ஜெம் கிரானைட்ஸ் நிறுவனத்தின் நிறுவனர் மற்றும் ஜெம் குழுமத்தின் தலைவரான வீரமணி, சிறுமிகளை பாலியல் ரீதியாக துன்புறுத்தியதாகக் கூறப்படும் குற்றச்சாட்டின் அடிப்படையில் கைது செய்யப்பட்டார். இவர் இந்திய கிரானைட் தொழில்துறையில் நீண்ட காலமாக செல்வாக்கு மிக்க தொழிலதிபராக அறியப்பட்டவர். அவரது வயது எண்பத்து நான்கு. இந்த வழக்கு 2025 ஆம் ஆண்டு அக்டோபர் மாதம் தொடங்கியது. சென்னையில் உள்ள ஒரு குழந்தை உரிமை ஆர்வலர், ஒரு பென் டிரைவை காவல்துறையிடம் ஒப்படைத்தார். அதில் ஒரு வயதான நபர் சிறுமியை பாலியல் வன்கொடுமைக்கு உட்படுத்தும் காட்சிகள் இருந்தன. இந்த ஆதாரத்தின் அடிப்படையில் போக்சோ சட்டத்தின் கீழ் வழக்குப் பதிவு செய்யப்பட்டது.

ஆரம்ப விசாரணையில் சிறுமியை அடையாளம் காண முடியவில்லை என்றும், வீடியோ 2019 ஆம் ஆண்டைச் சேர்ந்தது என்றும் காவல்துறை தரப்பு தெரிவித்து, வழக்கை முடித்து வைக்கும் அறிக்கையை சிறப்பு போக்சோ நீதிமன்றத்தில் தாக்கல் செய்தது. ஆனால் 2026 ஆகஸ்ட் 19 ஆம் தேதி சிறப்பு நீதிமன்றம் அந்த அறிக்கையை நிராகரித்து, மேலும் விசாரணை நடத்த உத்தரவிட்டது. இதைத் தொடர்ந்து காவல்துறை விசாரணையை தீவிரப்படுத்தியது. வீடியோவில் தோன்றிய நபர் ஜெம் வீரமணி தான் என்பது உறுதி செய்யப்பட்டது. 2026 ஆகஸ்ட் 29 ஆம் தேதி சென்னை மத்திய குற்றப் பிரிவின் விபச்சார தடுப்புப் பிரிவு காவல்துறையினர் வீரமணி, சாந்தி மற்றும் மகேந்திர சிம்ஹன் ஆகிய மூவரையும் கைது செய்தனர்.

ஜெம் வீரமணி விவகாரம் பெரும் சர்ச்சையை ஏற்படுத்தி வந்த நிலையில் போக்சோ வழக்கில் கைதான ஜெம் கிரானைட்ஸ் உரிமையாளர் வீரமணி மீது குண்டர் சட்டம் பாய்ந்தது. மேலும் சாந்தி, மகேந்திர சிம்ஹன் ஆகியோர் மீதும் குண்டத் தடுப்புச் சட்டம் பாய்ந்தது. இதற்கிடையில், சிறுமிகளை வன்கொடுமை செய்த புகாரில் கைதான வீரமணி உள்ளிட்டோர் மீது தொடர்ந்து புகார்கள் வந்த வண்ணம் இருப்பதாக காவல்துறை தரப்பில் தெரிவிக்கப்பட்டுள்ளது.

இதையும் படிங்க: ஜெம் வீரமணி பிரச்சனை..! திமுக மீது பழி போடுவதா.? CM விஜய், அமைச்சர்களை விசாரிக்க திமுக மனு..!!

வீரமணி மீது சிறுமிகள் மற்றும் சிறுமிகளின் உறவினர்கள் கொடுத்த புகாரில் நான்கு வழக்குகள் பல்வேறு சட்டப்பிரிவுகளின் கீழ் பதிவு செய்யப்பட்டிருப்பதாக தெரிவிக்கப்பட்டுள்ளது. வீரமணி வழக்கில் சிறப்பு புலனாய்வு குழு அறிவித்த whatsapp எண்ணில் இதுவரை ஐந்து தகவல்கள் அளிக்கப்பட்டு இருப்பதாகவும் கூறப்பட்டிருக்கிறது. ஜெம் கிரானைட்ஸ் உரிமையாளர் வீரமணி பயன்படுத்திய சந்தேகத்திற்கு உரிய பணப்பரிவர்த்தனைகள் குறித்தும், விசாரணை நடைபெற்று வருவதாக காவல்துறை தெரிவித்துள்ளது.

இதையும் படிங்க: கொடூர பாலியல் வழக்கு... ஜெம் வீரமணி விவகாரத்தை விசாரிக்கும் SIT குழு விரிவாக்கம்..!!