விருதுநகர்: தமிழக தொழில்துறை அமைச்சர் கீர்த்தனா, சீனாவுக்கு இணையாக சிவகாசி பட்டாசுகளை உலக நாடுகளுக்கு ஏற்றுமதி செய்ய தமிழக அரசு விரைவில் புதிய கொள்கை உருவாக்கி நடவடிக்கை எடுக்கும் என்று அறிவித்துள்ளார்.

தென்கொரியாவுக்கு முதலீடுகளை ஈர்க்கும் நோக்கில் பயணம் மேற்கொண்டிருந்த அமைச்சர் கீர்த்தனா இன்று தமிழகம் திரும்பினார். விருதுநகரில் நிருபர்களைச் சந்தித்த அவர், சிவகாசி பட்டாசு தொழிலின் எதிர்கால வாய்ப்புகள் குறித்து முக்கிய அறிவிப்புகளை வெளியிட்டார்.

“சீனாவில் இருப்பவர்கள் உலகம் முழுவதும் பட்டாசுகளை ஏற்றுமதி செய்து வருகின்றனர். ஆனால், உலகத்தரம் வாய்ந்த பட்டாசுகளை உற்பத்தி செய்யும் திறன் கொண்ட சிவகாசி இதுவரை முழு அளவில் ஏற்றுமதியைச் செய்யவில்லை. இந்த இடைவெளியை நிரப்ப நாங்கள் திட்டமிட்டுள்ளோம்” என்று அமைச்சர் கீர்த்தனா தெரிவித்தார்.

இதையும் படிங்க: சிங்கப்பெண் அதிரடிப்படையின் ஆக்‌ஷன்!! இன்று முதல் ஆரம்பம்! களமிறங்கிய காவலர்கள்!

சட்டப்படியான அனுமதிகள், பாதுகாப்பு விதிமுறைகள் உள்ளிட்ட அனைத்து நெறிமுறைகளையும் பின்பற்றி ஏற்றுமதி கொள்கை உருவாக்கப்படும் என்றும், இதனால் விருதுநகர் மாவட்டத்தின் பொருளாதாரம் உயரும் என்றும் அவர் நம்பிக்கை தெரிவித்தார். சிவகாசிக்கு அருகில் துறைமுக வசதி இருப்பது பெரும் பலம் என்றும் சுட்டிக்காட்டினார்.

தென்கொரியா பயணத்தின்போது சிவகாசி பட்டாசு தொழில் பற்றி பேசியதும், அங்குள்ளோர் ஆச்சரியப்பட்டு ஏற்றுமதிக்கு அழைப்பு விடுத்ததாக அமைச்சர் குறிப்பிட்டார். மேலும், போலந்து நாட்டில் ஒரு வாடிக்கையாளர் மட்டும் ஆண்டுக்கு 6,000 கோடி ரூபாய்க்கு பட்டாசுகளை ஏற்றுமதி செய்வதாகத் தெரிவித்தார்.

“முதலமைச்சர் விஜய்யின் வழிகாட்டுதலின்படி இந்த வாய்ப்பை முழுமையாகப் பயன்படுத்தி, சிவகாசி பட்டாசு தொழிலை உலக அளவில் கொண்டு செல்வோம்” என அமைச்சர் கீர்த்தனா உறுதியளித்தார்.

சிவகாசி தற்போது மாவட்டத்தின் பொருளாதாரத்தில் இரண்டாவது இடத்தில் உள்ள நிலையில், இந்த ஏற்றுமதி திட்டம் லட்சக்கணக்கான தொழிலாளர்களுக்கு வேலைவாய்ப்பை அதிகரிக்கும் என எதிர்பார்க்கப்படுகிறது. சிவகாசி பட்டாசுகளின் தரம் மற்றும் பாதுகாப்பு அம்சங்களை மேம்படுத்தி, சர்வதேச சந்தையில் நம்பிக்கையை ஏற்படுத்தும் வகையில் திட்டங்கள் வகுக்கப்படும் என்றும் அமைச்சர் உறுதியளித்தார்.

இந்த அறிவிப்பு சிவகாசி பட்டாசு தொழில் மற்றும் அதைச் சார்ந்த தொழிலாளர்கள் மத்தியில் பெரும் நம்பிக்கையை ஏற்படுத்தியுள்ளது. 

இதையும் படிங்க: 717 மதுக்கடைகளையும் நாளைக்கும் மூடிவிட வேண்டும்! அதிகாரிகளுக்கு முதல்வர் விஜய் கெடு!