விஜய் டிவியில் ஒளிபரப்பான கனா காணும் காலங்கள் சீரியல் மூலம் பிரபலமானவர் நடிகர் ஸ்ரீராம். இவர் வழக்கு எண் 18/9 படத்தின் மூலம் திரையுலகில் நுழைந்தார். அவரின் இந்த படம் அவருக்கு நல்ல வரவேற்பை பெற்று தந்தது. அதற்கு பிறகு ஒரு சில திரைப்படங்களில் நடித்துள்ளார். ஆனால் கடந்த சில மாதங்களுக்கு முன்பு தன்னுடைய சோசியல் மீடியா பக்கங்களில் உடல் மெலிந்த நிலையில் நீண்ட முடி வளர்ந்து ஆளே அடையாளம் தெரியாத அளவிற்கு மாறி இருந்தார். அதைத்தொடர்ந்து சோசியல் மீடியா எங்கும் ஸ்ரீ பற்றிய புகைப்படங்கள் தான் வைரலானது. இவர் மீண்டும் பழைய நிலைக்கு வரவேண்டும் என்று பலரும் கருத்து தெரிவித்து வந்தனர்.

ஸ்ரீ விஜய் டிவியில் கனா காணும் காலங்கள் கலக்கப்போவது யாரு போன்ற நிகழ்ச்சிகளிலும் கலந்து கொண்டார். அதுபோல ஓநாயும் ஆட்டுக்குட்டியும், வில் அம்பு போன்ற படங்களில் நடித்து பலரையும் வியக்க வைத்திருந்தார். கடைசியாக 2023 ஆம் ஆண்டு வெளியான இறுகப்பற்று திரைப்படத்தில் நடித்திருந்தார். தான் நடித்த திரைப்படங்களில் தனக்கு சரியான பேமெண்ட் வரவில்லை என்று கடந்த வருடத்திலேயே ஸ்ரீ தன்னுடைய சோசியல் மீடியா பக்கங்களில் பதிவு வெளியிட்டு இருக்கிறார்.

இதையும் படிங்க: விவாதத்தை கிளப்பிய எக்ஸ் தள பதிவு... கமலஹாசனுக்கு தொடரும் சிக்கல்!!

அதுமட்டுமல்லாமல் தன்னுடைய குடும்பத்தினரையும், நண்பர்களையும் பிரிந்து தனியாக வசித்த ஸ்ரீ மீண்டும் அவருடைய குடும்பத்தோடு சேர வேண்டும் என்று பலரும் விருப்பம் தெரிவித்த நிலையில் அவருடைய குடும்பத்தினர் மற்றும் அவருடைய நண்பர்களின் முயற்சியால் ஸ்ரீ இப்பொழுது அவருடைய குடும்பத்துடன் சேர்ந்திருக்கிறார் அதுபோல அவர் வெளியிட்ட சில வீடியோக்களையும் அவர் டெலிட் செய்திருந்தார். அவர் இப்போது முறையான சிகிச்சை எடுத்து வந்த நிலையில் இன்று ஒரு பதிவு வெளியிட்டிருக்கிறார். அதில் "may I come in?" என்ற நாவலை ஸ்ரீ எழுதியிருப்பதாக அறிவித்திருக்கிறார்.

இன்று ஜூன் 18, 2025 புதன்கிழமை என்னுடைய முதல் ஆங்கில நாவலான "may I come in" ஐ உலகிற்கு பகிர்வதில் மிகவும் மகிழ்ச்சி. amazon.in உங்கள் பிரதிகளை இப்போதே பெறுங்கள் என பதிவிட்டு இருக்கிறார். ஸ்ரீ பழைய நிலைக்கு வரவேண்டும், தொடர்ந்து சினிமாவில் நடிக்க வேண்டும் என்று பலரும் ஆசைப்பட்டாலும் அவர் ஒரு சிறந்த இயக்குனர் என்று அவருடன் நடித்த பல நடிகர்களும் கூறி இருக்கிறார்கள். இப்போது தான் ஒரு ஆங்கில நாவல் எழுதி இருக்கிறேன் என்று அவர் கூறி இருக்கும் நிலையில் அவருக்கு பலரும் வாழ்த்துக்கள் தெரிவித்து வருகிறார்கள். 

இதையும் படிங்க: சக்க போடு போடும் சூரியின் ’மாமன்'... ஓடிடி ரிலீஸ் எப்போது? வெளியானது முழுவிவரம்!!