தமிழக சட்டப்பேரவையில் அமைச்சர் நிர்மல் குமார் ஆற்றிய உரை அரசியல் வட்டாரங்களில் பெரும் விவாதத்தை ஏற்படுத்தியுள்ளது. சாதாரண பின்னணியில் இருந்து வந்தவர்களை சட்டமன்ற உறுப்பினர்களாகவும் அமைச்சர்களாகவும் மாற்றியவர் முதலமைச்சர் விஜய் என்றும், தங்களுக்கு கிடைத்த ஒவ்வொரு வாக்கும் அவரது முகத்துக்காகவே என்றும் அவர் தெளிவாகக் குறிப்பிட்டார்.

தவெகவின் ஒரே பலம் விஜய் ஒருவர் மட்டுமே என்ற அவரது வார்த்தைகள் கட்சியின் அடிப்படை தன்மையை வெளிப்படுத்துகின்றன.அமைச்சர் நிர்மல் குமார் பேசும்போது, கடந்த சட்டமன்றத் தேர்தலில் தவெக சார்பில் போட்டியிட்ட அனைத்து வேட்பாளர்களின் செலவும் மிகக் குறைவாக இருந்ததாகக் குறிப்பிட்டார். பெரும்பாலானோர் இரண்டு அல்லது மூன்று கோடி ரூபாய் அளவுக்குள் செலவு செய்திருப்பதாகவும், சிலர் மூன்று லட்சம் ரூபாய் மட்டுமே செலவிட்டிருப்பதாகவும் அவர் கூறினார்.

இத்தகைய குறைந்த செலவில் வெற்றி பெற்றதால் தங்களுக்கு இழப்பதற்கு எதுவும் இல்லை என்றும், அதனால்தான் தைரியமாகச் செயல்படுகிறோம் என்றும் அவர் வலியுறுத்தினார்.இந்தக் கருத்து தமிழக அரசியலின் பாரம்பரியப் போக்கிற்கு மாறானதாகக் காணப்படுகிறது. பல ஆண்டுகளாக தேர்தல்களில் பெரும் தொகை செலவழித்து வெற்றி பெறும் போக்கு நிலவி வந்த நிலையில், தவெக வேட்பாளர்கள் மிகக் குறைந்த செலவில் வெற்றி பெற்றனர்.

இதையும் படிங்க: தமிழ்நாடு அரசே... தமிழர்களை காப்பாற்று..!! வெளிநாட்டில் சிக்கியவர்களை மிக்க வேல்முருகன் வலியுறுத்தல்..!!

இது முதலமைச்சர் விஜயின் மக்கள் ஆதரவு மற்றும் தனிப்பட்ட ஈர்ப்பின் விளைவு என்பதை அமைச்சர் சுட்டிக்காட்டினார். சாதாரண குடும்பங்களில் இருந்து வந்த பலர், பணபலம் இல்லாமலேயே சட்டமன்றத்திற்குள் நுழைந்து அமைச்சர் பதவி வரை வந்திருப்பது விஜயின் தலைமையின் சிறப்பு என்றும் அவர் குறிப்பிட்டார்.தேர்தல் பிரசாரத்தின் போது கட்சி வேட்பாளர்கள் தங்களது சொந்த நிதியை அதிகம் செலவழிக்காமல், மக்களிடையே விஜயின் செய்தியை எடுத்துச் சென்றனர். ஒவ்வொரு தொகுதியிலும் கிடைத்த வாக்குகள் தனிப்பட்ட வேட்பாளரின் பெயருக்காக அல்ல, விஜயின் முகத்துக்காகவே என்பதை அமைச்சர் வலியுறுத்தினார்.

இதையும் படிங்க: பெரியாரின் பேரன் முதலமைச்சர் விஜய்.. "சீர்திருத்த சிந்தனைகள்"..! அமைச்சர் ரமேஷ் உரை.!