விடுதலை சிறுத்தைகள் கட்சி தமிழக வெற்றி கழகத்தின் அமைச்சரவையில் இடம்பெற வேண்டும் என்று அழைப்பு விடுக்கப்பட்டிருந்தது. தவெக சார்பில் வெளியான அறிவிப்பு முக்கியத்துவம் பெற்றது. பொதுப்பணி மற்றும் விளையாட்டு மேம்பாட்டுத் துறை அமைச்சர் ஆதவ் அர்ஜுனா, செய்தியாளர்களிடம் பேசியபோது, விசிக தலைவர் திருமாவளவனை அமைச்சரவையில் இணைக்க அழைப்பு விடுக்கப்பட்டுள்ளதாகவும், அதேபோல் ஐயூஎம்எல் கட்சியும் அமைச்சரவையில் பங்கேற்க வேண்டும் என்பது முதல்வர் விஜய்யின் விருப்பம் என்றும் தெரிவித்தார்.

மதச்சார்பற்ற கட்சிகள் அமைச்சரவையில் இடம்பெற வேண்டும் என்பதில் தவெக உறுதியாக உள்ளது என்று அவர் வலியுறுத்தினார். இந்த அழைப்பு, தவெக அரசின் விரிவாக்கத் திட்டத்தின் ஒரு பகுதியாகக் கருதப்பட்டது. இந்த அழைப்பு காரணமாக விடுதலை சிறுத்தைகள் கட்சி முக்கிய ஆலோசனையை நடத்தியது.

இந்த நிலையில், முதலமைச்சர் விஜய் தலைமையிலான தமிழக வெற்றிக் கழகத்தின் அமைச்சரவையில் விசிக இடம்பெறுமா என்பது குறித்து நாளை அறிவிப்பு வெளியாகும் என விடுதலை சிறுத்தைகள் கட்சி தலைவர் திருமாவளவன் தெரிவித்துள்ளார். அமைச்சரவையில் இடம்பெறுவது குறித்து நாளை அதிகாரப்பூர்வமாக அறிவிப்பு வெளியாகும் என்றும் கூறியுள்ளார்.

இதையும் படிங்க: திருச்சி கிழக்கு திருமாவளவனுக்கு!! சிதம்பரம் எம்.பி., தொகுதி த.வெ.க.,வுக்கு! புது டீல் ரெடி!

தமிழக வெற்றி கழக அமைச்சரவையில் பங்கேற்குமாறு அமைச்சர் ஆதவ் அர்ஜுனா மீண்டும் அழைத்தது குறித்து ஆலோசனை நடத்தப்பட்டுள்ளதாக தெரிவித்துள்ளார். தமிழக அரசின் அமைச்சரவையில் இடம்பெற வேண்டும் என்பதை வீசிக்க நிர்வாகிகளின் விருப்பமாக இருக்கிறது எனவும் கூறியுள்ளார். தமிழக வெற்றிக்கழக அரசின் அமைச்சரவையில் வீசு கா பங்கு பெற வேண்டும் என்ற கோரிக்கை தற்போது வலுத்து வருவதாகவும் கூறியுள்ளார். 

இதையும் படிங்க: திருமா ஸ்ட்ரிக்ட் ஆர்டர்! பணிந்த விஜய்! அதிமுகவினருக்கு ஆப்பு வைத்த அமைச்சரவை!