தமிழக முதல்வர் Vijay விரைவில் டெல்லி பயணம் மேற்கொள்ள உள்ள நிலையில், தமிழக அரசின் “டெல்லி சிறப்பு பிரதிநிதி” பதவிக்கு யார் நியமிக்கப்படுவார் என்ற கேள்வி அரசியல் வட்டாரங்களில் அதிக கவனத்தை ஈர்த்துள்ளது. புதிய ஆட்சியாக பொறுப்பேற்றுள்ள Tamilaga Vettri Kazhagam இந்த முக்கிய பதவியில் திறமையான ஒருவரை நியமிக்குமா அல்லது வழக்கம்போல அரசியல் சமரச நியமனமா இருக்கும் என்ற எதிர்பார்ப்பு உருவாகியுள்ளது.

தமிழக அரசின் டெல்லி சிறப்பு பிரதிநிதி பதவி, பெயருக்கு சாதாரணமாகத் தோன்றினாலும், மத்திய அரசுடன் மாநில அரசின் தொடர்புகளை ஒருங்கிணைக்கும் முக்கிய பொறுப்பாக பார்க்கப்படுகிறது. மாநில திட்டங்களுக்கான கோப்புகள் மத்திய அமைச்சகங்களில் எந்த நிலையில் உள்ளன, தமிழ்நாட்டை பாதிக்கும் கொள்கைகள் என்ன, மத்திய அதிகாரிகளுடன் இணைந்து மாநில நலன்களை எப்படி முன்னெடுக்கலாம் என்பதைக் கண்காணிப்பதே இந்த பதவியின் முக்கிய பணியாகும்.

ஆனால் கடந்த காலங்களில் இந்த பதவி பெரும்பாலும் அரசியல் ஆறுதல் பரிசாகவே பயன்படுத்தப்பட்டதாக விமர்சனங்கள் எழுந்துள்ளன. தேர்தலில் தோல்வியடைந்தவர்கள் அல்லது பதவி கிடைக்காத முக்கிய நிர்வாகிகளுக்கே இந்த வாய்ப்பு வழங்கப்பட்டதாக அரசியல் விமர்சகர்கள் கூறுகின்றனர்.

இதையும் படிங்க: மகாராணி-னு நெனப்போ.? சர்ச்சையில் சிக்கிய கவுண்டம்பாளையம் எம்எல்ஏ விளக்கம்..!

டெல்லியில் நிரந்தரமாக தங்கி மாநில நலனுக்காக பணியாற்றுவதற்கு பதிலாக, முதல்வரை வரவேற்பது மற்றும் விழாக்களில் பங்கேற்பது போன்ற செயல்களிலேயே பலர் கவனம் செலுத்தியதாகவும் குற்றச்சாட்டுகள் உள்ளன.

இந்த பதவியில் இருப்போருக்கு அரசு பங்களா, இலவச உணவு, அரசு கார், தனி உதவியாளர், விமான பயண வசதி உள்ளிட்ட பல சலுகைகள் வழங்கப்படுகின்றன. மேலும் கேபினெட் அமைச்சர் அந்தஸ்தும் கிடைக்கும் என்பதால், இந்த பதவிக்கான அரசியல் போட்டி எப்போதும் அதிகமாகவே இருக்கும்.

புதிய அரசு பொறுப்பேற்ற பின், ஜனாதிபதி, துணை ஜனாதிபதி மற்றும் பிரதமரை சந்திக்கும் மரபுப்படி முதல்வர் விஜய் டெல்லி செல்ல உள்ளார். இதையடுத்து தமிழ்நாடு இல்லத்தில் ஏற்பாடுகள் தீவிரமாக நடைபெற்று வருகின்றன. இந்த சூழலில், டெல்லி சிறப்பு பிரதிநிதி யார் என்பது தமிழக அரசியலில் புதிய விவாதத்தை கிளப்பியுள்ளது.

இதையும் படிங்க: விஜய் ஜெயிச்சது சுனாமி-லாம் இல்ல..! தவெக மீது விமர்சனங்களை கொட்டிய அன்புமணி..!