தமிழகத்தில் மாற்றுத்திறனாளிகளுக்கான இலவசப் பேருந்துப் பயணத் திட்டத்தை விரிவுபடுத்தி அரசாணை வெளியிடப்பட்டுள்ளது. இதன்படி, தனித்துவம் வாய்ந்த மாற்றுத்திறனாளிகள் அடையாள அட்டையைப் பயன்படுத்தி, மாநகர, நகர, புறநகர் மற்றும் விரைவுப் பேருந்துகள் உள்ளிட்ட பல்வேறு வகையான பேருந்துகளில் இலவசமாகப் பயணம் செய்யலாம் என அறிவிக்கப்பட்டுள்ளது.

ஏற்கெனவே பெண்களுக்கு ஏசி பேருந்துகளைத் தவிர மற்ற சாதாரணக் கட்டணப் பேருந்துகளில் இலவசப் பயணம் செய்யும் திட்டம் செயல்பாட்டில் உள்ளது. இந்நிலையில், அக்டோபர் 2ஆம் தேதி முதல் மாற்றுத்திறனாளிகளுக்கான இலவசப் பேருந்துப் பயணச் சலுகையும் விரிவுபடுத்தப்பட்டுள்ளது.

இதன்படி, 40 சதவீதம் அல்லது அதற்கு மேல் மாற்றுத்திறன் கொண்டவர்கள், தங்களுக்கான தனித்துவ அடையாள அட்டையைக் காண்பித்து இலவசமாகப் பயணம் மேற்கொள்ளலாம்.

இதையும் படிங்க: அரிசி விலையைக் கட்டுப்படுத்த அதிரடி... ஆந்திராவில் இருந்து வரப்போகும் நெல் மூட்டைகள்... அமைச்சர் செங்கோட்டையன் அதி முக்கிய தகவல்...!

மேலும், தனியாகப் பயணம் செய்ய இயலாத மாற்றுத்திறனாளிகளுடன் அவர்களுக்குத் துணையாக வருபவர்களும் இந்தச் சலுகையைப் பயன்படுத்திக்கொள்ளலாம் எனத் தெரிவிக்கப்பட்டுள்ளது.

மாநகர, நகர, புறநகர், எல்எஸ்எஸ், டீலக்ஸ், எக்ஸ்பிரஸ் மற்றும் மலைப்பகுதிகளில் இயக்கப்படும் சாதாரணக் கட்டணப் பேருந்துகள் உள்ளிட்டவற்றில் இந்தச் சலுகை விரிவுபடுத்தப்பட்டுள்ளது.

அதேநேரத்தில், மாற்றுத்திறனாளிகளுக்கு ஏற்கெனவே வழங்கப்பட்டு வரும் 75 சதவீதப் பயணக் கட்டணச் சலுகையும் தொடர்ந்து நடைமுறையில் இருக்கும் என அறிவிக்கப்பட்டுள்ளது.

தமிழக அரசால் வழங்கப்பட்டுள்ள 16 இலக்கத் தனித்துவ அடையாள எண்ணைக் கொண்ட அடையாள அட்டையைக் காண்பித்து, தகுதியுடைய மாற்றுத்திறனாளிகள் இந்தப் பயணச் சலுகைகளைப் பெற்றுக்கொள்ளலாம். இதற்கான அரசாணையைத் தமிழக அரசு வெளியிட்டுள்ளது.

இதையும் படிங்க: 673 பேருக்கு அரசு வேலை.! பணி நியமன ஆணைகளை வழங்கிய CM விஜய்..! இளைஞர்களுக்கு முக்கியத்துவம்..!