தமிழக அரசியலில் இடைத்தேர்தல் முடிவுகள் வெளியானதும் கருத்துப் பரிமாற்றங்கள் தீவிரமடைந்தன. மதுராந்தகம் மற்றும் தாராபுரம் தொகுதிகளில் தமிழக வெற்றிக் கழகம் வெற்றி பெற்ற நிலையில், திமுக தலைவர் மு.க.ஸ்டாலின் இதனை விளக்கும் விதமாக ஒரு கருத்தை முன்வைத்தார். தனது கட்சிக்கு இது தோல்வியில் வெற்றி என்றும், ஆளும் தமிழக வெற்றிக் கழகத்திற்கு வெற்றியில் தோல்வி என்றும் அவர் குறிப்பிட்டார்.

அதிகாரம், பணபலம், அரசு இயந்திரம் ஆகியவற்றைப் பயன்படுத்தியே இந்த வெற்றி கிடைத்ததாகவும், துரோகத்திற்கு கிடைத்த இடைக்கால வெற்றி என்றும் அவர் விவரித்தார். சினிமா கவர்ச்சியை மட்டும் நம்பி அரசியலில் நுழைந்தவர்களின் பொய் பிம்ப அரசியல் வீழத் தொடங்கிவிட்டதாகவும் அவர் கூறினார்.இந்தக் கருத்துக்கு காங்கிரஸ் தலைவர் மாணிக்கம் தாகூர் உடனடியாக பதிலளித்தார். ஸ்டாலினின் வார்த்தைகளை ஒப்பிட்டு அவர் கிண்டலாக பேசினார். “தோற்றாலும் இப்படியே வெற்றி என்று நினைத்துக்கொண்டே இருங்கள்; விளங்கிடும்” என்று அவர் கூறியுள்ளார் .

தோல்வியை வெற்றியாக மாற்றிக் கொள்ளும் மனநிலையை இவ்வாறு கிண்டல் செய்தார். இடைத்தேர்தலில் தோல்வியடைந்த பின்னரும் அதை வெற்றியாகக் காட்டிக் கொள்ள முயல்வதை அவர் நேரடியாகச் சுட்டிக்காட்டினார்.மாணிக்கம் தாகூர் தனது பதிலில் மேலும் சில கருத்துகளை முன்வைத்தார். இடைத்தேர்தல் முடிவுகள் மக்களின் தெளிவான தீர்ப்பு என்று அவர் விளக்கினார். அவதூறுப் பிரச்சாரங்களை மக்கள் புறக்கணித்துவிட்டனர் என்றும், முதலமைச்சர் விஜய் தலைமையிலான அரசுக்கு மக்க ள் பெரிய அங்கீகாரம் அளித்துள்ளனர் என்றும் அவர் குறிப்பிட்டார். பணம் கொடுக்காத தேர்தலாக இதை மாற்றி வெற்றி பெற்றதைப் பாராட்டினார்.

இதையும் படிங்க: ஞானேஷ் குமாருக்கு வலுக்கும் எதிர்ப்பு... அக்.15ல் INDIA கூட்டணி ஆர்ப்பாட்டம்..! மாணிக்கம் தாகூர் பேட்டி..!!

தமிழகத்தில் நீண்ட காலத்திற்குப் பிறகு நடைபெற்ற இப்படிப்பட்ட தேர்தலில் மக்கள் ஆளும் கட்சிக்கு ஆதரவு தெரிவித்ததை அவர் முக்கியத்துவம் அளித்துப் பேசினார்.ஸ்டாலினின் கருத்தை ஒப்பிடும்போது மாணிக்கம் தாகூரின் பதில் நேரடியான கிண்டலாக அமைந்தது. தோல்வியை வெற்றியாகக் காட்டும் அணுகுமுறையை அவர் ஏற்கவில்லை. அரசியலில் தோல்வியை ஏற்றுக் கொள்ளாமல் அதை வேறு வழியில் விளக்க முயல்வது தொடர்ந்து நடைபெறும் போக்கை அவர் சுட்டிக்காட்டினார். அதே நேரத்தில் ஆளும் கட்சியின் வெற்றியை மக்கள் ஆதரவின் அடிப்படையில் வலியுறுத்தினார்.

இதையும் படிங்க: காங்கிரஸ் மூத்த தலைவர் சுதர்சன நாச்சியப்பன் மறைவு! 3 நாட்கள் துக்கம் அனுசரிக்கப்படும் என மாணிக்கம் தாகூர் அறிவிப்பு!