'புன்னகை தேசம்', 'ஜூனியர் சீனியர்', 'மந்திரன்', 'பிறகு' உள்ளிட்ட பல படங்களில் நடித்து பிரபலமானவர் ஹம்சவிர்தன். இவர் தற்போது தனது பெயரை லியோ ஹம்சவிர்தன் என மாற்றிக் கொண்டுள்ளார். 
 

லியோ ஹம்சவிர்தன் என பெயரை மாற்றிய கையேடு, கேரளாவை சேர்ந்த மாடலிங் கலைஞர் நிமிஷாவை சமீபத்தில் புதுச்சேரியில் மணந்தார். இந்து மற்றும் கிறிஸ்தவ முறைப்படி இந்த திருமணம் நடந்துள்ளது.. 

இதையும் படிங்க: மீன் வலை போன்ற உடையில்... கிளாமரில் கிக் ஏற்றிய அதிதி ஷங்கர்!

நிமிஷாவின் சொந்த ஊரான வயநாட்டில், மே மாதம் 18ம் தேதி திருமண வரவேற்பு விமரிசையாக நடைபெற்றது. இரு வீட்டு பெற்றோர்கள், உறவினர்கள் மற்றும் நண்பர்கள் கலந்து கொண்டு, இந்த ஜோடிகளை வாழ்த்தியுள்ளனர்.

நீண்ட காலமாக திரைப்படங்களில் இருந்து விலகி இருந்த ஹம்சவிர்தன், தற்போது உடல் எடையை குறைத்து இரண்டு புது படங்களில் நடிக்க ஒப்பந்தம் ஆகியுள்ளார். இந்த திரைப்படங்களின் முன் தயாரிப்பு பணிகள் தற்போது நடைபெற்று வருகின்றன. ஹம்சவிர்தனின் முதல் மனைவி சாந்தி ஹம்சவிர்தன் கடந்த 2021ம் ஆண்டு கொரோனா நோய்க்கு பலியானது குறிப்பிடத்தக்கது. 

இதைத் தொடர்ந்து சோகத்தில் மூழ்கி இருந்த அவர், அதில் இருந்து மீண்டெழுந்து தனது வாழ்க்கையின் அடுத்த அத்தியாயத்தை தற்போது துவங்கி உள்ளார். லியோ ஹம்சவிர்தன் மற்றும் அவரது மனைவி நிமிஷா லியோ ஹம்சவிர்தனுக்கு திரையுலகினர் மற்றும் ரசிகர்கள் வாழ்த்துக்களை தெரிவித்து வருகிறார்கள்.
 

இதையும் படிங்க: காதலை அறிவித்த விஷால் - சாய் தன்ஷிகா! வைரலாகும் ரொமான்டிக் போட்டோஸ்!