சேலத்தில் தமிழக வெற்றிக் கழகம் (தவெக) நிர்வாகிகள் கூட்டத்தில் கட்சித் தலைவர் விஜய் பேசியது பெரும் பரபரப்பை ஏற்படுத்தியுள்ளது. தேர்தல் நெருங்கும் நிலையில், அவர் கொடுத்த உற்சாகப் பேச்சு இளைஞர்களிடையே பெரும் வரவேற்பை பெற்றுள்ளது.

விஜய் பேசியதாவது: “ஓட்டுக்கு யாரும் பணம் கொடுத்தால் வாங்கிக்கொள்ளுங்கள். வாங்கிக்கொண்டு காதில் விசில் ஊதி அனுப்புங்கள். எதில் நம்மை கிண்டல் செய்கிறார்களோ, அதிலிருந்து ஜெயித்துக் காட்ட வேண்டும். எனக்கு அனுபவம் இல்லை என்று சொல்கிறார்கள். மக்கள் பணத்தை கொள்ளையடித்ததைத் தவிர அவர்களுக்கு வேறு என்ன அனுபவம் இருக்கிறது? நான் நல்ல அரசியல் செய்ய வந்திருக்கிறேன். யாரையும் அழிக்க வரவில்லை. 

சொந்தமாக கட்சி தொடங்கி 1 சதவீத வாக்கு வாங்க முடியுமா? அதற்கு திராணி இருக்கிறதா? இரண்டு ஆண்டுகளில் முதன்மை சக்தியாக மாறியுள்ளோம். 30 சதவீத வாக்கு சதவீதத்துடன் இருக்கிறோம். கொள்கை அரசியல்தான் எங்கள் அரசியல். கொள்ளை அரசியல் செய்ய மாட்டேன். மக்களை நேசிக்கும், பாதுகாப்பான அரசியல்தான் என் அரசியல். அதைச் செய்து காட்டுவேன்.”

இதையும் படிங்க: இனி விசிலு வேண்டாம்! ஸ்பீக்கருக்கு மாறுங்க!! தவெக சின்னத்தை கண்டு அரசுக்கு அலர்ஜி! தூய்மை பணியாளர்களுக்கு உத்தரவு!

இளம் தலைமுறையினரை நோக்கி அவர் மேலும் கூறினார்: “பணம் கொடுத்து ஓட்டு வாங்கும் கலாசாரம் மாற வேண்டும். பணம் கொடுத்தால் ஓட்டு போட்டு விடுவீர்களா? ஒரு உறுதிமொழி எடுத்துக்கொள்ளுங்கள் – ‘எங்கள் ஓட்டு எங்கள் உரிமை; எங்களை யாரும் விலைக்கு வாங்க முடியாது; எங்கள் ஓட்டு விசில் சின்னத்துக்குத்தான்; யாரையும் நம்பி ஏமாற மாட்டோம்.’ கொள்ளையடித்த பணம் எல்லாம் குப்பையில்தான் போகும். 

மக்களும் ஊழல் ஆட்சியை குப்பையில் போடப் போகிறார்கள். இளைஞர்கள் உங்கள் வீட்டில் உள்ளவர்களை விசில் சின்னத்துக்கு ஓட்டு போடச் சொல்லுங்கள். நாங்கள் எந்தக் கட்சியையும் ஒழிக்க வரவில்லை. வெறுப்பு அரசியல் செய்ய வரவில்லை. மக்களுக்கு நன்றி செலுத்தவே வந்திருக்கிறோம். அதிகாரத்தை வைத்து மக்கள் பணத்தை கொள்ளையடித்ததைத் தவிர அவர்களுக்கு வேறு அனுபவம் இல்லை. கொள்ளையடிப்பதில் எங்களுக்கு அனுபவம் இல்லைதான்.”

விஜய்யின் இந்த பேச்சு தமிழக அரசியலில் புதிய அலையை ஏற்படுத்தியுள்ளது. பண அரசியலை எதிர்த்து, கொள்கை அடிப்படையில் வளர்ந்து வரும் தவெகவின் நிலைப்பாடு இளைஞர்களிடையே பெரும் எதிர்பார்ப்பை ஏற்படுத்தியுள்ளது.

 2026 சட்டமன்றத் தேர்தலில் விசில் சின்னம் எப்படி தாக்கத்தை ஏற்படுத்தும் என்பது இப்போதே விவாதமாகியுள்ளது. விஜய்யின் உறுதியான பேச்சு திமுக, அதிமுக உள்ளிட்ட கட்சிகளுக்கு சவாலாக அமைந்துள்ளது. தமிழக அரசியல் களம் இனி மேலும் சூடுபிடிக்கும் என எதிர்பார்க்கப்படுகிறது.

இதையும் படிங்க: சீட் இல்லைங்க!! ரசிகர் மன்ற நிர்வாகிகளை கழட்டி விட முடிவு!! விஜயின் செயலால் தொண்டர்கள் அதிர்ச்சி!!