தமிழக அரசியல் வரலாற்றில் ஒரு முக்கிய திருப்புமுனையாக, நடிகர் விஜய் தலைமையிலான தமிழக வெற்றி கழகம் தேர்தல் ஆணையத்தால் அங்கீகரிக்கப்பட்ட மாநில கட்சியாக அறிவிக்கப்பட்டுள்ளது. சட்டமன்றத் தேர்தலில் கட்சி பெற்ற அபார வெற்றியின் அடிப்படையில் இந்த அங்கீகாரம் வழங்கப்பட்டுள்ளது. இதனால் தமிழ்நாட்டில் அங்கீகரிக்கப்பட்ட மாநில கட்சிகளின் எண்ணிக்கை ஏழாக உயர்ந்துள்ளது.

திமுக, அதிமுக, இந்திய கம்யூனிஸ்ட் கட்சி, விடுதலை சிறுத்தைகள் கட்சி, தேமுதிக உள்ளிட்ட கட்சிகளுடன் தமிழக வெற்றி கழகமும் இப்போது அதிகாரப்பூர்வமாக அங்கீகரிக்கப்பட்ட மாநில அரசியல் கட்சியாக இணைந்துள்ளது.2024 பிப்ரவரி மாதம் தொடங்கப்பட்ட இந்தக் கட்சி, மிகக் குறுகிய காலத்தில் தமிழக அரசியல் களத்தில் பெரும் தாக்கத்தை ஏற்படுத்தியது.

முதல் முறையாக சட்டமன்றத் தேர்தலில் போட்டியிட்டபோது, பெரும்பான்மையான தொகுதிகளில் வெற்றி பெற்று ஒற்றைப்பெரும் கட்சியாக உருவெடுத்தது. இந்த வெற்றிதான் தேர்தல் ஆணையத்தின் அங்கீகாரத்திற்கு வழிவகுத்தது. மாநிலக் கட்சியாக அங்கீகரிக்கப்படுவதற்கான நிபந்தனைகளை கட்சி நிறைவு செய்ததால், தேர்தல் ஆணையம் அதிகாரப்பூர்வ அறிவிப்பை வெளியிட்டுள்ளது.அங்கீகாரத்துடன் சேர்த்து, கட்சியின் தேர்தல் சின்னமாக விசில் உறுதி செய்யப்பட்டுள்ளது.

இதையும் படிங்க: #BREAKING: இடைத் தேர்தல்... தவெக வேட்பாளர்கள் அறிவிப்பு...! வெற்றி வசமாகுமா.? எகிறும் எதிர்ப்பார்ப்பு..!!

இந்தச் சின்னம் ஏற்கனவே தேர்தல் காலத்தில் பரவலாகப் பயன்படுத்தப்பட்டு, மக்களிடையே அடையாளம் காணக்கூடியதாக மாறியிருந்தது. இப்போது அது நிரந்தரமாக கட்சிக்கு ஒதுக்கப்பட்டுள்ளதால், எதிர்காலத் தேர்தல்களில் கட்சி வேட்பாளர்கள் இந்தச் சின்னத்திலேயே போட்டியிட முடியும். அங்கீகரிக்கப்பட்ட மாநிலக் கட்சிக்கு கிடைக்கும் பலன்கள் பல. தேர்தல் சின்னம் முன்பதிவு செய்யப்படுவதுடன், அரசு ஊடகங்களில் இலவச ஒளிபரப்பு நேரம், தேர்தல் விதிமுறைகள் குறித்த ஆலோசனைகள் உள்ளிட்ட சிறப்புரிமைகளும் கிடைக்கும்.

இதையும் படிங்க: மண் சுரண்டல்..! கொஞ்சம் கூட அக்கறை இல்லையா.? மத்திய அரசை விளாசிய வேல்முருகன்.!