சின்னத்திரை துறையில் தனக்கென ஒரு தனி அடையாளத்தை உருவாக்கியவர் நடிகை ரேஷ்மா பசுபுலேட்டி. தொலைக்காட்சித் தொடர்கள், யூடியூப் சேனல்கள், சமூக வலைதளங்கள் மற்றும் 'பிக்பாஸ்' நிகழ்ச்சி ஆகியவற்றில் தனது வேடிக்கையான மற்றும் நேர்மையான அணுகுமுறையால் ரசிகர்களிடையே நல்ல பெயரை பெற்றுள்ளார். சமீப காலமாக இவருக்கு படவாய்ப்புகள் குறைவாக கிடைத்தாலும், சமூக வலைதளங்களில் தாராளமான உடைத் தேர்வுகள், தன்னம்பிக்கையான அணுகு முறைகள், மற்றும் மனநிலை தெளிவும், உரிமை உணர்வும் நிரம்பிய பேச்சுக்கள் மூலம் தொடர்ந்து ரசிகர்களின் கவனத்தை ஈர்த்துக் கொண்டே இருக்கிறார்.

இப்படியாக விஜய் டிவியில் ஒளிபரப்பான புகழ்பெற்ற 'பிக்பாஸ்' நிகழ்ச்சியின் மூன்றாம் சீசனில், பங்கேற்றதன் மூலம் ரேஷ்மா பெரிதும் அறிமுகமானார். நிகழ்ச்சியின் தனித்துவமான சூழ்நிலையிலும், எதிலும் பாரபச்சமின்றி பேசும் அவரது இயல்பும் காரணமாக, ரசிகர்கள் அவரை 'நியூட்ரல் ரேஷ்மா' என்று அழைத்தனர். அந்த நிகழ்ச்சியின் பிறகு, பலருக்கு அவரது நேர்மையான கருத்துகள், தைரியமான நிலைப்பாடுகள் மற்றும் சுயமாக வாழும் எண்ணம் பெரிதும் வழிகாட்டியாக இருந்தது. அதனூடாக அவர், வெறும் சீரியல் நடிகையிலிருந்து ஒரு தனித்துவமான பெண்களின் பாதுகாப்பு குரலாக மாறினார். ஒரு கட்டத்தில், ரேஷ்மா தனது உதட்டின் தோற்றத்தில் மாற்றம் செய்து, அதனை அழகாகவும் பெரிதாகவும் காட்டும் வகையில் அறுவை சிகிச்சை மேற்கொண்டார். இது சமூக வலைதளங்களில் பரபரப்பை ஏற்படுத்தியது. சிலர் இதைப் புகழ்ந்ததோடு, சிலர் விமர்சித்தும் இருந்தனர். ஆனால், அதைப் பற்றிய கேள்விகளுக்கு மிக நேர்மையாகவும், தெளிவாகவும் பதிலளித்த ரேஷ்மா, தனது உடலைத் தானே வடிவமைப்பதற்கான உரிமை என்பது என்னுடைய தனிப்பட்ட உரிமைகளில் ஒன்று என வலியுறுத்தி, பலரிடையே ஒரு உணர்வுப்பூர்வமான மாற்றத்தை உருவாக்கினார்.

அதுமட்டுமல்லாமல் சமீபத்தில், ரேஷ்மா தனது சமூக வலைதளங்களில் தன்னம்பிக்கையும் கவர்ச்சியும் நிறைந்த சில புகைப்படங்களை வெளியிட்டார். இது அவரது ரசிகர்களிடையே பெரும் கவனத்தை பெற்றது. எப்போதும் போல சிலர் பாராட்டினாலும், சிலர் விமர்சனங்களோடு, சட்டென்ற மெசேஜ்கள் அனுப்பும் சூழ்நிலையும் உருவானது. இதனை அடுத்து தன்னை பற்றி அளவுக்கு மீறி பேசுபவர்களுக்கு எச்சரிக்கை கொடுக்கும் வகையில் இன்ஸ்ட்டாவில் ஒரு புகைப்படத்தை பகிர்ந்து அதில் "யாராவது வரம்பு மீறினால், எல்லைகளை தாண்டினால், நான் பேயாக மாறுவேன்" என்று ஒரு தீவிரமான எச்சரிக்கையையும் வெளியிட்டிருந்தார் ரேஷ்மா. இந்த பதிவு, சில இளசுகளுக்கு எச்சரிக்கையாக அமைந்ததோடு, சில 'குறும்புக்கார' ரசிகர்கள் கூட, “இப்படி சொன்னால் எப்படி... இது பருத்தி மூட்டை குடோனிலேயே இருந்திருக்கலாமே..." என நக்கலாகவும் கருத்து தெரிவித்துள்ளனர்.

இதையும் படிங்க: தனது அழகுக்கான காரணம் இதுதான்..! பாரம்பரிய ரகசியத்தை உடைத்த நடிகை தமன்னா பாட்டியா..!

அவர் தாராள அணுகு முறையை வெளிப்படுத்தும் போது, அதற்கு எதிரான கருத்துகள், தடைபாடுகள், மற்றும் பெண்களுக்கு விதிக்கப்படும் சமூகக் கட்டுப்பாடுகள் பற்றிய விவாதங்களும் எழுந்துள்ளன. ஆனால், இது போன்ற தருணங்களில் ரேஷ்மா காட்டும் உறுதி, வாய்மையாகச் சொல்வதற்கான துணிச்சல், மற்றும் தன்னிலைமை, சின்னத்திரை துறையில் பல பெண்களுக்கு வழிகாட்டுதலாக இருக்கிறது. ரேஷ்மா பசுபுலேட்டி ஒரு நடிகை என்பதையும் தாண்டி, இன்று மாற்றத்தை வலியுறுத்தும் குரலாகவும், பெண்களுக்கு தன்னம்பிக்கை ஊட்டும் முகமாகவும் பார்க்கப்படுகிறார். அவர் தன்னை வெளிப்படையாகப் பதிவு செய்யும் முறைகள், சிலருக்கு கடுமையாக இருந்தாலும், அது ஒரு சமூக மாற்றத்திற்கான பக்கம் என்பது மறுக்க முடியாத உண்மை.

“என் உடல், என் உரிமை” என்ற அடிப்படையில் நின்று, சமூக வலைதளங்களிலும், அவரது வாழ்க்கை வழிகளிலும் தனது சுதந்திரத்தையும், விளங்கக்கூடிய மனப்பாங்கையும் வெளிப்படுத்தி வருகிறார்.
 

இதையும் படிங்க: திருமணம் செய்து கொண்டால் சினிமா விட்டு போயிடனுமா..! நடிகை பார்வதி நாயர் காட்டமான பேச்சு..!