தெற்கு காஸாவில் மனிதாபிமான உதவிக்காக காத்திருந்த மக்கள் மீது இஸ்ரேலியப் படைகள் நடத்திய தாக்குதலில், ‘பாலஸ்தீன பீலே’னு அழைக்கப்பட்ட முன்னாள் கால்பந்து வீரர் சுலைமான் அல்-ஒபெய்டு (வயது 41) கடந்த ஆகஸ்ட் 6-ம் தேதி கொல்லப்பட்டார். 

இந்த துயர சம்பவத்தை பாலஸ்தீன கால்பந்து சங்கம் (PFA) உறுதிப்படுத்தி, “உதவி கேட்டு காத்திருந்த பொதுமக்கள் மீது இஸ்ரேலிய படைகள் தாக்குதல் நடத்தினதால சுலைமான் உயிரிழந்தார்”னு அறிக்கை வெளியிட்டுச்சு. இந்த சம்பவம் உலக அளவுல பெரிய அதிர்ச்சியை ஏற்படுத்தியிருக்கு, குறிப்பா கால்பந்து ரசிகர்கள் மத்தியில.

சுலைமான், காஸாவைச் சேர்ந்த கடமத் அல்-ஷதி கிளப்புல ஆரம்பிச்சு, பின்னர் மார்கஸ் ஷபாப் அல்-அமரி, காஸா ஸ்போர்ட்ஸ் கிளப்புகளுக்கு விளையாடி, 100-க்கும் மேற்பட்ட கோல்கள் அடிச்சவர். 2007-ல பாலஸ்தீன தேசிய அணிக்காக அறிமுகமாகி, 24 போட்டிகளில் 2 கோல்கள் அடிச்சார், அதுல ஒரு அழகான சிஸர் கிக் கோல் 2010-ல யேமன் அணிக்கு எதிரா அடிச்சது பேமஸ். இவரோட மரணம், 2023 அக்டோபர் முதல் காஸாவில் இஸ்ரேல்-ஹமாஸ் போரில் கொல்லப்பட்ட 662 விளையாட்டு வீரர்களில் ஒரு பகுதியாக இருக்கு, இதுல 321 பேர் கால்பந்து தொடர்பானவர்கள்.

இதையும் படிங்க: இஸ்ரேல் இப்படி பண்ணக்கூடாது!! காசாவுக்கும், பாலஸ்தீனர்களுக்கு பேரழிவு! ஐ.நா கவலை!!

இந்த தாக்குதல், காஸாவில் மனிதாபிமான நெருக்கடியை மேலும் மோசமாக்கியிருக்கு. ஐ.நா.வோட தகவல்படி, மே மாதம் முதல் 1,300-க்கும் மேற்பட்ட பாலஸ்தீனர்கள் உணவு உதவி தேடும்போது இஸ்ரேலிய தாக்குதல்களில் கொல்லப்பட்டிருக்காங்க. காஸாவில் உணவு பற்றாக்குறையால 197 பேர், இதுல 96 குழந்தைகள், பசியால இறந்திருக்காங்கனு காஸா சுகாதார அமைச்சகம் சொல்றது. இந்த சூழல்ல, இஸ்ரேல் ராணுவம், “ஆகஸ்ட் 6-ல உதவி மையங்களுக்கு அருகே நாங்க யாரையும் தாக்கல, எந்த உயிரிழப்பும் நடக்கலனு எங்களுக்கு தெரியும்”னு மறுத்திருக்கு.

இந்த சம்பவத்துக்கு ஐரோப்பிய கால்பந்து சங்கமான UEFA, “சுலைமான் அல்-ஒபெய்டுக்கு பிரியா விடை. குழந்தைகளுக்கு நம்பிக்கை அளிச்ச திறமைசாலி”னு ஆகஸ்ட் 8-ல எக்ஸ் பதிவு போட்டது. ஆனா, இந்த பதிவுல சுலைமான் எப்படி இறந்தாருனு சொல்லாம விட்டதுக்கு, எகிப்து மற்றும் லிவர்பூல் அணியோட நட்சத்திர வீரர் முகமது சாலா கேள்வி எழுப்பியிருக்கார். “அவர் எப்படி, எங்கே, ஏன் இறந்தாருனு சொல்ல முடியுமா?”னு UEFA-வோட பதிவை ரீஷேர் பண்ணி கேட்டிருக்கார். இந்த பதிவு உலக அளவுல வைரலாகி, கால்பந்து ரசிகர்கள் மட்டுமில்லாம பல நாட்டு மக்களிடையே விவாதத்தை தூண்டியிருக்கு.

முகமது சாலா, ‘எகிப்திய அரசன்’னு அழைக்கப்படுறவர், இந்தாண்டு பேலந்தோர் விருதுக்கு தேர்ந்தெடுக்கப்பட்டிருக்கார். காஸாவில் மனிதாபிமான உதவி தேவைனு தொடர்ந்து வலியுறுத்தி வர்றவர், இந்த மரணத்துக்கு குரல் கொடுத்திருக்கார். இவரோட கேள்விக்கு பதில் சொல்ல UEFA இன்னும் முன்வரல, ஆனா முன்னாள் மான்செஸ்டர் யுனைடெட் வீரர் எரிக் கான்டோனா, “இந்த இனப்படுகொலை எவ்வளவு நாளைக்கு விடப் போறோம்?”னு இன்ஸ்டாகிராம்ல பதிவிட்டு ஆதரவு தெரிவிச்சிருக்கார்.

காஸாவில் இஸ்ரேலோட தாக்குதல் 2023 அக்டோபர் 7-ல ஹமாஸ் நடத்திய தாக்குதலுக்கு பிறகு தீவிரமாச்சு. இதுவரை 61,000-க்கும் மேற்பட்ட பாலஸ்தீனர்கள் கொல்லப்பட்டிருக்காங்க, இதுல ஆயிரக்கணக்கான குழந்தைகள் உண்டு. இந்த மோதல், காஸாவோட விளையாட்டு உலகத்தையும் பெரிய அளவுல பாதிச்சிருக்கு. 288 விளையாட்டு மைதானங்கள், ஸ்டேடியங்கள், PFA-வோட தலைமையகம் உட்பட பல இடங்கள் அழிஞ்சு போயிருக்கு. சுலைமானோட மரணம், இந்த பேரழிவுல ஒரு துயரமான அத்தியாயமா பார்க்கப்படுது.

இந்த சம்பவம், காஸாவில் மனித உரிமைகள், உணவு நெருக்கடி, விளையாட்டு வீரர்களோட பாதுகாப்பு பற்றிய விவாதங்களை உலக அளவுல மறுபடியும் தூண்டியிருக்கு. முகமது சாலாவோட கேள்வி, இந்த பிரச்சினையை இன்னும் பெரிய வெளிச்சத்துக்கு கொண்டு வந்திருக்கு..

இதையும் படிங்க: பிரிட்டன், பிரான்ஸ் வழியில் கனடா.. பாலஸ்தீனத்தை அங்கீகரிக்க முடிவு! அமெரிக்கா, இஸ்ரேல் கொந்தளிப்பு..!