நடிகர் விஜய் தமிழக அரசியலில் நுழைந்ததிலிருந்தே ஊழலை ஒழிப்பேன் என்ற உறுதிமொழியை மிக அடிக்கடி வலியுறுத்தி வருகிறார். அவரது தமிழக வெற்றிக் கழகம் என்ற அரசியல் இயக்கத்தின் மையக் கொள்கையாகவே ஊழல் ஒழிப்பை அவர் வைத்திருக்கிறார். இது வெறும் பேச்சு அல்ல; அவரது பொதுக்கூட்டங்கள், மாநாடுகள், அறிக்கைகள் எல்லாவற்றிலும் இந்தக் கருத்து தொடர்ந்து ஒலித்து வருகிறது.

தமிழக வெற்றிக் கழகத்தை அதிகாரப்பூர்வமாகத் தொடங்கியபோது, 2024 பிப்ரவரி மாதத்தில், விஜய் தெளிவாகக் கூறினார். ஊழல் மலிந்த அரசியல் கலாசாரத்தையும், பிளவுவாத அரசியலையும் எதிர்த்து ஒரு புதிய பாதையை உருவாக்குவதே தனது நோக்கம் என்று. அரசியலுக்கு வருவதற்கான காரணமாகவே ஊழலை ஒழிப்பதை முதன்மையானதாக அவர் சொன்னார். பணம், சாதி, மதம், இனம் போன்றவற்றால் பிரிக்கும் அரசியலை வெறுப்பதாகவும், லஞ்ச ஊழல் இல்லாத திறமையான நிர்வாகத்தை உருவாக்குவதாகவும் அறிவித்தார்.

அதன் பிறகு நடைபெற்ற பல்வேறு நிகழ்ச்சிகளில் இந்த உறுதிமொழி மீண்டும் மீண்டும் வந்தது. விக்ரவாண்டி மாநாட்டில் பேசும்போது, தமிழகத்தில் தற்போது ஆளும் சக்திகளை ஊழல் சக்தி என்று குறிப்பிட்டு, அத்தகைய ஆட்சி தொடரக் கூடாது என்று வலியுறுத்தினார். ஊழலை ஒழிப்பது தனது கட்சியின் அடிப்படை இலட்சியம் என்றும், அதற்காகவே தான் அரசியலில் இறங்கியிருப்பதாகவும் தெரிவித்தார். கட்சியின் சின்னமாக விசில் ஒதுக்கப்பட்டபோது, அதை ஊழலை ஒழிக்கும் சின்னம் என்று அவர் விளக்கினார். தமிழக மக்களின் ஒரே சின்னமாக விசிலை முன்வைத்து, ஊழலுக்கு எதிரான போராட்டத்தை குறியீடாக்கினார்.

இதையும் படிங்க: மிகச்சிறந்த காமெடியன் விஜய்... முதல்வரை சீண்டியதால் டி கே எஸ் இளங்கோவன் பதிலடி...!

இந்த நிலையில் அதிமுக முன்னாள் அமைச்சர் திண்டுக்கல் சீனிவாசன் விஜய் குறித்து விமர்சித்து பேசி இருந்தார். விஜய் என்ன உத்தமரா என்ற கேள்வி எழுப்பினார். தனது படத்தின் மூலம் வந்த வருமானத்தை கணக்கு கொடுக்காமல் கருப்பு பணம் வைத்திருந்தவர் தான் விஜய் என்று தெரிவித்திருந்தார். ஊழல் குறித்தும் கருப்பு பணம் குறித்தும் அடிக்கடி விஜய் பேசி வரும் நிலையில் அமைச்சர் திண்டுக்கல் சீனிவாசன் கடுமையாக விமர்சித்துள்ளார். 

இதையும் படிங்க: பாஜக தலைமையில் மற்றும் பலர்..! அதிமுக மீது விஜய் டைரக்ட் அட்டாக்..!