பாகிஸ்தானில் முன்னாள் பிரதமர் இம்ரான் கான் 2023-ல் ஊழல் உள்ளிட்ட பல வழக்குகளில் கைது செய்யப்பட்டு சிறையில் அடைக்கப்பட்டார். அவரோட கைது நாடு முழுக்க பெரிய பரபரப்பை ஏற்படுத்துச்சு. இதையடுத்து, அவரோட ஆதரவாளர்கள், குறிப்பா பஞ்சாப் மாகாணத்தில், தீவிரமான போராட்டங்களை நடத்தினாங்க. இந்தப் போராட்டங்கள் கலவரமாக மாறி, அரசு அலுவலகங்கள், புலனாய்வுத் துறை அலுவலகம், ராணுவத் தளவாடங்கள் எல்லாம் அடித்து நொறுக்கப்பட்டன. இந்தக் கலவரங்களுக்கு இம்ரான் கானோட பாகிஸ்தான் தெஹ்ரீக்-ஏ-இன்சாஃப் (PTI) கட்சியினர் தான் காரணம்னு அரசு குற்றம்சாட்டியது. 

இந்தக் கலவர வழக்கு தொடர்பாக ஃபைசலாபாத்தில் உள்ள பயங்கரவாதத் தடுப்பு நீதிமன்றம் (ATC) நேத்து அதிரடியான தீர்ப்பு ஒண்ணு கொடுத்திருக்கு. மொத்தம் 185 பேர் மீது குற்றம் சாட்டப்பட்டிருந்த இந்த வழக்குல, 108 பேருக்கு 10 வருஷம் சிறைத் தண்டனை விதிக்கப்பட்டிருக்கு. மீதி 77 பேர் விடுதலை செய்யப்பட்டிருக்காங்க. இதோட, ஃபைசலாபாத் நகர காவல் நிலையம் மீது தாக்குதல் நடத்தியதா குற்றம்சாட்டப்பட்ட 58 பேருக்கும் 10 வருஷம் சிறைத் தண்டனை கிடைச்சிருக்கு. இந்தத் தீர்ப்பு PTI கட்சிக்கு பெரிய பின்னடைவா பார்க்கப்படுது. 

10 வருஷம் சிறை கிடைச்சவங்களுல முக்கியமான பல PTI தலைவர்களும் இருக்காங்க. தேசிய சட்டமன்ற எதிர்க்கட்சித் தலைவர் ஒமர் அயூப், பாகிஸ்தான் செனட் எதிர்க்கட்சித் தலைவர் ஷிபிலி ஃபராஸ், நாடாளுமன்ற உறுப்பினர் சார்தாஜ் குல், சன்னி இத்திஹாத் கவுன்சில் தலைவர் ஷாஹிப்சடா ஹமித் ரஸா ஆகியோர் இதுல அடங்குவாங்க. இவங்க எல்லாம் 2023 மே 9-ம் தேதி நடந்த கலவரங்களுக்கு தூண்டுதலாக இருந்ததா நீதிமன்றம் கருதியிருக்கு. இதனால, இவங்களோட பாராளுமன்ற உறுப்பினர் பதவிகளும் பறிபோக வாய்ப்பிருக்கு. 

இதையும் படிங்க: எங்க அதிபருக்கு கொடுக்க நோபல் பரிசை!! ட்ரம்புக்கு வக்காலத்து வாங்கும் அமெரிக்கா..

PTI கட்சியோட தலைவர் பேரிஸ்டர் கோஹர் அலி கான் இந்தத் தீர்ப்பை கடுமையா எதிர்த்திருக்காரு. “இந்த வழக்குகள் அடிப்படையற்றவை. எங்களோட தலைவர்கள் அரசியல் வன்மத்தால் பழிவாங்கப்படுறாங்க,”னு குற்றம்சாட்டியிருக்காரு. இந்தத் தீர்ப்பு, இம்ரான் கான் சிறையில் இருந்து விடுதலை ஆகணும்னு ஆகஸ்ட் 5-ல் PTI திட்டமிட்டிருக்குற போராட்டத்துக்கு முன்னாடி வந்திருக்குறது கவனிக்கத்தக்கது. “இது ஜனநாயகத்துக்கு எதிரான நடவடிக்கை. நாங்க உயர் நீதிமன்றத்துல மேல்முறையீடு செய்வோம்,”னு கோஹர் கான் சொல்லியிருக்காரு. 

இந்தக் கலவரங்களுக்கு பின்னால் இம்ரான் கானே தூண்டுதலாக இருந்ததா அரசு சொல்லுது. ஆனா, இம்ரான் கான் இந்தக் குற்றச்சாட்டுகளை மறுத்து, “என்மேல இருக்குற வழக்குகள் எல்லாம் அரசியல் உள்நோக்கம் கொண்டவை,”னு தொடர்ந்து வாதிடுறாரு. 2022-ல் அவரு பதவியிழந்த பிறகு, 186 வழக்குகளில் குற்றம்சாட்டப்பட்டு, இப்போ 14 வருஷ சிறைத் தண்டனையோட அடியலில் இருக்காரு. இந்தத் தீர்ப்பு பாகிஸ்தான் அரசியலில் பெரிய அலைச்சலை ஏற்படுத்தியிருக்கு. PTI இப்போ பாராளுமன்றத்தை புறக்கணிக்குமா, இல்லை புது போராட்டத்தை தீவிரப்படுத்துமானு உலகமே பாக்குது!

இதையும் படிங்க: ஆதாரம் இல்லாம கத விடாதீங்க!! ஆபரேஷன் சிந்தூர் குறித்த விவாதம்.. பாக்., விமர்சனம்!!