தனது சொந்த நிலத்தில் பயிர் செய்ய விடாமல் இடையூறு ஏற்படுத்தி வரும் நபர்களின் மீது நடவடிக்கை எடுக்க வேண்டும் என ராணிப்பேட்டை மாவட்ட ஆட்சியர் அலுவலகம் முன்பு கணவன், மனைவி, மகன்கள் என நான்கு நபர்கள் தீக்குளிக்க முயன்ற சம்பவம் பெரும் பரபரப்பை ஏற்படுத்தி உள்ளது.

ராணிப்பேட்டை மாவட்டம் பாணாவரம் அடுத்த சூரை கிராம பகுதியை சேர்ந்த மூர்த்தி என்பவர் அப்பகுதியில் 2024 ஆம் ஆண்டு 1 ஏக்கர் 75 சென்ட் இடம் வாங்கி விவசாயம் செய்து வருவதாக கூறப்படுகிறது. இந்த நிலையில் அந்த இடத்தை விலைக்கு வாங்க வேண்டும் என நினைத்திருந்த ஆர் மூர்த்தி - கோசலை தம்பதியர் நிலம் வாங்க முடியாத போனதால் தொடர்ச்சியாக மூர்த்தி வேண்டா தம்பதியரிடம் தொடர்ச்சியாக தகராறில் ஈடுபட்டு வருவதாகவும் இது சம்பந்தமாக பாணாவரம் காவல் நிலையத்தில் வழக்கு பதிவு செய்யப்பட்டு இருப்பதாகவும் கூறப்படுகிறது.

மேலும் ஏற்கனவே கோட்டாட்சியர் விசாரணையும் நடைபெற்று இருப்பதாகவும் தெரிவிக்கும் நிலையில் இன்று மூர்த்தி, தனது மனைவி, இரண்டு மகன்கள் உடன் மாவட்ட ஆட்சியர் அலுவலகத்திற்கு வருகை தந்து மண்ணெண்ணெய் ஊற்றிக்கொண்டு தற்கொலைக்கு முயற்சி செய்த சம்பவம் தற்போது பரபரப்பை ஏற்படுத்தி உள்ளது. மேலும் தங்களது சொந்த நிலத்தில் விவசாயம் செய்யவிடாமல் தொடர்ச்சியாக இடையூறு செய்து வரும் மூர்த்தி , கோசலை,

இதையும் படிங்க: தவறான சிகிச்சையால் உயிரிழந்த திருச்சி நர்சிங் மாணவி!! அரசு சார்பில் நிவாரணம்! வீட்டு மனை வழங்கல்!

சுப்பிரமணி உள்ளிட்ட மேலும் சில நபர்களின் மீது சட்ட ரீதியான நடவடிக்கை எடுக்க வேண்டும் எனவும் மேலும் தங்கள் மீது பொய்யான புகார்கள் கொடுக்கப்பட்டு இருப்பதை ரத்து செய்ய வேண்டும் என்பன உள்ளிட்ட கோரிக்கைகளை முன்வைத்து மூர்த்தி குடும்பத்தினர் தீக்குளிக்க முயன்ற சம்பவம் நடைபெற்று உள்ளது. அப்போது ஆட்சியர் நுழைவாயில் காவலில் இருந்த காவல்துறையினர் அவர்களை தடுத்து நிறுத்தி அவர்கள் மீது தண்ணீர் ஊற்றி ராணிப்பேட்டை காவல் நிலையம் அழைத்து சென்று தற்போது விசாரணை மேற்கொண்டு வருகின்றனர். இதனால் பதற்றமான சூழல் ஏற்பட்டது. 

இதையும் படிங்க: #BREAKING: எடப்பாடிக்கு ஷாக்..!! ADMK எம்எல்ஏக்கள் 3 பேர் ராஜினாமா..! அரசியலில் பரபரப்பு..!