காஷ்மீரின் பஹல்காமில் பயங்கரவாதிகள் நடத்திய தாக்குதலில் சுற்றுலா பயணிகள் மதத்தை கேட்டு கொல்லப்பட்டனர். இதற்கு பதிலடி கொடுக்கும் வகையில், மே மாதம் இந்திய ராணுவம் 'ஆப்ரேஷன் சிந்தூர்' என்ற பெயரில் பாகிஸ்தானைத் தாக்கியது. 

அந்நாட்டின் பயங்கரவாத தளங்கள் அழிக்கப்பட்டன. விமானப்படை தளங்கள் சேதம் அடைந்ததால் தாக்குதலை நிறுத்தும்படி பாகிஸ்தான் கெஞ்சியது. இதை இந்தியா ஏற்றுக் கொண்டு நடவடிக்கையை முடித்தது. இந்த வெற்றி, இந்தியாவின் ராணுவ திறனை உலக அளவில் உயர்த்தியது.

Lowy Institute, ஆஸ்திரேலியாவின் சுதந்திர தின்க் டேங்க், ஆசியாவில் 27 நாடுகள்/பிரதேசங்களின் சக்தியை 131 அளவீடுகளில் (ராணுவம், பொருளாதாரம், டிப்ளமசி, கலாச்சாரம், ரெசிலியன்ஸ், எதிர்கால வளங்கள்) மதிப்பீடு செய்கிறது. இந்தியாவின் பொருளாதாரம் வலுவடைந்து, ராணுவம் மேம்பட்டது, புவிசார் செல்வாக்கு அதிகரித்தது என்பதால் 'மெஜர் பவர்' அந்தஸ்து கிடைத்தது. சீனா, அமெரிக்காவுடன் பெரும் இடைவெளி இருந்தாலும், இந்தியா ஜப்பான், ரஷ்யாவை தாண்டியது.

பிரதமர் நரேந்திர மோடி, X-இல் (முன்னர் ட்விட்டர்) பதிவிட்டு, "இந்தியாவின் உயர்வு, நம் 140 கோடி மக்களின் கடின உழைப்பின் விளைவு. ஓப்ரேஷன் சிந்தூர் போன்ற வெற்றிகள் நம் ராணுவத்தின் திறனை உலகிற்கு நிரூபித்தன" என்று பெருமையுடன் கூறினார். இந்த அங்கீகாரம், இந்தியாவின் உலக அரங்கில் உயர்வை உறுதிப்படுத்துகிறது.

இதையும் படிங்க: இந்தியாவின் சுதர்சன சக்கரம்!! S 400! ரஷ்யாவுடன் ரூ.10,000 கோடிக்கு டீல்!! மத்திய அரசு பக்கா ப்ளானிங்!