அமைச்சர் மா. சுப்பிரமணியன் தமிழக அரசியலில் நீண்டகால அனுபவம் கொண்ட மூத்த தலைவர்களில் ஒருவர். அவரது அரசியல் பயணம் 1970களில் தொடங்கியது. திராவிட முன்னேற்றக் கழகத்தில் இணைந்த அவர், கட்சியின் இளைஞர் அணியில் துணைப் பொதுச் செயலாளராகப் பொறுப்பு வகித்து வருகிறார். முதலமைச்சர் மு.க. ஸ்டாலினுக்கு நெருக்கமானவராக அறியப்படும் இவர், சென்னை உயர்நீதிமன்றத்தில் 1999 முதல் வழக்கறிஞராகப் பணியாற்றி வரும் பின்னணியுடன், உள்ளூர் அரசியலில் இருந்து மாநில அளவில் உயர்ந்துள்ளார். 

அவரது தேர்தல் அனுபவம் மிகவும் விரிவானது. 2006-2011 காலகட்டத்தில் சென்னை மாநகர மேயராகப் பதவி வகித்தார். இதைத் தொடர்ந்து 2016 தமிழ்நாடு சட்டமன்றத் தேர்தலில் மா. சுப்பிரமணியன் சைதாப்பேட்டை தொகுதியில் திமுக வேட்பாளராகக் களமிறங்கினார். 2021 சட்டமன்றத் தேர்தலில் மா. சுப்பிரமணியன் மீண்டும் சைதாப்பேட்டை தொகுதியில் திமுக சார்பில் போட்டியிட்டார். 2026 சட்டமன்றத் தேர்தலிலும் அதே தொகுதியில் களம் காண்கிறார்.

234 தொகுதிகளிலும் திமுக கூட்டணிதான் வெல்லும் என்று அமைச்சரும் சைதாப்பேட்டை சட்டமன்ற தொகுதி வேட்பாளருமான மா. சுப்பிரமணியன் தெரிவித்தார். சைதாப்பேட்டை சட்டமன்ற தொகுதியில் மா. சுப்பிரமணியன் திமுக மற்றும் கூட்டணி கட்சியினருடன் சேர்ந்து தீவிரமாக வாக்கு சேகரிப்பில் ஈடுபட்டு வருகிறார். மக்களை நேரடியாக சந்தித்து உதயசூரியன் சின்னத்தில் வாக்களிக்க வேண்டும் என்று வலியுறுத்தியும் வருகிறார்.

இதையும் படிங்க: சென்னையின் 22 தொகுதிகளிலும் திமுக தான்... அமைச்சர் மா. சு. உறுதி..!!

இந்த நிலையில் செய்தியாளர்களை சந்தித்த அவர், 200 தொகுதிகளுக்கு மேல் வெற்றி பெறுவோம் என்று முதல்வர் கூறி இருப்பதாகவும் ஆனால் 234 தொகுதிகளிலும் திமுகவின் வெற்றி வாய்ப்பு இருப்பதாகவும் தெரிவித்தார். நேரடியாக சென்ற மக்களை சந்தித்து அவர்களது மனநிலையை புரிந்து கொள்வதாகவும் கூறி உள்ளார்.

இதையும் படிங்க: திமுகவின் முதல் வெற்றி சைதாப்பேட்டையில் தான்... அமைச்சர் மா. சு. உறுதி..!!