தமிழ்நாட்டு பாஜவின் மாநிலத் தலைவராக இருந்த அண்ணாமலை, அந்த பதவியை இழந்தாலும், தற்போது தேசிய அளவில் கட்சியின் முக்கிய தூணாக உருவெடுத்துள்ளார். 1984ஆம் ஆண்டு கரூர் மாவட்டத்தில் பிறந்த இந்த இவர், 2011ஆம் ஆண்டு கர்நாடகாவில் ஐ.பி.எஸ். அதிகாரியாக சேர்ந்து, 'கர்நாடகாவின் சிங்கம்' என்று புகழ்பெற்றார். 2019இல் காவல் சேவையை விட்டு விலகி, தனது ஊரில் விவசாயம் செய்து அமைதியான வாழ்க்கை வாழ முயன்றாலும், 2020இல் பாஜகவில் இணைந்து அரசியல் பயணத்தைத் தொடங்கினார்.

2021இல் தமிழக பாஜக மாநில தலைவராக நியமிக்கப்பட்ட அண்ணாமலை, 'என் மண் என் மக்கள்' என்ற பெயரில் 140 நாட்கள் நடத்திய படை யாத்திரை மூலம் கட்சியின் வாக்குப்பங்கை இரட்டிப்பாக்கினார். 2024 லோக்சபா தேர்தலில் கோயம்புத்தூரில் போட்டியிட்டு தோல்வியடைந்தாலும், பாஜகவின் வாக்குகளை உயர்த்தினார். அவரது தீவிரமான கருத்துகள், திமுக-காங்கிரஸ் கூட்டணியை கடுமையாக விமர்சித்தல், சமூக ஊடகங்களில் பரவலான செல்வாக்கு ஆகியவை அவரை மாநில அரசியலில் புயல் போல ஆக்கின.

இதையும் படிங்க: அன்றாடம் திண்டாடும் நிலை தான்… பால் கூட்டுறவு சங்க EX. ஊழியர்களுக்காக குரல் கொடுத்த அண்ணாமலை!

2025 ஏப்ரலில், அண்ணாமலை தன்னை மாநில தலைவர் பதவிக்கு பரிசீலனை செய்யவில்லை என்று அறிவித்து, நயினார் நாகேந்திரனை பரிந்துரைத்தார். இதைத் தொடர்ந்து, அமித் ஷா, அவரது 'சிறப்பான சாதனைகளை' பாராட்டி, தேசிய அளவில் பயன்படுத்துவதாக உறுதியளித்தார். தற்போது, அண்ணாமலைக்கு தேசிய பொதுச் செயலாளர் பதவி அல்லது மத்திய அமைச்சர் பொறுப்பு வழங்கப்படலாம் என்ற ஊடக அறிக்கைகள் பரவலாக உள்ளன.

'மோடி போன்ற தலைவர்கள் உலக அளவில் அங்கீகரிக்கப்படுவார்கள்' என்று சொல்லி, காங்கிரஸ் குறைந்துவிட்டதாக விமர்சித்த அண்ணாமலை, திமுக ஆட்சியின் ஊழல், பள்ளிக் கட்டிடங்கள் இடிந்து விழுவது, யூரியா தட்டுப்பாடு போன்றவற்றை குறித்து சமூக ஊடகங்களில் தொடர்ந்து விமர்சித்து வருகிறார். மேலும் ஜி.எஸ்.டி. சீர்திருத்தத்தை ஆதரித்து, 'இது விவசாயிகள், இளைஞர்கள், மகளிருக்கு பயனளிக்கும்' என்று பிரதமரைப் பாராட்டினார்.

தமிழகத்தில் 2026 சட்டமன்றத் தேர்தலில் அவர் போட்டியிட மாட்டார் என்று ஏற்கனவே தெரிவித்துள்ளார். இருப்பினும், தேசிய அளவில் பாஜகவின் இளம் முகமாக, அவரது செல்வாக்கு தொடரும். 'அண்ணாமலை போன்றவர்கள் தமிழக அரசியலை மாற்றுவார்கள்' என்று ஆதரவாளர்கள் நம்புகின்றனர்.

இந்நிலையில் தற்போது, தமிழகத்தில் முதல் முறையாக, சினிமா மோகத்தை தாண்டி, பாஜக முன்னாள் மாநில தலைவர் அண்ணாமலைக்கு சேலம் மாவட்டம், எடப்பாடி சட்டமன்றத்திற்கு உட்பட்ட ஆணைப்பள்ளம், பக்கநாடு பகுதியில் ரசிகர் மன்றம் துவங்கப்பட்டுள்ளது. இதையொட்டி அப்பகுதியில் உள்ள ரசிகர் மன்ற பதாகையின் மேல்புறம், "நேர்மை, புரட்சி, எழுச்சி" ஆகிய வாசகங்கள் இடம்பெற்றுள்ளது. இதையடுத்து தமிழ்நாட்டின் அரசியலில் சூப்பர் ஸ்டார் K.அண்ணாமலை Ex.IPS, ரசிகர் மன்றம், ஆணைப்பள்ளம், பக்கநாடு என்றும், ரசிகர் மன்றத்தின் தலைவர் A.T.தங்கமணி, இயக்குநர் மற்றும் ரசிகர் மன்றத்தின் செயலாளர், பொருளாளர் உள்ளிட்ட பொறுப்பாளர்கள் மற்றும் மன்ற நிர்வாகிகள் பெயர்களும் இடம்பெற்றுள்ளது.

சேலம், தமிழ்நாட்டின் தொழில்நுட்ப மற்றும் விவசாய மையமாக இருப்பதால், இந்த மன்றம் இளைஞர்கள், விவசாயிகள் மற்றும் தொழிலாளர்களை இணைக்கும் என எதிர்பார்க்கப்படுகிறது. இந்த மன்றம், தமிழ்நாட்டு அரசியலில் அண்ணாமலையின் செல்வாக்கை மேலும் வலுப்படுத்தும் என அரசியல் ஊடகவியலாளர்கள் கருதுகின்றனர். அவரது ரசிகர்கள், "அண்ணா மட்டுமே தமிழகத்தின் எதிர்காலம்" என்று வாழ்த்து தெரிவித்தனர்.

இதையும் படிங்க: பயமா இருக்கா? அடுத்த வருஷம் இன்னும் பயங்கரமா இருக்கும்... திமுகவுக்கு சவால்விட்ட அண்ணாமலை...!